Ҳайати Тоҷикистон дар Форуми 7-уми байналмилалии «Муколамаи байнифарҳангӣ» дар Боку иштирок намуд
ДУШАНБЕ, 27.10.2026 /АМИТ «Ховар»/. 27 октябр Вазири фарҳанги Ҷумҳурии Тоҷикистон Матлубахон Сатториён дар шаҳри Бокуи Ҷумҳурии Озарбойҷон дар Форуми 7-уми байналмилалии «Муколамаи байнифарҳангӣ» иштирок намуд.
Тавре ба АМИТ «Ховар» аз Маркази матбуоти Вазорати фарҳанги Ҷумҳурии Тоҷикистон хабар доданд, маросими ифтитоҳи расмии форум бо иштироки Президенти Ҷумҳурии Озарбойҷон Илҳом Алиев баргузор гардид.
Ҳадафи асосии форум баррасии масъалаҳои мубрами ҳамкории фарҳангӣ, таҳкими робитаҳои дӯстона байни кишварҳо, эҳтиром ба гуногунрангии фарҳангҳо ва мусоидат ба ҳамзистии осоишта дар ҷомеаи ҷаҳонӣ мебошад. Ҳамзамон, он барои табодули афкору таҷриба ва муайян намудани роҳҳои нави рушди ҳамкории байналмилалӣ дар соҳаи фарҳанг заминаи мусоид фароҳам меорад.
Иштироки ҳайати Тоҷикистон дар ин ҳамоиши бонуфузи байналмилалӣ барои таҳкими робитаҳои фарҳангии мамлакат бо кишварҳои ҷаҳон, муаррифии арзишҳо ва дастовардҳои фарҳанги миллӣ, инчунин густариши ҳамкории судманд дар самти ҳифз, эҳё ва тарғиби мероси фарҳангӣ аҳаммияти муҳим дорад.
Ёдовар мешавем, ки Форуми дар доираи ташаббуси «Раванди Боку», ки аз соли 2008 инҷониб ҳамчун минбари муҳими байналмилалӣ барои густариши муколамаи байнифарҳангӣ, таҳкими ҳамдигарфаҳмӣ ва рушди ҳамкории байнидавлатӣ мусоидат мекунад, баргузор мегардад.
АКС: Маркази матбуоти Вазорати фарҳанги Ҷумҳурии Тоҷикистон
Доир ба таъриху фарҳанги Кӯшониён конфронси ҷумҳуриявӣ баргузор шуд
Маросими ҷоизасупории даври ниҳоии Озмуни ҷумҳуриявии «Илм — фурӯғи маърифат» оғоз гардид
«КОРВОНИ КИТОБ-2026». Беш аз 6 ҳазор нусха китоб ба шаҳру ноҳияҳои минтақаи Кӯлоб ройгон тақдим мегардад
Дар мавзуи «Шинохти Мавлоно дар ҷаҳони муосир» ҳамоиши илмӣ доир шуд
Густариши ҳамкории фарҳангии Тоҷикистону Озарбойҷон баррасӣ гардид
«ГАНҶИНАИ ТАЪРИХ ВА ФАРҲАНГИ ТОҶИКОН». Таҳти ин унвон дар Тоҷикистон озмуни ҷумҳуриявӣ оғоз мегардад
Дар Тоҷикистон Фестивали VIII байналмилалии театрҳои лӯхтак «Чодари хаёл» ҷамъбаст гардид
Оид ба омӯзиши Панҷакенти қадим конференсияи илмӣ баргузор мешавад
Дар Хоруғ муассисаҳои соҳаи фарҳанг навсозӣ мешаванд
Муовини Вазири фарҳанг ва иршоди исломии Эрон дар Осорхонаи миллӣ бо тамаддуни бостонии тоҷикон шинос шуд
Гирандагони Шоҳҷоизаи Озмуни ҷумҳуриявии «Тоҷикистон – Ватани азизи ман» дар соли 2026 муайян гардиданд
Маросими ҷоизасупорӣ ба ғолибони Озмуни ҷумҳуриявии «Тоҷикистон–Ватани азизи ман» оғоз гардид
