«Журналистикаи чандрасонаӣ»-аввалин китоби дарсӣ барои рӯзноманигорони мултимедиявӣ
ДУШАНБЕ, 18.04.2019 /АМИТ «Ховар»/. Дар Душанбе китоби дарсии профессори кафедраи журналистикаи байналхалқии Донишгоҳи миллии Тоҷикистон Ҷовид Муқим бо номи «Журналистикаи чандрасонаӣ» ба нашр расид.
Тавре аз факултаи журналистикаи Донишгоҳи миллии Тоҷикистон ба АМИТ «Ховар» хабар доданд, «Журналистикаи чандрасонаӣ» аввалин китоби дарсӣ дар Тоҷикистон буда, он барои омода кардани журналистони мултимедиявӣ пешбинӣ шудааст.
Ба зикри Ҷовид Муқим, дар факултаҳои журналистика ва иртибототи донишгоҳҳои ИМА, Аврупо ва Россия дер боз омода кардани журналистони чандрасонаӣ ба роҳ монда шудааст. Дар Тоҷикистон акнун дар ин ҷода қадамҳои нахустин гузошта шудаанд. Ҳоло дар факултаи журналистикаи Донишгоҳи миллии Тоҷикистон аввалин гурӯҳи ихтисоси веб-рӯзноманигорӣ курси якумро хатм карда истодаанд.
«Аз ин китоби «Журналистикаи чандрасонаӣ» донишҷӯён асосҳои журналистикаи чандрасонаӣ – аксбардориву наворбардорӣ барои сомона, сабту таҳрири садо, сохтани слайдшоу ва инфографика, блогу сомонаҳоро меомӯзанд. Феълан расонаҳои интернетӣ ба як ҷузъи ВАО табдил ёфта, теъдоди хонандагонаш рӯ ба афзоиш дорад. Махсусан имкониятҳои мултимедиявии расонаҳои интернетӣ хонандагон ва рекламадиҳандагонро ба худ бештар ҷалб карда, барои рушди ин соҳа мусоидат менамояд. Ин аст, ки тахассуси нав — журналисти интернетӣ ба вуҷуд омад ва барои тайёр кардани чунин мутахассисон имрӯз талабот зиёд аст»,- гуфт профессори кафедраи журналистикаи байналхалқии Донишгоҳи миллии Тоҷикистон.
Китоби дарсии «Журналистикаи чандрасонаӣ» бо теъдоди 200 адад аз чоп баромада, аз 18 мавзӯи дарсӣ ва 168 саҳифа иборат аст.
«САМАРАИ ИСТИҚЛОЛ». Таҳти чунин унвон Иттифоқи журналистони Тоҷикистон озмун эълон менамояд
«ЯК МЕРОС, ДУ САРЗАМИН». Намоиши маҷозии муштараки Тоҷикистон ва Эрон баргузор мегардад
Дар Душанбе рӯзҳои фарҳанги ВМКБ, шаҳри Хоруғ, ноҳияҳои Ишкошим, Мурғоб, Роштқалъа ва Файзобод баргузор мегарданд
Раиси шаҳри Шероз ёдгории таърихию фарҳангии «Қалъаи Ҳисор»-ро тамошо намуд
Дар Душанбе Рӯзи фарҳанги ноҳияи Рӯшон баргузор гардид
Дар Душанбе 49 номгӯй адабиёти тозанашри кӯдакона рӯнамоӣ гардид
Дар пойтахти Тоҷикистон Рӯзи фарҳанги ноҳияи Ванҷ доир шуд
Рӯзи фарҳанги ноҳияи Шуғнон бо шукуҳу шаҳомати хос баргузор шуд
Оид ба бостоншиносӣ ва нақши он дар ҳифзи мероси таърихию фарҳангӣ ҳамоиш доир шуд
15 АВГУСТ–РӮЗИ БАЙНАЛМИЛАЛИИ БОСТОНШИНОСӢ. Зиёда аз 70 фоизи мероси таърихию фарҳангии Тоҷикистонро ёдгориҳои бостонӣ ташкил медиҳанд
Тоҷикистон мизбони Бозиҳои XX Делфии ҷавонони давлатҳои аъзои ИДМ мегардад
Раиси шаҳри Шероз дар Осорхонаи миллии Тоҷикистон бо таъриху тамаддуни тоҷикон шинос гардид
