Ҳунармандони тоҷик дар Фестивали ХХI байналхалқии истеъдодҳои наврас ҷойҳои намоёнро сазовор гардиданд
ДУШАНБЕ, 08.06.2019. /АМИТ «Ховар»/. Дар шаҳри Алмаатои Ҷумҳурии Қазоқистон Фестивали ХХI байналхалқии истеъдодҳои наврас бо номи «Бозторгай» баргузор гардид. Ҷумҳурии Тоҷикистонро дар ин фестивал ду нафар соҳибистеъдод — донишҷӯи Коллеҷи санъати шаҳри Хуҷанд Сурайё Акрамова ва дастпарвари Мактаби санъати ба номи Лоиқ Шералии шаҳри Хуҷанд Камолиддин Худоймерганов муаррифӣ карданд.
Тавре аз Хадамоти матбуоти Раиси вилояти Суғд ба АМИТ «Ховар» хабар доданд, дар фестивали мазкур ҳамчунин намояндагони Федератсияи Россия, Ӯзбекистон, Қирғизистон, Қазоқистон, Арманистон, Италия, Булғория ва Исроил ҳунарнамоӣ карда, ба иштирокдорон санъати миллии хешро намоиш доданд.
«Ҳунармандони навраси тоҷик аз рӯи жанри навозандагӣ баромад карда, санъати асили тоҷиконро ба ҳозирин пешниҳод намуданд. Ҳакамон, ки иборат аз мутахасисони варзидаи соҳаи санъат, ҳунармандони машҳури мамлакатҳои дар озмун ширкаткунанда буданд, ба санъати нотакрори намояндагони ҷумҳурии мо баҳои баланд доданд. Аз ҷумла, ба Сурайё Акрамова дар гурӯҳи синнусолии худ ҷои аввал ва ба Камолиддин Худоймерганов дар гурӯҳи дигар ҷои дуюмро муносиб донистанд»,-илова намуд манбаъ.
«Орифе аз Ховалинг». Қиссаи нави барандаи Ҷоизаи адабии ба номи Садриддин Айнӣ Маҷид Салим ба нашр расид
Хонандаи синфи 11-и муассисаи таълимии шаҳри Ҳисор ғолиби Озмуни ҷумҳуриявии «Тоҷикистон-Ватани азизи ман» гардид
Хонандаи литсейи Донишгоҳи байналмилалии сайёҳӣ ва соҳибкории Тоҷикистон дар Левакант ғолиби озмуни ҷумҳуриявӣ гардид
Гирандагони Шоҳҷоизаи Озмуни ҷумҳуриявии «Тоҷикистон – Ватани азизи ман» дар соли 2024 муайян шуданд
«ТОҶИКИСТОН- ВАТАНИ АЗИЗИ МАН». Имрӯз ғолибони озмуни ҷумҳуриявӣ қадрдонӣ мешаванд
Пагоҳ маросими ҷоизасупории Озмуни ҷумҳуриявии «Тоҷикистон – Ватани азизи ман» баргузор мегардад
«ЗАБОНИ МИЛЛАТ-ҲАСТИИ МИЛЛАТ». Асаре, ки шиносномаи забони тоҷикӣ гардидааст
«ЛИБОСИ МИЛЛӢ-СИМОИ МИЛЛАТ». Дар шаҳраки донишҷӯёни Донишгоҳи миллии Тоҷикистон ҳамоиш доир шуд
«Барномаи давлатии рушди санъати театрӣ дар Ҷумҳурии Тоҷикистон барои солҳои 2025-2029» қабул гардид
ТЕАТР ВА ТАМОШОБИН. Мавсими нави театрӣ то нимаи соли 2025 идома меёбад
«ШАҲРИ ҶАҲОНИИ ҲУНАРМАНДӢ». Истаравшан ба ин унвони байналмилалӣ сазовор гашт
