ФУТБОЛ: имрӯз бозии дӯстонаи дастаҳои мунтахаби футболи Тоҷикистону Чин баргузор мешавад

Июнь 11, 2019 08:11

ДУШАНБЕ, 11.06.2019. /АМИТ «Ховар»/. Тавре қаблан иттилоъ додем, имрӯз, 11 июн дар варзишгоҳи «Тянхе»-и Гуанҷоуи Чин бозии дуюми  дӯстонаи дастаи мунтахаби футболи  Тоҷикистон бо бозингарони Чин баргузор мешавад. Бозии мазкур соати 20:00 бо вақти Гуанҷоу ва соати 17:00 бо вақти Душанбе  сурат гирифта, онро  довари  шинохтаи ФИФА аз Ӯзбекистон Равшан Ирматов назорат мекунад.

Зимни доварӣ дар бозии Тоҷикистону Чин ба Р.Ирматов ҳамватанони ӯ – ёварони довари ФИФА Абдуҳамидулло Расулов ва Ҷаҳонгир Саидов кӯмак мекунанд.

Дар ин бора аз Федератсияи футболи Тоҷикистон ба мухбири АМИТ «Ховар» Меҳрони Қурбон хабар доданд.

Хотиррасон мешавем, ки Равшан Ирматови 41-сола алҳол аз рӯи шумораи доварӣ дар бозиҳои Ҷоми ҷаҳон рекордсмен ба шумор меравад. Номбурда дар Ҷоми ҷаҳони солҳои 2010, 2014 ва 2018  сардовари 11 қувваозмоӣ буд.

Ёдовар мешавем, ки 7 июни соли равон дар Варзишгоҳи марказии шаҳри Душанбе бозии дӯстона байни дастаҳои мунтахаби Тоҷикистон ва Афғонистон бо иштироки 13 ҳазору 500 мухлис баргузор шуд.

Вохӯрии тимҳои мазкур ҷолибу пуршиддат сурат гирифта, бо ҳисоби мусовии 1:1 хотима ёфт.

Июнь 11, 2019 08:11

Хабарҳои дигари ин бахш

ПАРИЖ-2024: рақси варзишӣ ё брекданс бори аввал ба барномаи Бозиҳои олимпӣ ворид гардид
ПАРИЖ-2024: дар намуди бокс 248 варзишгар аз рӯи 13 вазн иштирок мекунанд
Имсол Чемпионати ҷаҳон оид ба самбо дар Қирғизистон баргузор мегардад
Довари канории бозии «Равшан»-и Кӯлоб – «Равшан»-и Зафаробод аз ҳаққи доварӣ маҳрум карда шуд
Дарвозабон Рустам Ятимов беҳтарин бозингари вохӯрии дастаҳои «Истиқлол» ва «Шарҷа» дониста шуд
ЛИГАИ ЧЕМПИОНҲОИ КФО. «Истиқлол» дар бозии охирин бар дастаи «Шарҷа» ғолиб омад
Sputnik: Путин ба варзишгарони Тоҷикистон баҳои баланд дод
ФУТБОЛ. Замони баргузории бозиҳои даври панҷуми Чемпионати Тоҷикистон дар Лигаи олӣ муайян шуд
Носир Бозор сармураббии дастаи мунтахаби дзюдои бонувони Тоҷикистон интихоб гардид
ТАРТИБИ ИНТИХОБИ МУСОБИҚОТИ «ПАРИЖ-2024» ТАСДИҚ ШУД. 17 варзишгари Тоҷикистон аз кумакҳои молии олимпӣ бархӯрдор мешаванд
«DUSHANBE CUP». Ғолибони Мусобиқаи байналмилалии теннис миёни наврасон муайян гардиданд
Дастаи мунтахаби Тоҷикистон оид ба таэквондо WT ба мусобиқаҳои байналмилалӣ омодагӣ мебинад