Муҳаммадҳасан Шоҳмаҳмадов дар Чемпионати Осиё сазовори медали биринҷӣ гардид
ДУШАНБЕ, 24.07.2019 /АМИТ «Ховар»/. Варзишгари ҷавону умедбахш, узви дастаи мунтахаби ҷумҳурӣ оид ба таэквондои ҷаҳонӣ миёни ҷавонон Муҳаммадҳасан Шоҳмаҳмадов дар Чемпионати Осиё сазовори медали биринҷӣ гардид. Дар ин бора раиси Федератсияи таэквондо (WTF)-и Тоҷикистон Ҷаҳонзеб Қармишев ба шореҳи варзишии АМИТ «Ховар» Меҳрони Қурбон хабар дод.
Ба иттилои манбаъ,Чемпионати Осиё оид ба таэквондои ҷаҳонӣ (WTF) миёни ҷавонон 21-22 июл дар пойтахти Урдун – шаҳри Уммон баргузор шуд. Дар чемпионат 331 нафар варзишгар аз 31 давлат иштирок карда, дар 20 категорияи вазнӣ (10 вазн миёни мардон, 10 вазн миёни бонувон) рақобат намуданд. Муҳаммадҳасан дар вазни -73 кг бар варзишгарони Кувайт (Абдулмуҳсин Алалӣ) ва Афғонистон (Рашид Сарварӣ) ғалаба кард, вале дар нимфинал аз варзишгари Эрон Амирҳусейн Баҳрободӣ, ки ғолиби ин вазн шуд, шикаст хӯрда, ҷои сеюмро ишғол намуд. Медали нуқраи вазни -73кг-ро Си-Вон Лӣ аз Корея ва медали дигари биринҷиро варзишгари қазоқистонӣ Абдураҳмон Марипов ба даст оварданд.
Ба иттилои раиси Федератсияи таэквондои Тоҷикистон Ҷаҳонзеб Қармишев, ин аввалин медали варзишгарони Тоҷикистон дар Чемпионати Осиё миёни ҷавонон мебошад. Ду варзишгари дигари мо – Лутфулло Алишон (-68кг) ва Муҳаммадҳусейн Шоҳмаҳмадов (-55кг) дар даври аввал аз ҳарифонашон мағлуб гаштанд.
Бояд гуфт, ки варзишгарон аз ҳисоби Кумитаи кор бо ҷавонон ва варзиш ба Урдун сафарбар гардиданд. Муҳаммадҳасан Шоҳмаҳмадов, ки чанде пеш дар Корея дар Мусобиқаи байналмилалии таэквондо «Chuncheon Korea Open G-2» медали тилло ба даст оварда буд, шогирди Мактаби ҷумҳуриявии маҳорати олии варзишӣ оид ба намудҳои таэквондо буда, таҳти роҳбарии мураббиён Исломиддин Фозилов ва Сафарбек Тошматов тамрин мекунад.
Дар мусобиқа варзишгарони Эрон бо ба даст овардани 10 медали тилло, 6 нуқра, 1 биринҷӣ ҷои аввалро ишғол намуданд. Дастаи мунтахаби Кореяи Ҷанубӣ бо 3 медали тилло, 4 нуқра, 7 биринҷӣ дар ҷои дуюм, дастаи мунтахаби Чин бо гирифтани 3 медали тилло, 1 нуқра ва 2 биринҷӣ дар ҷои сеюм мавқеъ ёфтанд.
Дар маҷмӯъ, варзишгарони 16 давлат медалҳои чемпионатро ба даст оварданд.
Дастаи мунтахаби Тоҷикистон оид ба футбол моҳҳои сентябр ва октябр дар сафар се бозии дӯстона баргузор мекунад
35-СОЛАГИИ ИСТИҚЛОЛИ ДАВЛАТӢ. Дар шаҳри Турсунзода зиёда аз 31 иншооти варзишӣ ба истифода дода шуд
ФУТБОЛ. 31 август марҳилаи интихобии Ҷоми Осиё-2027 байни мунтахабҳои ҷавонони то 20-сола оғоз мешавад
Сармураббии нави дастаи мунтахаби наврасони Тоҷикистон (U-17) оид ба футбол таъйин гардид
Дастаи мунтахаби ҷавонони Тоҷикистон (U-20) оид ба футбол бозии дуюми санҷиширо бо дастаи Лубнон мусовӣ анҷом дод
Дастаи мунтахаби ҷавонони Тоҷикистон (U-20) дар бозии якуми санҷишӣ бар дастаи Лубнон пирӯз шуд
Ҳайати васеи дастаи мунтахаби Тоҷикистон оид ба футбол барои бозиҳои дӯстонаи моҳҳои сентябр ва октябр эълон гардид
Ҳайати дастаи мунтахаби ҷавонони Тоҷикистон (U-20) оид ба футбол барои марҳилаи интихобии Ҷоми Осиё-2027 муайян шуд
Дастаи мунтахаби ҷавонони Тоҷикистон (U-20) оид ба футбол бо дастаи Лубнон бозии санҷишӣ баргузор мекунад
Самбочиёни Клуби марказии варзиши артиши Вазорати мудофиаи Тоҷикистон дар Москва соҳиби ду медали биринҷӣ шуданд
«ФУТБОЛ ВА РУШДИ ОН ДАР ҶУМҲУРИИ ТОҶИКИСТОН». Таҳти чунин унвон китоби иттилоотӣ-омӯзишӣ нашр гардид
Мунтахаби Тоҷикистон дар Чемпионати ҷаҳон оид ба гӯштини миллӣ (гӯштингирӣ) 12 медал ба даст овард
