Гурӯҳи ҷавонони Ҳиндустон аз мавзеъҳои таърихию фарҳангии ноҳия Айнӣ боздид намуданд
ДУШАНБЕ, 26.09.2019./АМИТ«Ховар»/. Шоми 25 сентябр гурӯҳи ҷавонони ҳиндустонӣ ба ноҳияи Айнии вилояти Суғд сафар карда, аз мавзеъҳои таърихиву фарҳангии он дидан намуданд.
Тавре аз Кумитаи кор бо ҷавонон ва варзиши назди Ҳукумати Ҷумҳурии Тоҷикистон ба АМИТ «Ховар» хабар доданд, меҳмононро намояндагони мақомоти иҷроияи ҳокимияти давлатии ноҳияи Айнӣ ва ҷавонон пешвоз гирифтанд.
Раиси ноҳияи Айнӣ Муқим Муродзода бо меҳмонон суҳбат карда, оид ба таърих, фарҳанг ва урфу одати ноҳияи Айнӣ маълумот дод.
Гуфта мешавад, ки пас аз мулоқот ҷавонони Ҳиндустон аз Боғи фарҳангӣ-фароғатии ба номи устод Садриддин Айнӣ, Осорхона ва Қасри фарҳанги ба номи Нақибхон Туғрал боздид намуданд.
«Баъди боздид аз мавзеъҳои таърихӣ, сайёҳӣ ва мулоқоти судманд бо ҷавонону фаъолони ноҳия меҳмонон иброз доштанд, ки бори нахуст ба ноҳияи Айнӣ омаданд ва пазироиву меҳмоннавозии сокинон онҳоро дар ҳайрат гузошт. Тавассути шабакаҳои иҷтимоӣ аз меҳмоннавозӣ ва мавзеъҳои сайёҳии ноҳияи Айнӣ огаҳӣ пайдо намуда будем ва орзу мекардем, ки боре аз инҷо дидан кунем. Хушбахтона, ба орзуямон расидем», — афзуд манбаъ.
Бояд гуфт, ки сафари гурӯҳи ҷавонони Ҳиндустон ба Тоҷикистон аз 21 то 27 сентябри соли равон сурат гирифта, дар ин муддат меҳмонон дар нахустин Форуми ҷавонони Тоҷикистону Ҳиндустон таҳти унвони «Дӯстии ҷавонони Тоҷикистону Ҳиндустон поянда бод» иштирок намуданд.
«БАРНОМАИ РУШДИ МИНТАҚАИ САЙЁҲИИ РОҒУН». Дар доираи амали он роҳҳо мумфарш, хатсайрҳои сайёҳӣ зиёд ва инфрасохтори хизматрасонӣ беҳтар карда шуд
Маросими ҷоизасупории даври ниҳоии Озмуни ҷумҳуриявии «Илм — фурӯғи маърифат» оғоз гардид
«КОРВОНИ КИТОБ-2026». Беш аз 6 ҳазор нусха китоб ба шаҳру ноҳияҳои минтақаи Кӯлоб ройгон тақдим мегардад
Имкониятҳои сайёҳии Тоҷикистон ба гардишгарони ҳавзаи Шурои ҳамкории кишварҳои арабии Халиҷ муаррифӣ гардиданд
Дар мавзуи «Шинохти Мавлоно дар ҷаҳони муосир» ҳамоиши илмӣ доир шуд
Густариши ҳамкории фарҳангии Тоҷикистону Озарбойҷон баррасӣ гардид
Ҳайати Тоҷикистон дар Форуми 7-уми байналмилалии «Муколамаи байнифарҳангӣ» дар Боку иштирок намуд
«ГАНҶИНАИ ТАЪРИХ ВА ФАРҲАНГИ ТОҶИКОН». Таҳти ин унвон дар Тоҷикистон озмуни ҷумҳуриявӣ оғоз мегардад
Дар Тоҷикистон Фестивали VIII байналмилалии театрҳои лӯхтак «Чодари хаёл» ҷамъбаст гардид
Оид ба омӯзиши Панҷакенти қадим конференсияи илмӣ баргузор мешавад
Дар Хоруғ муассисаҳои соҳаи фарҳанг навсозӣ мешаванд
Муовини Вазири фарҳанг ва иршоди исломии Эрон дар Осорхонаи миллӣ бо тамаддуни бостонии тоҷикон шинос шуд
