ХАДАМОТИ ИҶРО: ба манфиати давлат беш аз 16 миллион сомонӣ рӯёнида шуд

Июль 19, 2019 17:10

ДУШАНБЕ, 19.07.2019. /АМИТ «Ховар»/. Тибқи ҳисоботи  оморӣ,   дар шаш моҳи соли 2019   ба дастгоҳи марказии   Хадамоти иҷрои назди Ҳукумати Ҷумҳурии Тоҷикистон ва воҳидҳои  сохтории  он дар маҳалҳо  26 ҳазору 538 мавод,  арзу муроҷиатҳои шахсони воқеию ҳуқуқӣ вобаста ба масъалаҳои таъмини иҷрои санадҳои судӣ ва дигар мақомот ворид гардидаанд. Бо татбиқи чораҳои маҷбурӣ  дар ин давра  иҷрои воқеии  19678  ё  58%  ҳуҷҷатҳои иҷро  таъмин гардидааст. Ҳамзамон рӯёниш  дар самти барқарор намудани маблағҳои зарари расонидашуда ва ҷарима ба манфиати давлат ба маблағи 16 180 541. 52 сомонӣ таъмин гардид. Ин матлабро имрӯз сардори Хадамоти иҷрои назди Ҳукумати Ҷумҳурии Тоҷикистон Илёс Идрисзода дар нишасти матбуотии ниҳоди мазкур баён дошт.

И.Идрисзода ҳамчунин  иттилоъ дод, ки дар сохтори Хадамот бахши пешбурди феҳристи қарздорон ва махзани электронӣ фаъолият менамояд, ки он бо мақсади ба низом даровардани қарздорӣ ва пешгирӣ аз оқибатҳои номатлуби он ташкил карда шудааст. Айни замон ба ин  феҳрист 1125 нафар шахсони воқеӣ ва 52 нафар шахсони ҳуқуқӣ  ворид карда шудаанд.

Дар нишаст таъкид гардид, ки  Хадамот бо мақсади беҳтар намудани фаъолият   дар самти истеҳсолоти иҷро тасмим гирифтааст, ки  аз таҷрибаи пешқадами дигар давлатҳо истифода  барад.

Хотиррасон мешавем, ки  Хадамоти иҷрои назди Ҳукумати Ҷумҳурии Тоҷикистон  бо қарори Ҳукумати Ҷумҳурии Тоҷикистон   21 июли соли 2018 таъсис ёфта, воҳидҳои кории судиҷрочиён ба тобеияти он гузаштанд. Тобеияти судиҷрочиён ба Вазорати адлияи Тоҷикистон аввали моҳи июли соли равон расман хотима ёфт.

Июль 19, 2019 17:10

Хабарҳои дигари ин бахш

Дар Агентии «Тоҷикстандарт» вобаста ба риояи талаботи ҳуҷҷатҳои меъёрии техникӣ машварат баргузор шуд
Намояндаи Тоҷикистон дар Самарқанд бо нишони сарисинагии «Барои хизматҳо дар ҳамкории байналмилалии геологӣ» сарфароз гардонида шуд
Ширкати ҳавопаймоии «Сомон Эйр» даврҳои омодагии ибтидоӣ барои роҳбаладон ташкил намудааст
Ташаббусҳои ҷаҳонии Тоҷикистон оид ба обу иқлим дар Арабистони Саудӣ баррасӣ шуданд
Вазири рушди иқтисод ва савдои Тоҷикистон дар ҷаласаи 99-уми Шурои иқтисодии ИДМ иштирок намуд
Дар иҷлосияи XXVI Шурои байниҳукуматӣ оид ба иктишоф, истифода ва ҳифзи қаъри замини ИДМ раёсат аз Тоҷикистон ба Узбекистон гузашт
Ҳайати Тоҷикистон дар Форуми глобалии сиёсат дар Манила иштирок намуд
«Бонк Фридом Финанс Қазоқистон» тасмим гирифтааст, ки дар Тоҷикистон бонки фаръӣ ё филиал боз намояд
Тоҷикистон ва Корея имконияти кишоварзиро тақвият мебахшанд
Дар Самарқанд таҳти раёсати Тоҷикистон иҷлосияи XXVI Шурои байниҳукуматӣ оид ба иктишоф, истифода ва ҳифзи қаъри замини ИДМ оғоз шуд
Сарвазири Ҷумҳурии Тоҷикистон Қоҳир Расулзода бо ҳайати Бонки ҷаҳонӣ мулоқот намуд
«Душанбе-Инвест 2023» ба ҷалби сармоя барои рушди иқтисоди Тоҷикистон мусоидат менамояд