Дар шаҳри Душанбе Чемпионати CAFA-2019 миёни ҷавонон баргузор мегардад

Август 5, 2019 11:30

ДУШАНБЕ, 05.08.2019 /АМИТ «Ховар»/. Аз 9 то 15 августи соли  равон  дар шаҳри Душанбе Чемпионати CAFA-2019 миёни ҷавонони то 19-сола доир мегардад. Идомаи мавзӯъро шореҳи варзиши АМИТ «Ховар» Меҳрони Қурбон шарҳ медиҳад.  

Бояд зикр кард, ки  ин чемпионати бонуфуз дар идомаи Чемпионати Ассотсиатсияи футболи Осиёи Марказӣ (CAFA) миёни наврасон сурат мегирад. Ин навбат аз миёни панҷ даста беҳтарин дастаи минтақа муайян мешавад. Дар Чемпионати CAFA-2019 панҷ даста – дастаҳои мунтахаби ҷавонони Тоҷикистон, Эрон, Ӯзбекистон, Туркманистон ва Афғонистон ширкат мекунанд.

Хотиррасон  менамоем, ки ҳамоҳангсози генералии мусобиқот котиби генералии Ассотсиатсияи футболи Осиёи Марказӣ Санҷар Ризоев аз Ӯзбекистон мебошад, ёрдамчии ҳамоҳангсози генералӣ Илдар Гарифуллин аз Қирғизистон таъйин шудааст. Комиссарони бозиҳо Умед Ҷамолӣ аз Эрон ва Михаил Токачев аз Қирғизистонанд. Нозирони доварон Муҳсин Торки аз Эрон ва Аллаберген Сапаев аз Туркманистон интихоб шудаанд.

Бозиҳоро ҳайати доварон аз шаш кишвари аъзои Ассотсиатсияи футболи Осиёи Марказӣ – Тоҷикистон, Эрон, Ӯзбекистон, Афғонистон, Қирғизистон ва Туркманистон ҳакамӣ менамоянд. Ҷумҳурии моро дар ин самт довари FIFA Сайёдҷон Зайниддинов аз Душанбе ва ёрдамчии довари FIFA Ҳамза Шоимардонов аз Хуросон намояндагӣ мекунанд.

Ҳамагӣ дар доираи Чемпионати CAFA-2019 миёни ҷавонон 10 бозӣ баргузор мешавад. Ҳамаи бозиҳо дар Варзишгоҳи марказии ҷумҳуриявии шаҳри Душанбе сурат мегиранд. Мусобиқа тариқи системаи даврӣ дар як давр доир гашта, дастае, ки холҳои бештар ба даст меорад, ғолиб мегардад.

Ёдовар  мешавем, ки  Чемпионати CAFA-2019 барои дастаи  мунтахаби ҷавонони то 19-солаи Тоҷикистон як марҳилаи омодагӣ ба мусобиқоти интихобии Чемпионати Осиё-2020 маҳсуб меёбад, ки 2-6 октябр дар  шаҳри Душанбе баргузор мешавад. Дар ин мусобиқа дастаи футболи   мунтахаби  ҷавонони  Тоҷикистон бо роҳбарии сармураббӣ Зайниддин Раҳимов дар гурӯҳи «С» бо дастаҳои  мунтахаби  ҷавонони Сурия, Лубнон ва Малдив бозӣ мекунад.

Чемпионати CAFA-2019 миёни ҷавонон (U-19)

Давр  1-ум
9 август (ҷумъа)
17:00. Афғонистон – Туркманистон
20:00. Ӯзбекистон – Эрон

Даври 2-юм
10 август (шанбе)
17:00. Афғонистон – Ӯзбекистон
20:00. Туркманистан – ТОҶИКИСТОН

Даври 3-юм 
12 август (душанбе)
17:00. Эрон – Туркманистон
20:00. ТОҶИКИСТОН – Афғонистон

Даври 4-ум
13 август (сешанбе)
17:00. Эрон – Афғонистон
20:00. Ӯзбекистон – ТОҶИКИСТОН

Даври 5-ум
15 август (панҷшанбе)
17:00. Туркманистон – Ӯзбекистон
20:00. ТОҶИКИСТОН – Эрон

Август 5, 2019 11:30

Хабарҳои дигари ин бахш

Конфедератсияи футболи Осиё тақвими бозиҳои марҳилаи интихобии Ҷоми Осиё-2026 оид ба футзалро тасдиқ намуд
ФУТБОЛ. Пагоҳ дар Душанбе марҳилаи интихобии Ҷоми Осиё-2026 байни дастаҳои занона дар гурӯҳи «H» оғоз мешавад
Рақибони дастаи мунтахаби футзали Тоҷикистон дар марҳилаи интихобии Ҷоми Осиё-2026 маълум шуданд
Дастаи мунтахаби футзали Тоҷикистон дар бозии дӯстона боз бар тими Амороти Муттаҳидаи Араб ғалаба кард
ФУТБОЛ. Фонди ҷоизавии мусобиқаи «Ҷоми Ҷавонӣ-2025» 60 ҳазор сомониро ташкил медиҳад
Бозии дӯстона байни дастаҳои мунтахаби олимпии Тоҷикистон ва Қирғизистон мусовӣ анҷом ёфт
ФУТБОЛ. Истиқлол» бар «Регар-ТадАЗ» ва «Вахш» бар «Хуҷанд» ғалаба намуд
ФУТЗАЛ. Дастаи мунтахаби Тоҷикистон дар бозии дӯстона бо тими мунтахаби Амороти Муттаҳидаи Араб ғолиб омад
«Регар ТадАЗ» дар мусобиқа оид ба волейбол дар ноҳияи Восеъ сазовори Шоҳҷоиза гардид
Дар Ҳисор бозии дӯстонаи дастаи олимпии Тоҷикистон (U-23) бо мунтахаби олимпии Қирғизистон доир мешавад
Федератсияи футболи Тоҷикистон соҳиби ҶОИЗАИ БИРИНҶИИ «FIFA FORWARD AWARDS» гардид
Дастаи мунтахаби футзали Тоҷикистон бо тими Амороти Муттаҳидаи Араб бозиҳои дӯстона анҷом медиҳад