Дар Душанбе Корхонаи истеҳсоли маводи доруворӣ ва коркарди гиёҳҳои шифобахш ба истифода дода шуд

Сентябрь 30, 2019 15:55

ДУШАНБЕ, 30.09.2019 /АМИТ «Ховар»/.  Ҷиҳати истиқбол сазовори 30–солагии Истиқлолияти давлатии Ҷумҳурии Тоҷикистон 28 сентябр дар шаҳри Душанбе Корхонаи  истеҳсоли маводи доруворӣ ва коркарди гиёҳҳои шифобахш ба истифода дода шуд.

Корхонаи мазкур дар ҳудуди Маркази илмию тадқиқотии фарматсевтии Вазорати тандурустӣ ва ҳифзи иҷтимоии аҳолии Ҷумҳурии Тоҷикистон ҷойгир буда, дар маросими ифтитоҳи он Вазири тандурустӣ ва ҳифзи иҷтимоии аҳолӣ Насим Олимзода ва намояндагони корхонаҳои соҳавӣ  иштирок намуданд.

Тавре аз Вазорати тандурустӣ ба мухбири АМИТ  «Ховар» иттилоъ доданд, дар корхона зиёда аз 30 номгӯй гиёҳҳои шифобахш коркард  ва бастубанд мегарданд, ки айни замон 15 номгӯи он дастрас ва мавриди коркард қарор дорад.

Гуфта мешавад, ки корхона аз анбори ашёи хом, сехҳои коркарди гиёҳҳои шифобахш, бастубанд ва  тамғагузории гиёҳҳои шифобахш,  истеҳсоли шарбат ва равған иборат мебошад.

Бинои корхона бо зиёда аз ду миллион сомонӣ аз таъмир бароварда шуда,  он бо таҷҳизоти ҳозиразамон муҷаҳҳаз гардонида шудааст.

Насим Олимзода зимни шиносоӣ бо фаъолияти корхона баҳри боз ҳам сифатан беҳтар намудани фаъолияти он ба масъулини соҳа дастуру супоришҳои мушаххас дода, изҳор дошт, ки дар табиати Ҷумҳурии Тоҷикистон ҳазорҳо гиёҳҳои шифобахш мерӯянд, ки онҳо ба саломатии инсон хеле манфиатовар мебошанд. Аз ин рӯ зарур аст ҳамаи он гиёҳҳо дар корхонаи мазкур коркард ва ба истифода дода шаванд.

Баъди ба даст овардани Истиқлолияти давлатӣ  тибқи дастуру ҳидоятҳои Асосгузори сулҳу ваҳдати миллӣ, Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар мамлакат чандин корхонаҳои хурду калони вобаста ба коркарди гиёҳҳои шифобахш ба фаъолият оғоз намуданд.

Ҳамчунин Вазири тандурустӣ ва ҳифзи иҷтимоии аҳолии Ҷумҳурии Тоҷикистон  баён дошт, ки Вазорати тандурустӣ дастуру супоришҳои Пешвои миллат муҳтарам Эмомалӣ Раҳмонро дар робита ба коркарди гиёҳҳои  шифобахш сармашқи кори худ қарор дода,  тамоми талошу кӯшиши хешро дар ин самт равона хоҳад сохт.

Сентябрь 30, 2019 15:55

Хабарҳои дигари ин бахш

Раиси «Амонатбонк» Сироҷиддин Икромӣ бо кормандони марказҳои хизматрасонии бонкии Бадахшон мулоқот намуд
Президенти мамлакат Эмомалӣ Раҳмон дар шаҳри Истаравшан шуъбаи Раёсати КДАМ-ро ифтитоҳ карданд
Қатораи мусофирбар дар хатсайри Кӯлоб–Волгоград–Кӯлоб ҳафтаи оянда ба роҳ мебарояд
Тоҷикистон ва Гурҷистон масоили ба роҳ мондани алоқаи ҳавоиро матраҳ намуданд
ИШТИРОК КУНЕД, ДАЛЕРОНА КӮШЕД ВА ҒАЛАБА НАМОЕД! Озмуни Ҷоизаи ИДМ дар самти дастовардҳо дар соҳаи сифати маҳсулот ва хизматрасонӣ барои соли 2023 эълон гардид
Дар Узбекистон Форуми минтақавии нозирони давлатии меҳнати кишварҳои Осиёи Марказӣ ва Русия доир мешавад
Беш аз 100 нафар маъюбони шаҳру ноҳияҳои Суғд соҳиби аробача гардиданд
Сайди моҳӣ дар Тоҷикистон дар шаш моҳ 1145,3 тоннаро ташкил дод
Барномаи рушди иҷтимоию иқтисодӣ ба беҳтар намудани сатҳи зиндагии мардуми ноҳияи Дарвоз мусоидат менамояд
Дар Суғд фаъолияти муштараки доираҳои тиҷоративу соҳибкории Тоҷикистон ва Ҷопон баррасӣ гардид
Дар рӯзҳои таҷлили 31-солагии Истиқлолияти давлатӣ барномаҳои фарҳангӣ-фароғатии сиркӣ пешниҳод мегарданд
Кишоварзони шаҳри Ваҳдат дар майдони 6480 гектар кишти такрорӣ гузарониданд

Маводҳои таҳлилӣ