Бозиҳои даври чордаҳуми Лигаи аввали футболи Тоҷикистон ба анҷом расиданд

ДУШАНБЕ, 22.08.2019 /АМИТ «Ховар»/. Бозиҳои даври чордаҳуми Лигаи аввали футболи Тоҷикистон ба анҷом расида,  бозиҳои  даври понзадаҳуми     Лигаи аввал баъди чанд рӯз  оғоз мешаванд. Дар ин давр   дастаҳои футболи «Шоҳмансур»  бо  «Парвоз», «Ҳулбук»  бо «Саройкамар», «Эсхата» бо  «Локомотив-Помир», «Барқчӣ» бо «Файзканд», «Исфара» бо   «Равшан», «Дӯстӣ»  бо  «Зарафшон» ва  «Душанбе-83» бо  «Ваҳдат»  бо ҳам вомехӯранд. Идомаи мавзӯъро шореҳи варзиши АМИТ «Ховар» Меҳрони ҚУРБОН  шарҳ медиҳад. 

Ин  бозиҳои ҷолиб  30-31 август ва 1 сентябри соли 2019 дар варзишгоҳҳои марказии  ҷумҳуриявии мамлакат баргузор мешаванд.

Хотиррасон менамоем, ки  дар даври чордаҳуми Лигаи аввали футболи Тоҷикистон дастаи  «Локомотив-Помир»-и Душанбе  дар майдони худ  дастаи «Исфара»-и шаҳри Исфараро бо ҳисоби калони  6:0 мағлуб намуда, бо 32 имтиёз дар ҷадвали мусобиқот ба зинаи аввал баромад. Дастаи футболи  «Файзканд»-и ноҳияи Восеъ, ки дар майдони худ аз дастаи «Душанбе-83»-и Душанбе бо ҳисоби 1:2 мағлуб шуд, бо 31 имтиёз ба зинаи дуюм фуромад.

Зимнан, ин аввалин бохти дастаи «Файзканд» ба шумор меравад. Дастаи «Ваҳдат»-и Ваҳдат, ки бар дастаи меҳмон — «Дӯстӣ»-и Ҷайҳун — бо ҳисоби хеле  калон- 7:0 ғолиб омад, бо 27 имтиёз дар зинаи сеюм қарор дорад.

Мусобиқаи Лигаи аввали футболи Тоҷикистон

Даври 14-ум

«Ваҳдат» – «Дӯстӣ» – 7:0

Голҳо: Фаридун Нарзуллоев, 26 (1:0). Юсуфҷон Маликов, 48 (2:0). Фаридун Нарзуллоев, 49 (3:0). Шаҳбоз Юсупов, 58 (4:0). Неъматулло Муродов, 62 (5:0). Фаридун Нарзуллоев, 63 (6:0). Суҳроб Асоев, 66 (7:0).

15 август. Ваҳдат. Варзишгоҳи марказӣ. 500 тамошобин.

«Равшан» – «Ҳулбук» – 1:0

Гол: Ҳусейнҷон Ривоҷев, 85.

15 август. Кӯлоб. Варзишгоҳи марказӣ. 2500 тамошобин.

«Файзканд» – «Душанбе-83» – 1:2

Голҳо: Ҷамшед Муродов, 8 (1:0). Колинс Адухене, 63 (1:1). Элчибек Рашидбеков, 71 (1:2).

16 август. Восеъ. Варзишгоҳи «Султони Кабир». 1500 тамошобин.

«Зарафшон» –  «Эсхата» – 1:3

Голҳо: Рустамҷон Сабуров, 13 (0:1). Амирҷон Раҳимов, 28 (0:2). Олим Мавлонов, 74 (1:2). Ҷӯрабой Исоев, 90+3 (1:3).

16 август. Панҷакент. Варзишгоҳи марказӣ. 1500 тамошобин.

«Саройкамар» – «Шоҳмансур» – 4:0

Голҳо: Хуршед Ямоқов, 56 (1:0). Хуршед Кабутов, 65 (2:0). Маҳмадрасул Одинаев, 71 (3:0). Соҳиб Ваҳҳобов, 84 (4:0).

16 август. Панҷ. Варзишгоҳи марказӣ. 3000 тамошобин.

«Парвоз» – «Барқчӣ» – 3:0

Голҳо: Фирӯз Бобиев, 2 (1:0). Улуғбек Худоёров, 35 (2:0). Фирӯз Бобиев, 67 – аз пеналтӣ (3:0).

16 август. Бобоҷон Ғафуров. Варзишгоҳи «Фурудгоҳ». 300 тамошобин.

«Локомотив-Помир» – «Исфара» – 6:0

Голҳо: Рустам Соиров, 20 (1:0). Азизбек Ҳасанов, 26 (2:0). Азизбек Ҳасанов, 38 (3:0). Парвиз Ҳоҷиев, 60 (4:0). Озодбек Панҷиев, 65 (5:0). Шуҳрат Элмуродов, 81 (6:0).

18 август. Ҳисор. Варзишгоҳи марказӣ. 200 тамошобин.