Ҳамкории Тоҷикистон ва Академияи дипломатии Брюссел баррасӣ гардид
![](https://khovar.tj/wp-content/uploads/2019/09/Erkinhon-R.jpg)
ДУШАНБЕ, 19.09.2019 /АМИТ «Ховар»/. 18 сентябри 2019 мулоқоти Сафири Ҷумҳурии Тоҷикистон дар кишварҳои Бенилюкс Эркинхон Раҳматуллозода бо муовини Роҳбари Академияи дипломатии Брюссел профессор Кэйлин Маккензи ва мушовири роҳбари ин ниҳод Жан Брабандер доир гардид.
Тавре АМИТ «Ховар» бо истинод ба Вазорати корҳои хориҷии Ҷумҳурии Тоҷикистон хабар медиҳад, зимни мулоқот мусоҳибон дурнамои ҳамкории Тоҷикистон ва Академияи дипломатии Брюсселро баррасӣ намуда, ба имконоти омодасозии кадрҳо дар ин ҷода, барпо намудани равобити корӣ байни ин ниҳод ва муассисаҳои марбутаи давлати мо таваҷҷуҳи хосса зоҳир намуданд.
Ду ҷониб ба мувофиқа расиданд, ки зарфият ва имконоти ҷонибҳоро амиқан омӯхта, ба мавзӯъҳои мушаххаси ҳамкорӣ бармегарданд.
АКС: ВКХ ҶТ