Созмони Умумиҷаҳонии Савдо дастовардҳои Тоҷикистонро дар самти ҳамгироӣ бо савдои байналмилалӣ ва соддагардонии расмиёти савдо баланд арзёбӣ намуд
ДУШАНБЕ, 27.05.2019 /АМИТ «Ховар»/. Дастовардҳои Ҷумҳурии Тоҷикистон дар самтҳои ҳамгироӣ ба савдои байналмилалӣ ва соддагардонии расмиёти савдо, аз ҷумла дар доираи Созмони Умумиҷаҳонии Савдо (СУС) зимни мулоқоти муовини Директори кулли СУС И. Сяожун бо роҳбари ҳайати расмии Ҷумҳурии Тоҷикистон, муовини якуми Вазири рушди иқтисод ва савдо Завқӣ Завқизода муаррифӣ гардид.
Тавре аз Вазорати рушди иқтисод ва савдои ҷумҳурӣ ба АМИТ «Ховар» иттилоъ доданд, дар мулоқот корҳои иҷрошуда ва омодагии Ҷумҳурии Тоҷикистон барои дар сатҳи баланд гузаронидани якумин тафсири сиёсати савдои Ҷумҳурии Тоҷикистон дар назди СУС, ки моҳи апрели соли 2020 ба нақша гирифта шудааст, мавриди баррасӣ қарор дода шуд.
Зикр гардид, ки дар асоси супориши Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон баргузории якумин тафсири сиёсати савдои Ҷумҳурии Тоҷикистон дар назди СУС аз ҷониби Ҳукумати ҷумҳурӣ ҷиҳати дар сатҳи назаррас гузаронидани ин чорабинӣ нақшаи корӣ тасдиқ гардидааст.
И. Сяожун ба дастовардҳо ва пешравиҳои ноилгардидаи соҳаи савдои Ҷумҳурии Тоҷикистон дар шаш соли узвият дар СУС баҳои баланд дода, иброз намуд, ки бо мақсади дар сатҳи назаррас гузаронидани якумин тафсири сиёсати савдои кишвар омода аст ба Ҷумҳурии Тоҷикистон мусоидат намояд.
Бахусус, ҷониби СУС ифтитоҳ гардидани Портали савдои Тоҷикистонро дар моҳи апрели соли равон ҳамчун қадами навбатии назаррас дар роҳи соддагардонии расмиёти савдо хуш истиқбол намуд.
Ҷонибҳо ба мувофиқа расиданд, ки ҷиҳати тақвияти ҳамкории дуҷониба ва омода намудани лоиҳаи ҳисоботи тафсири сиёсати савдои Ҷумҳурии Тоҷикистон то сафари ҳайати котиботи СУС ба кишвар то моҳи октябри соли 2019 корҳои заруриро анҷом медиҳанд.
Губернатори Ҳукумати мардумии музофоти Шэнсии Чин бо фаъолияти Минтақаи озоди иқтисодии «Данғара» шинос шуд
Тоҷикистон дар муборизаи байналмилалӣ барои ҳифзи бабри барфӣ саҳм мегузорад
МАСЛИҲАТИ МУТАХАССИС. Норасоии намӣ ба решаи дарахтон самаранокии боғотро паст мекунад
Густариши ҳамкории вилояти Хатлон бо музофоти Шэнсӣ баррасӣ шуд
Дар Душанбе ҳамкории иқтисодӣ ва татбиқи лоиҳаҳои муштараки Тоҷикистону Чин баррасӣ гардид
РӮЗИ ҶАҲОНИИ БЕХАТАРИИ ОЗУҚАВОРӢ. Бо мақсади таъмини бехатарии маҳсулот дар Тоҷикистон 14 озмоишгоҳ фаъолият дорад
Сарфаи неруи барқ танҳо вазифаи давлатӣ нест, балки масъулияти ахлоқии ҳар як шаҳрванди мамлакат аст
«IMPERIУA TECHSTREAM — 2025». Дар Душанбе барои наврасон нахустин озмуни технологияҳои иттилоотӣ баргузор гардид
РӮЗИ БАЙНАЛМИЛАЛИИ МУҲИТИ ЗИСТ. Баҳодур Шерализода: «Ҷомеаи ҷаҳон Тоҷикистонро ҳамчун давлати ташаббускор дар соҳаи обу иқлим ва ҳифзи пиряхҳо эътироф намудааст»
Бонки рушди Созмони ҳамкории Шанхай таъсис дода мешавад
Байни Тоҷикистон ва Қирғизистон Протокол оид ба мубодилаи маълумоти пешакии гумрукӣ дар бораи интиқоли молу воситаҳои нақлиёт ба имзо расид
Ҷаласаи 80-уми Шурои роҳбарони хадамотҳои гумруки давлатҳои иштирокдори Иттиҳоди Давлатҳои Мустақил баргузор гардид
