«Телевизиони Душанбе» соҳиби студияи сайёри телевизионии рақамӣ мешавад
ДУШАНБЕ, 21.05.2019. / «Ховар»/. Муассисаи давлатии «Телевизиони Душанбе» дар ояндаи наздик соҳиби студияи сайёри телевизионии рақамӣ мешавад. Дар назар аст, ки таҷҳизоти мазкур то моҳи сентябри соли равон ба шаҳри Душанбе ворид карда шавад.
Дар ин хусус имрӯз миёни Мақомоти иҷроияи ҳокимияти давлатии шаҳри Душанбе ва Маркази байналмилалии Чин оид ба мубодила дар соҳаҳои иқтисодӣ ва техникии Вазорати тиҷорати Ҷумҳурии Мардумии Чин доир ба татбиқи Лоиҳаи муҷаҳҳазонии Муассисаи давлатии «Телевизиони Душанбе» бо студияи сайёри телевизионии рақамӣ қарордод ба имзо расид.
Тавре аз Раёсати иттилоот ва робитаҳои хориҷии дастгоҳи Раиси шаҳри Душанбе ба АМИТ «Ховар» хабар доданд, санадро муовини якуми Раиси шаҳри Душанбе Маҳмадсаид Зувайдзода ва директори Маркази болозикр Ян Дун ба имзо расониданд.
Ба иттилои манбаъ, қарордоди мазкур дар доираи Созишномаи ҳамкориҳои техникӣ-иқтисодӣ байни ҳукуматҳои Ҷумҳурии Тоҷикистон ва Ҷумҳурии Мардумии Чин аз 20 майи соли 2013 дар хусуси татбиқи Лоиҳаи «Мукаммалгардонии сатҳи техникии корхонаҳо ва муассисаҳои давлатии шаҳри Душанбе» ба тасвиб расид.
Зимнан, Муассисаи давлатии «Телевизиони «Душанбе» ягона шабаки телевизионии маҳаллӣ дар пойтахти Тоҷикистон буда, барномаҳои он дар шакли HD манзури тамошобинон гардонида мешаванд. Гузариш ба шакли HD имконият дод, ки минбаъд хабару гузориш ва барномаҳо аз тариқи «Телевизиони Душанбе» бо сатҳу сифати баланди садову симо ва мутобиқ ба талаботи замон пешкаши тамошобинон гардад.
Тарҳи нави лоиҳаи «Харитаи электронии шаҳри Душанбе» муаррифӣ гардид
АЗ НАВОВАРӢ ТО РУШДИ УСТУВОР. Мавқеи Душанбе ҳамчун маркази сайёҳӣ дар минтақа тақвият меёбад
Рустами Эмомалӣ бо мақсади бунёди Маҷмааи эҳёи хотираи таърихӣ бо бостоншиносону таърихнигорон вохӯрӣ намуданд
Имрӯз иҷлосияи чоруми Маҷлиси вакилони халқи шаҳри Душанбе, даъвати ҳафтум доир гардид
ДУШАНБЕ-ШАҲРИ САБЗ. Дар пойтахт зиёда аз 12 миллион дона гулҳои мавсимию бисёрсола шинонида мешаванд
Бо иштироки 2500 нафар кӯдакон дар Душанбе барномаи фарҳангӣ-фароғатӣ баргузор гардид
Дар чор ноҳияи шаҳри Душанбе намоиш-фурӯши маҳсулоти мавриди ниёзи аввал оғоз гардид
Иҷлосияи чоруми Маҷлиси вакилони халқи шаҳри Душанбе, даъвати ҳафтум баргузор мегардад
Озмуни «Беҳтарин маводи телевизионӣ, матбуотӣ ва радиоӣ дар шаҳри Душанбе» баргузор мегардад
«QR-РОҲНАМО». Шаҳри Душанбе ба марҳилаи нави сайёҳии рақамӣ қадам мегузорад
Дар Душанбе бахшида ба Рӯзи Парчами давлатӣ бо иштироки 20 ҳазор нафар ҳамоиши идона доир шуд
Рустами Эмомалӣ бо Сафири Чин дар Тоҷикистон Го Ҷитзюн мулоқот намуданд
