Рӯйхати 47 муассисаи таълимӣ барои ташкили марказҳои имтиҳонӣ дар соли 2019 муайян карда мешавад
![](https://khovar.tj/wp-content/uploads/2019/05/MMT.jpg)
ДУШАНБЕ, 09.05.2019. /АМИТ «Ховар»/. Комиссияи таъсисдодаи Маркази миллии тестии назди Президенти Ҷумҳурии Тоҷикистон барои баррасӣ, арзёбӣ, интихоб ва қабули муассисаҳои таълимӣ ҷиҳати ташкили марказҳои имтиҳонӣ аз 65 муассисаи таълимӣ дидан намуд.
Тавре аз Марказ ба АМИТ «Ховар» хабар доданд, тибқи натиҷаҳои арзёбӣ рӯйхати 47 муассисаи таълимӣ барои ташкили марказҳои имтиҳонӣ дар соли 2019 ҷиҳати тасдиқ ба Вазорати маориф ва илми Ҷумҳурии Тоҷикистон пешниҳод карда мешавад.
Ба иттилои манбаъ, пас аз тасдиқ рӯйхати муассисаҳои таълимие, ки дар заминаи онҳо барои баргузории ИМД-2019 марказҳои имтиҳонӣ ташкил карда мешаванд, бо маълумоти муфассал дар сомонаи Марказ ҷой дода мешавад.