Озмуни ҷумҳуриявии «Даргоҳи ҳунар ва маърифат» баргузор мегардад
ДУШАНБЕ, 09.05.2019. /АМИТ «Ховар»/. Ба истиқболи ҷашни 22-солагии Ваҳдати миллии Тоҷикистон ва Солҳои рушди деҳот, сайёҳӣ ва ҳунарҳои мардумӣ Вазорати фарҳанги Ҷумҳурии Тоҷикистон озмуни ҷумҳуриявии «Даргоҳи ҳунар ва маърифат»-ро эълон менамояд.
Тавре аз маркази матбуоти Вазорати фарҳанги Ҷумҳурии Тоҷикистон ба АМИТ «Ховар» хабар доданд, озмуни мазкур бо мақсади баланд бардоштани мақому манзалати муассисаҳои клубӣ дар ҷомеа, беҳтар намудани мундариҷа ва сифати фаъолияти онҳо дар шароити нави иҷтимоӣ — фарҳангӣ, ҷалб намудани таваҷҷуҳи аҳли ҷомеа ба мушкилоти соҳаи фарҳанг ва ба ин васила мусоидат ҷиҳати ободонӣ, таҳкими заминаи моддӣ — техникӣ ва фароҳам овардани шароити мусоид барои шаҳрвандон дар муассисаҳои клубӣ мебошад.
Озмун аз рўи ду номинатсия: «Муассисаи клуби беҳтарин» ва «Корманди беҳтарин» сурат мегирад. Давраи баргузории озмун моҳҳои май-июни соли равон муайян шудааст.
Даври ҷамъбастии озмун 29 июни соли равон дар толори Донишкадаи давлатии фарҳанг ва санъати Тоҷикистон ба номи Мирзо Турсунзода бо иштироки фаъолон, ғолибон, аҳли илму адаб, собиқадорони соҳаи фарҳанг ва намояндагони воситаҳои ахбори омма баргузор мегардад.
Озмун шартҳои зерин: ҳолати умумии бино, ҳуҷраҳои корӣ, ҳуҷра барои машғулияти махфилҳо, таъминот бо воситаҳои техникӣ, воситаҳои тақвияти овоз, созҳои мусиқии миллӣ, замонавӣ, сару либоси саҳнавӣ, дастовардҳои фарҳангӣ дар ду соли охир то имрўз,
истифодаи технологияи муосир ва компютерӣ (сомона, почтаи электронӣ, саҳифа дар Фейсбук), вазъи ҳисоботи хаттӣ ва оморӣ, фаъолияти ҳуҷраи дастурдиҳӣ, нақшаҳои кории муассиса ва махфилҳо барои солҳои 2018–2019 ва дигар шартҳоро дар бар мегирад.
«ТОҶИКИСТОН—КИШВАРИ ЁДГОРИҲОИ НОДИР». Ёдгориҳои таърихӣ ва мероси фарҳангии тоҷикон дар шаҳри Рим муаррифӣ гардиданд
Шералӣ Хоҷазода: «Намоиши осори бостонии тоҷикон дар Осорхонаи тамаддунҳои Рим эътирофи миллат дар арсаи байналмилалӣ аст»
«ЧОДАРИ ХАЁЛ». Дар Душанбе Ҷашнвораи ҳаштуми байналмилалии театрҳои лӯхтак оғоз мегардад
«ТОҶИКИСТОН-КИШВАРИ ЁДГОРИҲОИ НОДИР». Дар Рим ёдгориҳои нодири таърихию фарҳангии Тоҷикистон ба маърази тамошо гузошта мешаванд
«Шоҳҷоиза»-и сеюмин Синамоҷоизаи миллии «Тоҷи Сомон» ба филми «Дурахши ахтарон: Ҷомӣ ва Навоӣ» тақдим гардид
Ҷаласаи Шурои директорони киностудияҳои кишварҳои аъзои ИДМ доир шуд
Имрӯз даври чоруми Озмуни ҷумҳуриявии «Илм — фурӯғи маърифат» оғоз мегардад
Радиои «Ҳисори Шодмон» расман ба фаъолият шуруъ намуд
Дилрабо Мансурӣ бо ҷараёни баргузории даври ниҳоии Озмуни ҷумҳуриявии «Тоҷикистон-Ватани азизи ман» шинос шуд
Дар Осорхонаи миллии Тоҷикистон толори Сомониён пас аз навсозӣ ифтитоҳ гардид
РӮЗҲОИ СИНАМОИ ҚИРҒИЗИСТОН. Дар кинотеатри «Наврӯз»-и Душанбе се филми қирғизӣ ба намоиш гузошта мешавад
«ШОҲИ ТАОМҲО». Фестивали «Оши палав» ва Намоиш-фурӯши шолӣ ва биринҷ бо шукӯҳу шаҳомати хос доир гардид
