ГӮШТИН. Варзишгарони тоҷик дар Чемпионати ҷаҳон дар Эстония иштирок мекунанд
ДУШАНБЕ, 14.08.2019 /АМИТ «Ховар»/. Дар шаҳри Таллини Эстония Чемпионати ҷаҳон оид ба гӯштин миёни ҷавонон ҷараён дорад, ки дар он ду нафар варзишгарони тоҷик Асламҷон Азизов ва Далер Ризозода аз намуди гӯштини юнонӣ-римӣ иштирок мекунанд. Дар ин бора АМИТ «Ховар» бо истинод ба Кумитаи миллии олимпии Тоҷикистон хабар медиҳад.
Ба иттилои манбаъ, чемпионати мазкур 12 август оғоз гардида, то 18 август идома меёбад. Дар ин чемпионат беҳтаринҳои ҷаҳон аз рӯи гӯштини тарзи озод (10 вазн), гӯштини бонувон (10 вазн) ва юнонӣ-римӣ (10 вазн) миёни ҷавонон муайян мегарданд.
«Дар қувваозмоиҳо варзишгарон аз 67 давлати дунё, аз ҷумла Тоҷикистон иштирок менамоянд. Асламҷон Азизов дар вазни 55кг ва Далер Ризозода дар вазни 72кг аз намуди гӯштини юнонӣ-римӣ Ҷумҳурии Тоҷикистонро намояндагӣ мекунанд. Онҳоро дар Эстония сармураббии дастаи мунтахаби мамлакат оид ба гӯштини юнонӣ-римӣ миёни ҷавонон Равшан Ҳайдаров ҳамроҳӣ дорад. Қувваозмоиҳои гӯштини юнонӣ-римӣ 16-18 август баргузор мешаванд», — омадааст дар хабари манбаъ.
Ёдовар мешавем, ки Далер Ризозода соли равон дар Чемпионати Осиё миёни ҷавонони то 23-сола сазовори медали нуқра ва дар Чемпионати Осиё миёни ҷавонон сазовори медали биринҷӣ гардид. Асламҷон Азизов дар Мусобиқаи байналмилалӣ миёни ҷавонон барои ҷоизаҳои чемпиони Бозиҳои олимпӣ Ж. Ушкемпиров дар Қазоқистон медали биринҷӣ ба даст овард.
Ғолибони Шоҳҷоизаҳои Мусобиқаи гӯштини миллӣ (гӯштингирӣ) дар деҳаи Пушинги ноҳияи Данғара муайян шуданд
35 медали рамзии паралимпичиёни Тоҷикистон бахшида ба 35-солагии Истиқлоли давлатӣ дар Фестивали байналмилалӣ
МУСОБИҚАИ АСПДАВОНӢ. Ин бозии миллӣ аз ҷумлаи расму ойинҳои Наврӯз аст
Дастаи мунтахаби олимпии Тоҷикистон (U-23) аввалин пирӯзиашро дар мусобиқаи байналмилалӣ дар Ҳиндустон ба даст овард
Дастаи мунтахаби наврасони Тоҷикистон (U-17) бо дастаи Чин бозиҳои дӯстона анҷом дод
Мадина Қурбонзода ва Абубакр Шеров соҳиби шоҳҷоизаҳои Мусобиқаи гӯштини миллӣ (гӯштингирӣ) дар ноҳияи Данғара шуданд
Мутахассиси беларусӣ ба ситоди мураббиёни дастаи мунтахаби Тоҷикистон оид ба футбол ҳамроҳ шуд
ФЕСТИВАЛИ БОЗИҲОИ МИЛЛИИ ВАРЗИШӢ. Дар он зиёда аз 50 намуд бозиҳои миллӣ намоиш дода мешаванд
Дастаи мунтахаби Тоҷикистон оид ба футбол машқҳои дастҷамъиро дар Душанбе оғоз кард
«DUSHANBE GRAND SLAM 2026». Аз 1 то 3 май дар Душанбе Мусобиқаи байналмилалӣ оид ба ҷудо доир мешавад
БОЗИҲОИ 20-УМИ ОСИЁ. Шаҳрҳои Нагая ва Аичии Ҷопон ин бозиҳоро мизбонӣ мекунанд
Субҳиддин Халилзода соҳиби Шоҳҷоизаи Мусобиқаи гӯштини миллӣ (гӯштингирӣ) гардид
