Кормандони Раёсати андози вилояти Суғд 18,1 млн. сомонӣ ҳолатҳои кам ҳисобкунӣ ва пинҳонкунии андозро ошкор намуданд

Август 10, 2019 10:59

ХУҶАНД, 10.08.19. /АМИТ Ховар/. Давоми шашмоҳаи аввал аз  ҷониби Раёсати андоз дар вилояти Суғд нисбат ба андозсупорандагони қарздор 942 қарор оид ба чораҳои маҷбуран ситонидани қарзи андозҳо ба маблағи 33,2 млн.сомонӣ қабул гардида, дар асоси қарорҳои қабулшуда ба буҷети давлатӣ 11,8 млн.сомонӣ рӯёнида шудааст.

Дар ин бора ба хабарнигори АМИТ «Ховар» дар Суғд Абдуаҳад ШАРИФЗОДА сардори Раёсати андози вилояти Суғд Абдуқаюм ВОҲИДОВ иттилоъ дод.

Инчунин тибқи нақшаи ягонаи санҷишҳои маҷмӯии андозсупорандагон, аз ҷониби кормандони раёсат нисбат ба фаъолияти 167 субъектҳои хоҷагидор санҷиши риояи қонунгузории андоз гузаронида шуда, ба маблағи 18,1 млн.сомонӣ ҳолатҳои кам ҳисоб кардан ва пинҳонкунии андозҳо ошкор гардид. Аз ин ҳисоб 15,5 млн.сомонӣ ба буҷети давлатӣ ситонида шудааст.

Дар ин замина, бо мақсади андешидани тадбирҳои таъсиррасон доир ба риояи муқаррароти қонунгузории андоз дар давраи ҳисоботӣ аз ҷониби мақомоти андози вилоят 4477 субъектҳои хоҷагидор ва шахсони мансабдор ба ҷавобгарии маъмурӣ кашида шуда, ба маблағи умумии 10,2 млн.сомонӣ ҷаримаи маъмурӣ татбиқ гардида, аз ҳисоби ҷаримаҳои таъйиншуда ба буҷети давлатӣ 7,6 млн.сомонӣ ворид карда шудааст.

Ҳамзамон А.Воҳидов афзуд, ки  ба ҳолати 1 июли соли 2019 дар миқёси вилоят 34 909 нафар соҳибкорони инфиродии бо патент фаъолияткунанда ва 72 518 нафар соҳибкорони инфиродӣ бо назардошти хоҷагиҳои деҳқонӣ ба қайд гирифта шуда, аз ҷониби ин шумора ба буҷаи давлатӣ дар маҷмӯъ  138,1 млн.сомонӣ маблағ  (38,6 ва 99,5) ворид гардидааст.

Зикр гардид, ки то имрӯз дар вилоят аз шумораи умумии 83696 адад андозсупорандагон беш аз 50 фисади онҳо ба шакли фаъолияти электронии пешниҳоди ҳисоботи андоз гузаронида шудаанд, ки аз он 80,1 фоизашро шахсони ҳуқуқӣ ва 45,4 фоизро соҳибкорони инфиродӣ ташкил медиҳанд.

Дар маҷмӯъ, давоми нимсолаи аввал иҷрои нақшаи даромади буҷет ва дигар пардохтҳои ҳатмӣ аз ҷониби мақомоти андози вилоят ба андозаи 102,4 фоиз таъмин гардида, ба буҷети давлатӣ нисбат ба нишондиҳандаҳои нақшавӣ 33,0 млн.сомонӣ зиёд ё 1 млрд.400,2 млн. сомонӣ ворид гардидааст.

Август 10, 2019 10:59

Хабарҳои дигари ин бахш

АЗ СОЛИ БАЙНАЛМИЛАЛИИ ОБИ ТОЗА ТО РӮЗИ БАЙНАЛМИЛАЛИИ ЗЕҲНИ СУНЪИИ БЕХАТАР, ҲИФЗШУДА ВА БОЭЪТИМОД. Андешаҳо дар ин маврид
Зеҳни сунъӣ ба яке аз технологияҳои серталабтарини асри рақамӣ аз лиҳози истеъмоли неруи барқ табдил меёбад
Аз ноҳияи Ҷалолиддини Балхӣ ба Қазоқистону Русия лимӯ содирот карда мешавад
Дар Тоҷикистон нахустин маротиба Форуми байналмилалии саноати ангишт доир мегардад
Дар Шаҳринав нақшаи ҷамъоварии пахта 187,4 фоиз иҷро шуд
Дар ноҳияи Ҷалолиддини Балхӣ кишти тиромоҳӣ идома дорад
Дар Тоҷикистон Барномаи савдои электронӣ ба бахши муҳими иқтисодиёт табдил ёфтааст
«Муждаи зафар». Дар ноҳияи Ёвон дурнамои истеҳсоли пахта барзиёд иҷро гардид
Дар даврони соҳибистиқлолии Тоҷикистон ба соҳаи энергетика 30 миллиард сомонӣ равона гардид
АЗ ДАРТМУТ ТО ДУШАНБЕ. Зеҳни сунъӣ нисбат ба қоидаҳое, ки истифодаи онро танзим менамоянд, ба маротиб тезтар рушд мекунад
Дар Минтақаи озоди иқтисодии «Суғд» муассисаҳои таълимӣ ва иншооти саноатӣ бунёд мегарданд
ЗЕҲНИ СУНЪӢ — ИМКОНИЯТ, МАСЪУЛИЯТ ВА ОЯНДАИ ИНСОН. Он ба ҷузъи муҳими ҳаёти инсон табдил ёфтааст