КВД «Тоҷиксуғурта» аз рӯи воридоти ҳаққи суғуртавӣ дар ҷои дуюм ва аз рӯи пардохти маблағи товони зарар дар ҷои аввал қарор дорад

Июль 22, 2019 13:23

ДУШАНБЕ, 22.07.2019. /АМИТ «Ховар»/. Новобаста аз шиддат гирифтани рақобат дар бозори суғуртаи мамлакат КВД «Тоҷиксуғурта» дар он мавқеи назаррас ва устувор пайдо намуда, аз рӯи воридоти ҳаққи суғуртавӣ дар ҷои дуюм ва аз рӯи пардохти маблағи товони зарар дар ҷои аввал қарор дорад. Ин матлабро Директори генералии КВД «Тоҷиксуғурта» Шуҳрат Мақсудзода баён намуд.

Ба зикри номбурда, дар шашмоҳаи аввали соли равон КВД «Тоҷиксуғурта» бо 360 ҳазору 692 шахсони воқеию ҳуқуқӣ шартномаҳои суғуртавӣ ба имзо расонидааст, ки аз он 28 ҳазору 315 адад шартномаи суғуртаи ҳатмӣ ва 332 ҳазору 377 адад шартномаи шакли ихтиёрӣ мебошанд. Шумораи бештари шартномаҳо, ки 93 ҳазору 210 ададро ташкил медиҳанд, дар вилояти Хатлон ба имзо расонида шудаанд.

Зикр гардид, ки КВД «Тоҷиксуғурта» дорои 69 филиал дар вилояту минтақа ва шаҳру ноҳияҳои ҷумҳурӣ буда, аз рӯи 22 намуди суғурта ба аҳолӣ хизмат расонида истодааст. Аз ин шумора 13 намуди он ба суғуртаи ҳатмӣ ва 9 намуди он ба суғуртаи ихтиёрӣ тааллуқ дорад.

Ҳамчунин ба суоли хабарнигорон дар хусуси маҷбур кардани шаҳрвандон барои суғуртаи манзил иброз гардид, ки суғуртаи манзил ихтиёрӣ буда, касе ҳаққи маҷбур кардани шаҳрвандонро барои он надорад.

«Хона ба хона гашта, талаби суғуртаи манзил намудан аз ҷониби кормандони КВД «Тоҷиксуғурта» набуда, ба он кормандони ширкатҳои хусусии суғуртавӣ шомиланд. Бояд гуфт, ки суғуртаи манзил ихтиёрӣ асту дар сурати суғурта намудани шаҳрвандон ба маблағи 20 сомонӣ, ҳангоми сӯхтори манзил аз ҷониби корхонаи мо 1000 сомонӣ товони зарар пардохт карда мешавад»,-афзуд Шуҳрат Мақсудзода.

Ёдовар мешавем, ки суғуртаҳои ҳатмӣ дар асоси қарорҳои алоҳидаи Ҳукумати Ҷумҳурии Тоҷикистон сурат мегиранд.

Ба ин намуд  суғуртаи ҳатмии давлатии шахсии хизматчиёни ҳарбӣ, ҳайати қаторӣ ва роҳбарикунандаи мақомоти корҳои дохилӣ ва амнияти миллӣ, суғуртаи ҳатмии давлатии масъулияти шаҳрвандии соҳибони воситаҳои нақлиёт, суғуртаи ҳатмии давлатии хизматчиёни давлатӣ, суғуртаи ҳатмии мусофирони воситаҳои нақлиёти автомобилӣ, обӣ, ҳавоӣ ва роҳи оҳан, суғуртаи ҳатмии иморатҳо, иншоот ва амволи корхонаҳо ва муассисаҳои давлатӣ аз сӯхтор ва ғайра дохил мешаванд.

Июль 22, 2019 13:23

Хабарҳои дигари ин бахш

Вазири кишоварзии Тоҷикистон вобаста ба тақвияти корҳои саҳроӣ бо деҳқонони шаҳри Конибодом суҳбат намуд
Дар шаҳри Хоруғ корхонаи истеҳсоли ҳасиб бунёд мегардад
Дар Суғд барои дарёфти грантҳои раиси вилоят озмун баргузор мешавад
Дар Эстония Хонаи савдои Тоҷикистон таъсис дода мешавад
Намояндагони Тоҷикистон дар «Аirspace world 2024» дар Женева иштирок намуданд
Роҳбари хоҷагии деҳқонии «Бобои Носир»: «Истифодаи оқилонаи 7,5 гектар замин ва даромад аз он дар баланд гардидани сатҳи зиндагии 5 оила мусоидат намуд»
Деҳқонони ноҳияи Мастчоҳ имсол дар майдони зиёда аз 23 ҳазор гектар кишту парвариши зироати кишоварзиро ба нақша гирифтаанд
Дар шаҳри Хуҷанд Намоишгоҳи X байналмилалии савдо «Суғд-2024» доир мегардад
«РОҲ БА СӮИ ТИЁНШОН». Душанбе охири моҳи май мизбони конфронси байналмилалӣ мегардад
Соли 2023 ба буҷети шаҳри Гулистон аз ҳисоби хизматрасонии сайёҳӣ ва табобатӣ зиёда аз 40 миллион сомонӣ ворид шуд
Ҳоҷагидорони Кооперативи истеҳсолии «Сомон-Бохтар»-и ноҳияи Кӯшониён майдони парвариши лимӯро васеъ менамоянд
Сардхонаи муосири деҳоти «Файзи Истиқлол»-и ноҳияи Кӯшониён ба аҳолӣ хизмат мерасонад