Пешвои миллат Эмомалӣ Раҳмон роҳи мошингарди Деҳоти «Пушинг»-и ноҳияи Данғараро ифтитоҳ намуданд

Май 23, 2019 09:19

ДУШАНБЕ, 23.05.2019 /АМИТ «Ховар2/. 23 май Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар идомаи сафари корӣ ба ноҳияи Данғара дар даромадгоҳи деҳоти «Пушинг» бо буридани лентаи рамзӣ роҳи мошингарди “Данғара – Пушинг”-ро мавриди баҳрабардорӣ қарор доданд.

Ин роҳ деҳаҳои Пушинг, Алиҷон, Ғиҷовак ва Паркамичро бо маркази ноҳияи Данғара мепайвандад ва дарозии он 18 километрро ташкил медиҳад.

Акнун баъди мавриди баҳрабардорӣ қарор додани роҳи мошингард ҳазорҳо нафар сокинони деҳаҳои Пушинг, Алиҷон, Ғиҷовак аз ин роҳ ба таври самаранок истифода мебаранд. Рафтуомади бемамониати одамон ва нақлиёт тамоми фаслҳои сол таъмин ва интиқоли мусофиру мол осон мегардад.

Бунёди роҳ дар арафаи 30-солагии Истиқлолияти давлатии Ҷумҳурии Тоҷикистон дар доираи Солҳои рушди деҳот, сайёҳӣ ва ҳунарҳои мардумӣ туҳфаи арзандаи Ҳукумати Ҷумҳурии Тоҷикистон ба мардуми ноҳияи Данғара мебошад, зеро роҳи мошингард бо дастури бевоситаи Сарвари давлат муҳтарам Эмомалӣ Раҳмон аз тарафи Ҷамъияти дорои масъулияти маҳдуди “Роҳи тоҷик” бо сифати баланд ва ҷавобгӯ ба талаботи стандартҳои роҳсозӣ бунёд карда шуд.

Роҳсозон дар вақти сохтмон ҳамаи талаботи меъёрҳоро ба инобат гирифта, корҳои бунёди роҳи пиёдагард, ҷуйборҳои ду канори роҳ, қубурҳои обгузар, чароғонкунии қад-қади роҳро анҷом додаанд.

Бари роҳи мошингард дар минтақаҳои гуногун аз 4,5 то 14 метрро дар бар мегирад.

Барои чароғонкунии роҳи мазкур дар маҳалҳои аҳолинишин 240 адад сутунпоя бо чароғҳо шинонида шудаанд.

Дар масири ин роҳ барои ҷавобгӯ намудан ба талаботи роҳсозӣ даҳҳо адад аломатҳои ишоратӣ насб гардидаанд.

Барои дар рафти сохтмон бо шуғл фаро гирифтани аҳолӣ аз тарафи пудратчиён 50 нафар ба кор ҷалб карда шуданд.

Ҳамчунин барои бунёди роҳ аз техникаҳои муосири роҳсозӣ истифода гардид. Сохтмончиён кӯшиш карданд роҳро босифат созанд, то он солҳои дароз ба мардуми деҳот хизмат расонад ва барои ин иқдомашон Президенти мамлакат муҳтарам Эмомалӣ Раҳмон ба онҳо баҳои арзанда доданд.

Май 23, 2019 09:19

Хабарҳои дигари ин бахш

35-СОЛАГИ ИСТИҚЛОЛИ ДАВЛАТӢ. Дар Ховалинг таъмиру навсозии беш аз 200 иншоот ба нақша гирифта шудааст
Сокинони маҳаллаи Наврӯзи шаҳри Бӯстон бо оби нӯшокӣ таъмин гардиданд
Дар ҳудуди шаҳри Гулистон сохтмони меҳмонхона ва осоишгоҳу марказҳои солимгардонӣ идома доранд
Қитъаи муҳими роҳи Душанбе – Хоруғ – Қалъаихумб бо пулу нақб мавриди истифода қарор гирифт
Пешвои миллат Эмомалӣ Раҳмон пас аз анҷоми сафари корӣ дар Вилояти Мухтори Кӯҳистони Бадахшон ба шаҳри Душанбе баргаштанд
Дар ВМКБ беш аз 1000 иншоот ба истиқболи 35-солагии Истиқлоли давлатӣ мавриди истифода қарор гирифт
Президенти Ҷумҳурии Тоҷикистон Эмомалӣ Раҳмон бо роҳбарон ва фаъолони Вилояти Мухтори Кӯҳистони Бадахшон мулоқот намуданд
Суханронии Президенти Ҷумҳурии Тоҷикистон, Пешвои миллат Эмомалӣ Раҳмон дар мулоқот бо роҳбарон ва фаъолони Вилояти Мухтори Кӯҳистони Бадахшон
Президенти Ҷумҳурии Тоҷикистон Эмомалӣ Раҳмон дар шаҳри Хоруғ дар тантанаҳои идона ба ифтихори 28-солагии Рӯзи ваҳдати миллӣ иштирок намуданд
Суханронии Президенти Ҷумҳурии Тоҷикистон, Пешвои миллат Эмомалӣ Раҳмон ба ифтихори 28-солагии Рӯзи ваҳдати миллӣ
Сарвари давлат Эмомалӣ Раҳмон дар шаҳри Хоруғ бинои нави истиқоматии 5-ошёна барои хизматчиёни давлатиро мавриди истифода қарор доданд
Эмомалӣ Раҳмон: «Қаҳрамонони сулҳу субот ва ваҳдати миллӣ танҳо мардуми шарифу сарбаланди Тоҷикистон мебошанд»