«НУРИ ИСТИҚЛОЛ». Драмаи Ҷумъа Қуддус дар озмуни ҷумҳуриявии драмнависон сазовори ҷой якум дониста шуд
ДУШАНБЕ, 30.10.2025. /АМИТ «Ховар»/. Вазорати фарҳанги Ҷумҳурии Тоҷикистон ба ифтихори ҷашни 35-солагии Истиқлоли давлатӣ Озмуни ҷумҳуриявии драмнависонро, ки аз 1 март то сентябри соли 2025 идома ёфт, ҷамъбаст намуд. Пас аз баррасӣ ва муҳокимаи асарҳо, ҳайати ҳакамон ҷойи якумро ба драмаи Ҷумъа Қуддус — «Нури Истиқлол» сазовор донист.
Тавре аз Вазорати фарҳанги Ҷумҳурии Тоҷикистон ба АМИТ «Ховар» иттилоъ доданд, ҷойи дуюм ба мазҳакаи Абдувадут Файзиев «Дар орзуи шавҳар» ва ҷойи сеюм ба драмаи Нарзулло Шарифов «Доми ғафлат» дода шуд.
Инчунин се мукофоти ҳавасмандкунӣ ба драмаҳои Ато Ҳамдам «Нури мино», Шодӣ Солеҳ «Яке рафту саг ҷакид» ва Абдуғаффори Абдуҷаббор «Муқовимат» лоиқ дониста шуданд.
Ҳадаф аз баргузории ин озмун рушди драматургияи миллӣ, таҳияи асарҳои баландғояи ватанӣ ва тарғиби санъати театрӣ дар мамлакат мебошад.
Ба озмун 19 асари таълифшуда пешниҳод гардид. Тибқи талабони Низомномаи озмун, ҳайати ҳакамон ба мавзӯю муҳтаво, ихтилофсозӣ, шиддатнокии хатти сюжа, образофарӣ ва дар маҷмуъ, ҷавобгӯй будан ба талаботи жанри драматургия бештар таваҷҷуҳ зоҳир намуданд.
Аз ҷониби Вазири фарҳанги мамлакат ғолибон ва иштирокдорони озмун дар Рӯзи театри тоҷик бо туҳфаҳои пулӣ ва Диплом сарфароз гардонида мешаванд.
Ёдовар мешавем, ки драма жанри адабӣ (драмавӣ), саҳнавӣ ва кинематографист. Он махсусан дар адабиёти асрҳои 18 — 21 васеъ паҳн шуда, тадриҷан як жанри дигари драма — фоҷиаро иваз кард. Бо пайдоиши кино, драма низ ба ин намуди санъат гузашт ва ба яке аз жанрҳои паҳншудаи он табдил гардид.
АКС: Вазорати фарҳанги Ҷумҳурии Тоҷикистон
Дар канори роҳи Душанбе–Чанок корҳои соҳилмустаҳкамкунӣ идома доранд
Оид ба нақши занон дар низоми адолати судӣ конфронси байналмилалӣ баргузор шуд
НИШАСТИ МАТБУОТӢ. Ваколатдор оид ба ҳуқуқи инсон лоиҳаи 37 санади меъёрии ҳуқуқиро мавриди омӯзиш қарор додааст
Бунафша Файзиддинзода: «Бо вуҷуди коҳиши бекоршавии ақди никоҳ ҳалли ин масъала таваҷҷуҳи доимиро тақозо мекунад»
ОГОҲӢ! Аз 16 то 19 июл дар Тоҷикистон баландшавии ҳарорати ҳаво пешгӯӣ мешавад
НИШАСТИ МАТБУОТӢ. Барои дарёфти гранти Президенти Тоҷикистон дар соли 2026 аз ҷониби занон 945 лоиҳа пешниҳод шудааст
ЭҲТИЁТ АЗ НУРҲОИ БАЛАНДИ ОФТОБ! Ҳангоми гармои шадид саломатиро чӣ тавр бояд ҳифз намуд?
Дар «Чангоб» 220 нафар кӯдакони ятими кулл, нимятим ва аз оилаҳои камбизоат ба истироҳат фаро гирифта шудаанд
НИШАСТИ МАТБУОТӢ. «Тоҷиксуғурта» ба шаҳрвандон ва ташкилот беш аз 1,1 миллион сомонӣ ҷуброни суғуртавӣ пардохт намуд
Президенти Тоҷикистон: «Сифати таҳияи лоиҳаи санадҳои меъёрии ҳуқуқӣ ҳанӯз ба талабот пурра ҷавобгӯ нест»
Муассисаҳои таҳсилоти ибтидоии касбӣ пурра бо китобҳои дарсӣ таъмин мебошанд
Дар Душанбе беш аз 13 ҳазор нафар ба сафи Ҳизби Халқии Демократии Тоҷикистон қабул гардиданд
