Омили баланд будани меъёри фоизи қарзҳо чист? Баррасии ин мавзӯъ дар барномаи «Набзи иқтисод» аз Радиои «Ховар»
![](https://khovar.tj/wp-content/uploads/2019/05/kredit-02.jpg)
ДУШАНБЕ, 08.05.2019 /АМИТ «Ховар»/. Бонк ба мисли рагҳои хунгардест дар низоми иқтисодиёт ва аз фаъолияти самараноки он маҷмӯи иқтисодиёт вобастагии зич дорад. Ба таҳлили коршиносон, агар низоми бонкдорӣ устувор бошад, низоми иқтисодиёти давлат низ устувор хоҳад буд.
Тавре ба ҳамагон аён аст, низоми бонкии ҷумҳурӣ айни замон буҳронро аз сар мегузаронад. Коршиносон сабабҳои ноустувори низоми бонкӣ ё мушкилоти бонкиро ба омилҳои гуногуни беруниву дохилӣ рабт медиҳанд. Иқтисодшиносон мегӯянд, асоситарин масъалае, ки дар низоми бонкдории Ҷумҳурии Тоҷикистон вуҷуд дорад, ин ҳалли роҳҳои паст кардани меъёри қарзӣ ва беҳтар кардани механизми додани қарз аст.
Оё эътимоди пасандозгузорон, ки аз фаъолияти ноустувори чанде аз бонкҳо коҳиш ёфт, беҳбудӣ намехоҳад?
Посухи ин ва дигар суолҳоро метавонед дар барномаи таҳлилии «Набзи иқтисод» дар таҳлили коршиносон 10 майи соли 2019, соатҳои 08:30 (аслӣ), 17-30 ва 21-30 (такроран) дар пешниҳоди муаллиф ва муҳаррири барнома Абдураҳими Абдуқаҳҳор аз мавҷи Радиои «Ховар» бишнавед!