Раисони парлумонҳои Тоҷикистону Қирғизистон ҳамкории дуҷонибаро баррасӣ намуданд
ДУШАНБЕ, 21.05.2019. /АМИТ «Ховар»/. 20 май дар шаҳри Бишкек дар доираи иштирок дар ҷаласаи сайёри Шӯрои Ассамблеяи Парламентии Созмони Аҳдномаи амнияти дастаҷамъӣ Раиси Маҷлиси намояндагони Маҷлиси Олии Ҷумҳурии Тоҷикистон Шукурҷон Зуҳуров бо Раиси Маҷлиси Ҷогорку Кенеши Ҷумҳурии Қирғизистон Достон Ҷумабеков мулоқот намуд.
Дар ин бора ба АМИТ «Ховар» аз маркази матбуоти Маҷлиси намояндагон хабар доданд.
Шукурҷон Зуҳуров барои дар сатҳи баланд гузаронидани ҷаласаи сайёри Шӯрои Ассамблеяи Парламентии Созмони Аҳдномаи амнияти дастаҷамъӣ ба Раиси парлумони Ҷумҳурии Қирғизистон изҳори сипос намуда, натиҷаи самараноки онро омили муҳими тақвияти ҳамкории байни Тоҷикистону Қирғизистон Қирғизистон арзёбӣ намуд.
Зикр гардид, ки дар шароити кунунӣ ва рушди босуботи ҷаҳон муносибатҳои Тоҷикистону Қирғизистон дар сатҳи хуб ба роҳ монда шуда, барои роҳандозии ҳамкории мутақобилан судманд дар ҳамаи соҳаҳои барои ҳарду ҷониб афзалиятнок заминаи мусоид фароҳам оварда шудааст.
«Дар мулоқот дар мавзӯъҳои вазъи минтақа ва ҳамгироиҳои муштараки Тоҷикистону Қирғизистон, аз ҷумла таҳкими амну субот ва атрофи масъалаҳои сарҳадӣ гуфтугӯи судманд сурат гирифт. Махсус таъкид гардид, ки комиссияи байниҳукуматии ҷумҳуриҳои Тоҷикистону Қирғизистонро зарур аст, ки дар баррасии масъалаҳои амнияти сарҳадӣ корро пурзӯр ва ҳарчи зудтар шартномаи байнидавлатиро дар ин самт омода намуда, ба имзо расонанд», -илова намуд манбаъ.
Ёдовар мешавем, ки миёни Тоҷикистону Қирғизистон зиёда аз 90 санади ҳамкорӣ мавҷуд буда, гурӯҳҳои дӯстии парлумонӣ низ фаъолият доранд.
Файзалӣ Идизода бо Сафири Озарбойҷон дар Тоҷикистон мулоқот намуд
Файзалӣ Идизода бо раисони кумитаҳо, комиссияҳои мудофиа ва амнияти парламентҳои давлатҳои СААД мулоқот намуд
Созишнома байни Ҳукумати Ҷумҳурии Тоҷикистон ва Ҳукумати Федератсияи Русия ба тасвиб расид
Файзалӣ Идизода бо Сафири Ҷопон дар Тоҷикистон вохӯрӣ намуд
Раиси Маҷлиси намояндагон бо Раиси Кумитаи ҳуқуқи инсони Подшоҳии Арабистони Саудӣ мулоқот намуд
Дар Душанбе дурнамо ва рушди қонунгузории шаҳрак ва деҳот дар шароити ҷаҳонишавӣ баррасӣ карда шуд
Қонуни Ҷумҳурии Тоҷикистон «Дар бораи мақоми омӯзгор» қабул карда шуд
Ҳайати вакилони Тоҷикистон дар Муколамаи дуюми минтақавии парламентӣ оид ба рушди технологияҳои «сабз» иштирок намуд
Дар Маҷлиси намояндагон лоиҳаи Қонуни Ҷумҳурии Тоҷикистон «Дар бораи мақоми омӯзгор» мавриди баррасӣ қарор гирифт
Дар Русия ҷаласаҳои навбатии Ассамблеяи байнипарламентии давлатҳои ИДМ баргузор гардиданд
Файзалӣ Идизода бо ваколатдор оид ба ҳуқуқи инсон дар Федератсияи Русия вохӯрӣ намуд
Раиси Маҷлиси миллии Маҷлиси Олии Ҷумҳурии Тоҷикистон Рустами Эмомалӣ бо муовини Раиси Ҳукумати Федератсияи Русия Марат Ҳуснуллин мулоқот намуданд
