Сокинони Ёвон дар рӯзҳои ҷашни Истиқлолият бо марказҳои саломатӣ, мактаб, дорухона ва оби нӯшокӣ таъмин гардиданд
ЁВОН, 12.09.2019 /АМИТ «Ховар»/. Тантанаҳои идона бахшида ба ҷашни 28-солагии Истиқлолияти давлатии Ҷумҳурии Тоҷикистон дар мамлакат идома доранд.
Дар ноҳияи Ёвон бо иштироки роҳбарияти ноҳия, фаъолон ва директори Агентии содироти назди Ҳукумати Ҷумҳурии Тоҷикистон Шавкат Бобозода якчанд иншоот, аз ҷумла дорухона, чойхонаи миллии “Фараҳбахш”, толори варзишӣ, фурӯшгоҳи молҳои занона, як зумра дӯконҳо дар бозори “Ансор”, мактаби нав дар деҳаи Дарагӣ ва маркази саломатӣ бо таваллудхонаи деҳот дар деҳаи Рӯдакӣ мавриди баҳрабардорӣ қарор гирифтанд.
Ҳамчунин аз ҳисоби соҳибкор Баҳриддин Ҷурахонов дар деҳаи Даҳана Маркази нави саломатӣ ва бо саҳми сокинону мақомоти маҳаллӣ дар деҳаи Чормағзак Маркази саломатии деҳот бунёд ёфта, ҳарду маркази саломатӣ бо мошинҳои “Ёрии таъҷилӣ” ва таҷҳизоти тиббӣ таъмин гардиданд.
Имрӯзҳо сокинони деҳаи Дарагӣ шукронаи Истиқлолият карда, пеш аз ҳама ба Пешвои муаззами миллат муҳтарам Эмомалӣ Раҳмон барои дастгириҳояшон ва соҳибкор Акбар Асадуллозода самимона изҳори миннатдорӣ менамоянд. Онҳо изҳор доштанд, ки то имсол деҳаи Дарагӣ мактаб надошт ва хонандагон масофаи зиёда аз 3 км роҳро тай карда, қад-қади роҳи мошингард ба муассисаи таълимии № 11 мерафтанд. Бинобар дурии роҳ дар фаслҳои зимистону баҳор, махсусан кӯдакону наврасон ба мушкилии зиёд гирифтор мешуданд. Муассисаи таҳсилоти миёнаи умумии деҳаи Дарагӣ, ки бо саҳми ин соҳибкори ватандӯст бунёд гардид, бешубҳа, барои наслҳои ояндасози ноҳияи Ёвон боргоҳи маърифат хоҳад гардид.
Ҳамзамон дар арафаи ин ҷашни бошукӯҳ сокинони деҳаҳои Кишоварзон ва Пахтакори Ҷамоати деҳоти Норини ноҳияи Ёвон бо оби тозаи ошомиданӣ таъмин гардиданд. Сокинони деҳаҳои мазкур, ки 3500 нафарро ташкил медиҳанд, аз нарасидани оби нӯшокӣ солҳои зиёд азоб мекашиданд. Хушбахтона, дар ҳамкорӣ бо як ширкати байналмилалӣ бо сарфи 500 ҳазор сомонӣ сокинони ин деҳаҳо бо оби нӯшокӣ таъмин гардиданд.
Метавон гуфт, ки иқдоми мазкур дар самти татбиқи Даҳсолаи байналмилалии амал “Об барои рушди устувор, солҳои 2018-28” як амали муҳим ба ҳисоб меравад.
35-СОЛАГИИ ИСТИҚЛОЛИ ДАВЛАТӢ. Дар ҷамоатҳо ва шаҳраки ноҳияи Мурғоб иншооти ҷашнӣ бунёд мешаванд
Сарвари давлат Эмомалӣ Раҳмон бо фаъолони соҳаи саноати вилояти Суғд мулоқот намуданд
Пешвои миллат Эмомалӣ Раҳмон дар ноҳияи Бобоҷон Ғафуров ба сохтмони корхонаи ғанигардонии маъдани оҳани ҶСП «Комбинати металлургии тоҷик» санги асос гузоштанд
Бинои Маркази таъминоти бехатарии озуқаворӣ дар шаҳри Конибодом навсозӣ мегардад
Президенти Тоҷикистон Эмомалӣ Раҳмон дар ноҳияи Бобоҷон Ғафуров корхонаи парандапарварии ҶДММ «Саховат»-ро ифтитоҳ намуданд
Пешвои миллат Эмомалӣ Раҳмон дар деҳаи Шамсободи ноҳияи Бобоҷон Ғафуров Маркази саломатиро мавриди истифода қарор доданд
Сарвари давлат Эмомалӣ Раҳмон дар ноҳияи Бобоҷон Ғафуров бинои Муассисаи таҳсилоти томактабии «Наврӯз»-ро баъд аз навсозӣ ба истифода доданд
Пешвои миллат Эмомалӣ Раҳмон дар шаҳри Хуҷанд корхонаи муштараки истеҳсоли профилҳои пластикӣ ва алюминии ҶДММ «Афранг Пластик»-ро мавриди истифода қарор доданд
Президенти Тоҷикистон Эмомалӣ Раҳмон дар шаҳри Хуҷанд корхонаи истеҳсоли панелҳои сохтмонии ҶДММ «Тоҷпанел»-ро ифтитоҳ намуданд
Сарвари давлат Эмомалӣ Раҳмон дар шаҳри Хуҷанд Муассисаи таҳсилоти томактабии Навбаҳорро ифтитоҳ намуданд
Дар шаҳри Турсунзода Маркази саломатии деҳавии «Саркор» ба истифода дода шуд
Президенти Тоҷикистон Эмомалӣ Раҳмон дар ноҳияи Бобоҷон Ғафуров Корхонаи истеҳсоли ашёи рӯзгори ҶДММ «Ситора саноат»-ро мавриди истифода қарор доданд
