Беш аз 30 нафар намояндагони ВАО баъд аз иштирок дар машғулияти омӯзишӣ соҳиби гувоҳнома гардиданд
ДУШАНБЕ, 28.09.2019/АМИТ «Ховар»/. Беш аз 30 нафар намояндагони воситаҳои ахбори оммаи Тоҷикистон, инчунин мудирони кафедра ва факултаҳои журналистикаи донишгоҳҳои мамлакат, роҳбарони созмонҳои ҷамъиятӣ, ки дар бахши такмили дониш ва саводнокии ВАО фаъолият доранд, баъд аз иштирок дар машғулияти дурӯзаи омӯзишӣ «Оид ба саводнокии иттилоотӣ ва ВАО», ки 26-27 сентябр дар Душанбе доир шуд, соҳиби гувоҳнома гардиданд.
Хабарнигори АМИТ «Ховар» иттилоъ медиҳад, ки машғулияти омӯзишӣ бо ибтикори Комиссияи миллии Ҷумҳурии Тоҷикистон оид ба корҳои ЮНЕСКО дар ҳамкорӣ бо Бюрои кластери ЮНЕСКО дар Алмаато оид ба Тоҷикистон, Қазоқистон, Қирғизистон ва Ӯзбекистон созмон дода шуд.
Котиби масъули Комиссияи миллии Ҷумҳурии Тоҷикистон оид ба корҳои ЮНЕСКО Зулфия Бурҳон дар ҷараёни машғулияти омӯзишӣ гуфт, ки «машғулияти омӯзишӣ бахшида ба Ҳафтаи байналмилалии саводнокии иттилоотии ВАО, ки аз ҷониби ЮНЕСКО аз 24 то 31 октябр дар саросари ҷаҳон доир мегардад, гузаронида мешавад». Ҳадафи асосии машғулияти омӯзишӣ фароҳам овардани шароити мусоид ҷиҳати таҳияи барномаҳои миллии омӯзишӣ дар ВАО ва саводнокии иттилоотӣ барои баланд бардоштани сифати журналистика, инчунин такмили касбияти намояндагони ВАО мебошад.
Ҳамзамон дар машғулияти омӯзишӣ ноиби ректори Донишгоҳи миллии Тоҷикистон Хайрулло Мирзамонзода гуфт, ки Донишгоҳи миллии Тоҷикистон, ки дар он факултаи журналистика фаъолият менамояд, дар омода намудани кадрҳои ҷавон ва мутахассисони бахши ВАО саҳми муноисб мегузорад. Мавсуф афзуд, ки баланд бардоштани касбият ва саводнокии иттилоотии намояндагони ВАО дар шароити пуртазоди ҷомеаи муосири байналмилалӣ, ки муборизаҳои иттилоотӣ пуршиддат гардидаанд, хеле муҳим аст.
Дар ҷараёни машғулияти омӯзишӣ мутахассис оид ба масъалаҳои коммуникатсия ва иттилооти Дафтари ЮНЕСКО дар Алмаато Сергей Карпов ва коршиноси бахши ВАО Ала Қувватова ба намояндагони ВАО доир ба масъалаҳои мубрами марбут ба саводнокии иттилоотӣ, баланд бардоштани касбияти намояндагони ВАО, эътимод ба ВАО, кор бо сарчашмаи иттилоот, одоби рӯзноманигорӣ, нозукиҳои таҳияи маводи иттилоотӣ ва таҳлилӣ бо такя ба масъалаҳои мубрами рӯз ва дигар паҳлуҳои саводнокии иттилоотию тақвияти касбияти рӯзноманигорон ибрози назар намуданд.
Марзия САИДЗОДА,
АМИТ «Ховар»
Ҳайати Тоҷикистон бо раванди навсозии хизматрасонии давлатии Молдова шинос гардид
Ҳайати Тоҷикистон дар Конфронси шарҳи Конвенсияи СММ дар Камбоҷа иштирок дорад
Дар Тоҷикистон амалиёти навбатии «Муоинаи техникӣ» гузаронида мешавад
35-СОЛАГИИ ИСТИҚЛОЛИ ДАВЛАТӢ. Дар Мастчоҳ кӯдакистон, Қасри ҷавонон ва бинои нави беморхона ба истифода дода мешавад
«БЕҲТАРИН ОИЛАИ ҲУНАРМАНД». Таҳти ин унвон озмуни ҷумҳуриявӣ баргузор мегардад
Дар Тоҷикистон дар ҷашни 20-солагии Истиқлолияти давлатӣ дарозтарин парчам омода гардид
«БОНУИ ҲУНАР». Дар Душанбе 30 нафар занону духтарон ба касбомӯзӣ ҷалб гардиданд
Кормандони Хадамоти назорати давлатии тандурустӣ ва ҳифзи иҷтимоии аҳолӣ Рӯзи Парчами давлатиро бошукуҳ таҷлил намуданд
«НАҚШИ ҲИЗБИ ХАЛҚИИ ДЕМОКРАТИИ ТОҶИКИСТОН ДАР ТАШАККУЛИ ДАВЛАТДОРИИ МИЛЛӢ». Таҳти ин унвон конференсияи байналмилалӣ доир шуд
Кумитаи ҳолатҳои фавқулода ва мудофиаи гражданӣ аз омадани сел дар баъзе минтақаҳои Тоҷикистон ҳушдор медиҳад
Дар шаҳри Омск Форуми 4-уми сарварони ҷавони Русия ва давлатҳои Осиёи Марказӣ оғоз ёфт
Ҷумҳурии Тоҷикистон 67-умин давлат дар самти манъи ҷазои ҷисмонӣ нисбат ба кӯдак гардид
