Дар деҳаи Емси водии Бартанг корхонаи хурди коркарди санг ва регу қум бунёд гардид

Август 30, 2019 16:05

ХОРУҒ, 30.08.2019 /АМИТ  «Ховар»/. Як гурӯҳ ҷавонони деҳаи Емси водии Бартанги ноҳияи Рӯшони Вилояти Мухтори Кӯҳистони Бадахшон бо мақсади коркарди сангу рег ва қум  Ҷамъияти масъулияташ маҳдуди «Рундара» таъсис доданд. Ин корхона дар муддати кӯтоҳ мизоҷони зиёдеро дар маркази ноҳия ва вилоят-шаҳри Хоруғ пайдо намуд.

Ба гуфтаи сардори ҷамъияти мазкур Адиб Қадамшоев, «корхонаи онҳо ҳоло ба истеҳсоли сафолакҳои гуногуншакл барои кӯчаву хиёбонҳо ва майдони назди биноҳо машғул аст. То соли пеш дар корхона ҳамагӣ 8 нафар кор мекарданд, аммо баъди  васлу насби  таҷҳизоти нави техникӣ, ки аз Ҷумҳурии Мардумии Чин бо нархи  200 ҳазор сомонӣ дастрас гардид, шумораи коргаронро як баробар зиёд намудем ва ҳоло дар корхона 16 нафар кор мекунанд.  Ҳоло корхона 5 намуди хишт ва тахтасангҳо аз  санги мармари сафед истеҳсол мекунад. Дар як шабонарӯз дар ин корхона то 150 тонна маҳсулот истеҳсол карда мешавад. Ба наздикӣ чанд намуди маҳсулоти худро дар бозори наздимарзии Тоҷикистону Афғонистон ба намоиш гузоштем ва маҳсулоти корхонаи мо таваҷҷуҳи тоҷирони кишвари ҳамсояи Афғонистонро ба худ ҷалб кард. Умедворем, ки рӯзҳои наздик ҳамкории васеъро бо соҳибкорони Бадахшони Афғонистон ба роҳ  гузорем».

Ин корхона дар сари роҳи мошингард ҷойгир буда, тамоми навъҳои ашёи хоми зарурӣ дар атрофи он мавҷуданд. Танҳо санги мармари сафедро аз  деҳаи ҳамсояи Равмед интиқол медиҳанд. Кони сани мармари сафед солҳои пеш аз тарафи геологҳои шӯравӣ кашф шуда буд.

Мутобиқи маълумоти мутахассисон, захираи ин санг дар деҳа фаровон аст. Аммо дар он давра бо сабаби дурии роҳ ва хатарнок будани он истихроҷи санги мармарро ба таъхир гузоштанд. Зеро баъди фаро расидани фасли зимистон роҳи мошингард зуд-зуд баста мешуд. Ҳоло   муассисаи роҳсозии ин водӣ бо техникаву таҷҳизоти пуриқтидор таъмин аст ва роҳсозон мекӯшанд, ки роҳро ҳамеша кушода нигоҳ доранд.

Август 30, 2019 16:05

Хабарҳои дигари ин бахш

Дар Душанбе оғози Даҳсолаи байналмилалии амал оид ба илмҳои яхшиносӣ (криосферӣ), солҳои 2025-2034 баррасӣ гардид
Дастовардҳои Тоҷикистон дар Форуми иқтисоди рақамии Созмони ҳамкории Шанхай-2025 муаррифӣ гардид
Дар ноҳияи Данғара корхонаи истеҳсоли маҳсулоти саноатӣ сохта мешавад
Пешвои миллат Эмомалӣ Раҳмон дар деҳаи Басмандаи ноҳияи Деваштич муассисаи таҳсилоти томактабии №6-ро ба истифода доданд
Президенти Ҷумҳурии Тоҷикистон Эмомалӣ Раҳмон дар ноҳияи Деваштич 5 кӯдакистон, муассисаи таълимӣ, толори варзишӣ ва бинои маъмурии Кумитаи иҷроияи ноҳиявии ҲХДТ-ро ба таври фосилавӣ ифтитоҳ намуданд
Имсол дар Бадахшон 45 корхонаву коргоҳҳои саноатӣ ба фаъолият оғоз намуд
Сарвари давлат Эмомалӣ Раҳмон дар ноҳияи Деваштич Коргоҳи дӯзандагӣ ва қолинбофии “Ёсуман”-ро ифтитоҳ намуданд
Пешвои миллат Эмомалӣ Раҳмон дар ноҳияи Деваштич Коргоҳи пойафзол ва маводи шустушӯии «Раҳматулло»-ро ифтитоҳ намуданд
Президенти Ҷумҳурии Тоҷикистон Эмомалӣ Раҳмон дар ноҳияи Деваштич Маркази саломатии деҳаи Қалъаи Дӯстиро ифтитоҳ намуданд
Дар шаҳри Турсунзода майдончаи нави варзишӣ ба истифода дода шуд
Ҳайати Тоҷикистон дар ҷаласаи маҳдуди сатҳи вазирони иқтисоди СҲШ дар Чин иштирок намуд
Пешвои миллат Эмомалӣ Раҳмон дар деҳоти Сӯҷинаи шаҳри Панҷакент корхонаи истеҳсоли шиферро ифтитоҳ намуданд