Паҳлавонони тоҷик дар Бухоро ду медал ба даст оварданд

Июнь 11, 2019 17:05

ДУШАНБЕ, 11.06.2019. /АМИТ «Ховар»/.  Ду паҳлавони  шинохтаи тоҷик — Додохон Қурбоналиев  ва Ҳақназар Назаров дар шаҳри Бухорои Ҷумҳурии Ӯзбекистон дар  мусобиқаи байналмилалӣ оид ба кураш сазовори  2 медал  —  нуқра ва  биринҷӣ  гардиданд. 

Додохон Қурбоналиев дар вазни +100 кг медали нуқра ва Ҳақназар Назаров дар вазни 81 кг медали биринҷӣ ба даст оварданд.

Мусобиқаи мазкур барои дарёфти ҷоизаҳои Президенти Ӯзбекистон, ки  ба хотираи Баҳоваддини Нақшбанд  бахшида шуда буд, аз   8  то  10 июни  соли   равон баргузор гардид.

Тавре корманди Кумитаи миллии олимпии Тоҷикистон Умаралӣ Сафаралӣ   ба АМИТ «Ховар»  хабар дод, мусобиқаи мазкур  аз рӯи 7 категорияи вазнӣ — 60, 66, 73, 81, 90, 100, +100 миёни мардҳо ва 3 категорияи вазнӣ – 52, 63, 78 миёни бонувон сурат гирифт. Дар  ин қувваозмоӣ  варзишгарони беш аз 20 давлати ҷаҳон  ширкат намуданд.

Ёдовар мешавем, ки ғолибони ин мусобиқа бо ҷоизаи пулӣ мукофотонида шуданд –  ҷои аввал 3 ҳазор, ҷои дуюм 2 ҳазор ва  ҷои сеюм 1 ҳазор доллари ИМА.

 

Июнь 11, 2019 17:05

Хабарҳои дигари ин бахш

ПАРИЖ-2024: рақси варзишӣ ё брекданс бори аввал ба барномаи Бозиҳои олимпӣ ворид гардид
ПАРИЖ-2024: дар намуди бокс 248 варзишгар аз рӯи 13 вазн иштирок мекунанд
Имсол Чемпионати ҷаҳон оид ба самбо дар Қирғизистон баргузор мегардад
Довари канории бозии «Равшан»-и Кӯлоб – «Равшан»-и Зафаробод аз ҳаққи доварӣ маҳрум карда шуд
Дарвозабон Рустам Ятимов беҳтарин бозингари вохӯрии дастаҳои «Истиқлол» ва «Шарҷа» дониста шуд
ЛИГАИ ЧЕМПИОНҲОИ КФО. «Истиқлол» дар бозии охирин бар дастаи «Шарҷа» ғолиб омад
Sputnik: Путин ба варзишгарони Тоҷикистон баҳои баланд дод
ФУТБОЛ. Замони баргузории бозиҳои даври панҷуми Чемпионати Тоҷикистон дар Лигаи олӣ муайян шуд
Носир Бозор сармураббии дастаи мунтахаби дзюдои бонувони Тоҷикистон интихоб гардид
ТАРТИБИ ИНТИХОБИ МУСОБИҚОТИ «ПАРИЖ-2024» ТАСДИҚ ШУД. 17 варзишгари Тоҷикистон аз кумакҳои молии олимпӣ бархӯрдор мешаванд
«DUSHANBE CUP». Ғолибони Мусобиқаи байналмилалии теннис миёни наврасон муайян гардиданд
Дастаи мунтахаби Тоҷикистон оид ба таэквондо WT ба мусобиқаҳои байналмилалӣ омодагӣ мебинад