Президенти мамлакат Эмомалӣ Раҳмон дар шаҳри Бӯстон корхонаи истеҳсоли маҳсулоти қоғазиро бо 50 ҷойи кории нав мавриди баҳрабардорӣ қарор доданд

Август 24, 2019 08:00

ДУШАНБЕ, 24.08.2019. /АМИТ «Ховар»/. 24 августи соли ҷорӣ Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар шаҳри Бӯстони вилояти Суғд корхонаи Ҷамъияти дорои масъулияти маҳдуди «Дурахшон — Бӯстон»-ро мавриди баҳрабардорӣ қарор дода, бо имкониятҳои он аз наздик шинос шуданд.

Тавре маълум гашт, корхонаи мазкур ба коркард ва истеҳсоли маҳсулоти қоғазӣ машғул буда, қоғаз барои ташноб, дастпоккунакҳои қоғазӣ ва дигар навъи маҳсулоте, ки аз қоғаз омода мегардад, истеҳсолу пешниҳод мекунад. Дар як моҳ корхонаи навтаъсис имконият дорад, ки то 50 тонна ашёи хомро коркард намуда, аз он маҳсулоти ниҳоӣ омода намояд. Ба иттилои масъулин Корхонаи «Дурахшон — Бӯстон» пурра дар асоси ашёи хоми ватанӣ фаъолият намуда, аз минтақаҳои гуногуни Ҷумҳурии Тоҷикистон ашёи хом ба коргоҳ ворид карда мешавад.

Ҷамъияти дорои масъулияти маҳдуди «Дурахшон — Бӯстон» аз ҷониби як гурӯҳ соҳибкорони маҳаллӣ дар доираи дастгириҳои бевоситаи Ҳукумати Ҷумҳурии Тоҷикистон бунёд ёфта, бешубҳа заминаест барои расидан ба ҳадафи саноатикунонии мамлакат. Дар ин баробар ифтитоҳи чунин корхонаву коргоҳҳо барои тавлиди маҳсулоти рақобатпазир ва воридотивазкунанда боис гардида, дар оянда метавонанд, ки иқтидори содиротии мамлакатро боз ҳам болотар баранд. Зеро талабот ба чунин маҳсулоти хушсифат на танҳо дар дохил, балки дар хориҷ ҳам хеле зиёд аст ва феълан ҶДММ «Дурахшон — Бӯстон» аз шумури корхонаҳои азими коркарди қоғаз дар минтақа ба ҳисоб меравад.

Корхонаи нав бо хати муосири истеҳсолӣ, ки сифати маҳсулотро ҳамаҷониба таъмин менамояд ва аз рӯи стандартҳои байналмилалӣ фаъолият мекунад муҷаҳҳаз буда, пас аз бозомӯзӣ дар ин ҷо 50 нафар аз сокинони маҳаллӣ соҳиби ҷои корӣ доимӣ ва бештар аз 1000 сомонӣ маош гаштанд.

Иншооти мазкур дар зарфи як сол бунёд ёфта, лоиҳаи он аз ҷониби ҶДММ «Суғд Лоиҳакаш» бо назардошти талаботи муосир бунёд гардида, корҳои сохтмониро ҶДММ «Бинокор Бунёдгар» анҷом дода шуд. Корхонаи нав дар масоҳати наздик ба як гектар замин бунёд ёфта, ҳамчунин дорои дигар иншооти ёрирасон барои интиқолу кашонидани маҳсулот мебошад.

Зимни шиносоӣ бо фаъолияти корхона Роҳбари давлат ба технологияи насбгардида ва хатҳои истеҳсолии он баҳои баланд дода, масъулинро вазифадор намуданд, ки ба сифати маҳсулот диққати аввалиндараҷа дода, мутобиқ ба стандартҳои ҷорӣ истеҳсолотро ба роҳ монанд.

Ифтитоҳи корхонаи истеҳсоли маҳсулоти қоғазӣ бо 50 ҷойи кории нав дар шаҳри Бӯстон 24.08.2019

Август 24, 2019 08:00

Хабарҳои дигари ин бахш

Анҷоми сафари кории Президенти Ҷумҳурии Тоҷикистон Эмомалӣ Раҳмон дар Ҷумҳурии Узбекистон
Суханронии Президенти Ҷумҳурии Тоҷикистон Эмомалӣ Раҳмон дар ифтитоҳи Ҳамоиши сатҳи баланд «Осиёи Марказӣ дар баробари мушкилоти глобалии иқлим: муттаҳидшавӣ барои шукуфоии умумӣ»
Президенти Ҷумҳурии Тоҷикистон Эмомалӣ Раҳмон дар Форуми сатҳи баланд таҳти унвони «Осиёи Марказӣ пешорӯи мушкилоти ҷаҳонии иқлим: муттаҳидшавӣ барои шукуфоии умумӣ» иштирок намуданд
Президенти Ҷумҳурии Тоҷикистон Эмомалӣ Раҳмон дар Ҳамоиши Осиёи Марказӣ ва Иттиҳоди Аврупо иштирок намуданд
Президенти Ҷумҳурии Тоҷикистон Эмомалӣ Раҳмон бо Президенти Ҷумҳурии Узбекистон муҳтарам Шавкат Мирзиёев мулоқот намуданд
Президенти Ҷумҳурии Тоҷикистон Эмомалӣ Раҳмон бо Президенти Бонки аврупоии таҷдид ва рушд Одил Рено-Бассо мулоқот намуданд
Президенти Ҷумҳурии Тоҷикистон Эмомалӣ Раҳмон бо Президенти Комиссияи Иттиҳоди Аврупо Урсула фон дер Ляйен мулоқот намуданд
Президенти Ҷумҳурии Тоҷикистон Эмомалӣ Раҳмон бо Президенти Шурои Иттиҳоди Аврупо Антониу Кошта мулоқот намуданд
Президенти Ҷумҳурии Тоҷикистон Эмомалӣ Раҳмон вориди шаҳри Самарқанди Ҷумҳурии Узбекистон шуданд
Сафари кории Президенти Ҷумҳурии Тоҷикистон Эмомалӣ Раҳмон ба шаҳри Самарқанди Ҷумҳурии Узбекистон
Президенти Ҷумҳурии Тоҷикистон Эмомалӣ Раҳмон Раиси Ҷумҳурии Тотористони Федератсияи Русия Рустам Миннихановро ба ҳузур пазируфтанд
Фармони Президенти Ҷумҳурии Тоҷикистон