«НАҚШИ ПЕШВОИ МИЛЛАТ ДАР РУШДИ ҲАРАКАТИ ОЛИМПИИ ТОҶИКИСТОН ВА ҶАҲОН». Таҳти ин ном дар Душанбе бахшида ба Рӯзи байналмилалии ҳаракати олимпӣ конфронс доир мегардад

Июнь 21, 2019 08:15

ДУШАНБЕ, 21.06.2019 /АМИТ «Ховар»/. Имрӯз, 21 июн бахшида ба таҷлили Рӯзи байналмилалии ҳаракати олимпӣ дар Донишкадаи тарбияи ҷисмонӣ ба номи Саидмумин Раҳимов конфронси илмӣ- назарявӣ дар мавзӯи «Нақши Пешвои миллат дар рушди ҳаракати олимпии Тоҷикистон ва ҷаҳон» доир мегардад. Дар конфронси иштироки олимону муҳаққиқони соҳаи тарбияи ҷисмонӣ ва инкишофи варзиш дар назар аст.

Тавре аз Кумитаи кор бо ҷавонон ва варзиши назди Ҳукумати Ҷумҳурии Тоҷикистон ба АМИТ «Ховар» хабар доданд, барои дар сатҳи баланд таҷлил намудани Рӯзи ҳаракати олимпӣ дар мамлакат  силсилачорабиниҳо бо иштироки доираи васеи ҷавонону варзишгарон ба нақша гирифта шудааст. Аз ҷумла, 22 июни соли равон соати 6:00 дар назди шаршараи Наврӯзгоҳи пойтахт машқҳои дастаҷамъонаи пагоҳирӯзӣ   доир карда мешавад.

Ёдовар мешавем, ки ҳамасола 23 июн дар ҷаҳон  Рӯзи байналмилалии ҳаракати олимпӣ  таҷлил карда мешавад. Ин рӯз ба хотири эҳёи ҳаракати олимпӣ аз тарафи давлатҳои ҷаҳон қабул шуда,  ҳар со дар ин рӯз  чорабиниҳои гуногуни варзишӣ баргузор карда  мешаванд.

Ҷумҳурии Тоҷикистон низ  дар радифи  мамлакатҳои дигари ҷаҳон  ин рӯзро ҷашн гирифта,  ҳамраъйии худро ба тамоми сокинони сайёра, ки ҳаракати олимпиро чун ифодагари ҳамдиливу ҳамбастагӣ эътироф кардаанд, изҳор менамояд.

Июнь 21, 2019 08:15

Хабарҳои дигари ин бахш

Дар Хоруғ Варзишгоҳи марказӣ аз нав таъмир гардид
ФУТБОЛ. Дарко Илиески ва Павел Назаренко ба ҳайати бозигарони дастаи «Истиқлол»-и шаҳри Душанбе пайвастанд
ҶОМИ «INNOPROM — 2024». Дастаи «Равшан»-и Кӯлоб аз ин мусобиқот бо медали биринҷӣ ба Ватан баргашт
Темур Раҳимов маротибаи дуюм парчамбардори дастаи мунтахаби олимпии Тоҷикистон дар Бозиҳои олимпӣ мешавад
БОЗИҲОИ ОЛИМПИИ ПАРИЖ-2024. Рустами Эмомалӣ бо ҳайати дастаи мунтахаби Тоҷикистон мулоқот намуданд
ЧЕМПИОНАТИ CAFA-2024. Имрӯз дастаҳои мунтахаби ҷавонони Тоҷикистон ва Узбекистон барои ҷойи сеюм байни ҳам бозӣ мекунад
ФУТБОЛ. Никола Стошич ба дастаи «Истиқлол»-и шаҳри Душанбе баргашт
Лигаи футболи Тоҷикистон беҳтаринҳои моҳи июнро дар мусобиқаи ҳайатҳои ҷавонон маълум намуд
Футзалбозони тоҷик бо дастаҳои мунтахаби Испания ва Нидерланд бозиҳои дӯстона анҷом медиҳанд
ҶОМИ ОСИЁ. Паҳлавонони тоҷик дар ин мусобиқот ба медалҳои тилло сарфароз гардиданд
ЧЕМПИОНАТИ CAFA-2024. Дастаи мунтахаби ҷавонони Тоҷикистон бар Афғонистон ғолиб омад
Лигаи Олӣ ва Лигаи якуми Тоҷикистон беҳтарин бозингар ва беҳтарин мураббии моҳи июнро муайян намуданд