«Пекини дилрабо» дарҳояшро дар «Душанбе Мол» боз намуд

Сентябрь 26, 2019 09:25

ДУШАНБЕ, 26.09.2019/АМИТ «Ховар»/.  Ба ифтихори Рӯзи байналмилалии сайёҳӣ, ки ҳамасола 27 сентябр таҷлил мегардад, дар толори Галереяи санъати муосири «Душанбе Мол» дар доираи Рӯзи дарҳои бози сайёҳии Пекин таҳти унвони «Пекини дилрабо» намоиши расмҳо ва барномаи фарҳангӣ ташкил карда шуд.

Кумитаи рушди сайёҳии назди Ҳукумати Ҷумҳурии Тоҷикистон, ширкати сайёҳии «Олами саёҳат» ва ширкати сайёҳии Ҷумҳурии Мардумии  Чин  «Бюрои мунисипалии фарҳанг ва туризми Пекин» аз созмондиҳандагони ин барномаи фарҳангӣ буда, дар он намояндагони  Кумитаи рушди сайёҳӣ, ширкатҳои сайёҳии ватанӣ, инчунин масъулини субъектҳои хоҷагидори соҳаи сайёҳии Тоҷикистон иштирок намуданд.

Дар назди иштирокдорони ҷамъомад муовини Раиси Кумитаи рушди сайёҳии назди Ҳукумати Ҷумҳурии Тоҷикистон Ширин Амонзода ва намояндаи «Бюрои мунисипалии фарҳанг ва туризми Пекин»  Пэн Либо  доир ба муносибатҳои дӯстона ва ҳусни ҳамҷавории Тоҷикистону Чин, инчунин роҷеъ ба ҳамкории мутақобилан судманди ду давлати ҳамсоя дар соҳаҳои тиҷорат, иқтисодиёт, энергетика ва туризм  ибрози назар намуданд.

Зикр шуд, ки ҳамкории гуногунсоҳаи Тоҷикистону Чин тӯли солҳои охир беш аз пеш дар соҳаҳои мухталиф, хусусан туризм, ки ҳар ду давлат дорои захираю иқтидори бои туристӣ мебошанд, густариш меёбад. Бахусус нақши барномаи «Як камарбанд, як роҳ» дар таҳкими ҳамкории Тоҷикистону Чин махсус таъкид гардид. Зикр шуд, ки ҳадафи ташкили чунин чорабиниҳои фарҳангӣ ҷалби ҳар чӣ бештари сайёҳон ба Тоҷикистону Чин,  муаррифии имконияту захираҳои бои туристии ҳар ду давлат мебошад.

Баъди ҷамъомади фарҳангӣ намоиши расмҳо таҳти унвони «Пекини дилрабо» ифтитоҳ гардид, ки дар он маконҳои таърихию бостонӣ ва сайёҳии яке аз бузургтарин шаҳрҳои ҷаҳон –Пекин таҷассум ёфта буданд.

             Марзия САИДЗОДА,
АМИТ «Ховар»

Сентябрь 26, 2019 09:25

Хабарҳои дигари ин бахш

Шермуҳаммад Шоҳиён: «Миллати шарафманди тоҷик таъриху фарҳанги худро бо ҳамин забон ба ҷаҳониён муаррифӣ кардааст»
МО ХОТИРАИ ӮРО АБАДӢ ПОС ХОҲЕМ ДОШТ. Яке аз тарҷумонҳои касбии Тоҷикистон Мадориф Шарифов даргузашт
«ИСТИҚЛОЛ ВА РУШДИ ЗАБОНИ ДАВЛАТӢ ДАР ҚОНУНГУЗОРӢ». Таҳти чунин унвон дар Душанбе ҳамоиш баргузор шуд
Намояндаи Тоҷикистон дар ҷаласаи Шӯрои сайёҳии кишварҳои узви Иттиҳоди Давлатҳои Мустақил тариқи маҷозӣ иштирок намуд
РӮЗИ ЁДБУДИ МАВЛОНО. Таълимоти Ҷалолуддини Балхӣ ҳамзистии осоиштаро тарғиб менамояд
ЭҲДО БА РЎЗИ МАВЛОНО. Пешвои миллат: «Осори Ҷалолуддини Балхӣ дар радифи даҳ китоби сертеъдод ва хонданитарини аҳли олам қарор гирифтааст»
МО БАРОИ ВАСЛ КАРДАН ОМАДЕМ! Пагоҳ дар Душанбе Рӯзи Мавлоно таҷлил мегардад
«ДУШАНБЕ-ШАҲРИ ИМКОНОТИ РУШДИ САЙЁҲИИ УСТУВОР». Таҳти чунин унвон Рӯзи ҷаҳонии сайёҳӣ таҷлил гардид
«МАВЛОНО-МУРШИДИ ВАҲДАТ ВА ГУФТУГӮИ ТАМАДДУНҲО». Дар Душанбе таҳти чунин унвон конфронси байналмилалӣ доир шуд
ЭҲЁ ВА РУШДИ ЗАБОНИ ДАВЛАТӢ ДАР ПАРТАВИ СИЁСАТИ ФАРҲАНГИИ ПЕШВОИ МИЛЛАТ. Ба Рӯзи забони давлатии Ҷумҳурии Тоҷикистон бахшида мешавад
Маросими ифтитоҳи расмии Бозиҳои XVI Делфӣ дар Театри давлатии академии опера ва балети Тоҷикистон доир мегардад
Сафорати Тоҷикистон дар Узбекистон дар Фестивали анъанаҳои фарҳангӣ ва таомҳои миллии намояндагиҳои дипломатӣ дар Тошканд ширкат варзид