«Тавҳидбонк», аввалин бонки исломӣ дар Тоҷикистон, соҳиби иҷозатнома гардид

Сентябрь 17, 2019 15:04

ДУШАНБЕ, 17.09.2019/АМИТ «Ховар»/. Тоҷикистон дар роҳ ба сӯи бонкдории исломӣ қадамҳои нахустин мегузорад. Далели ин соҳиби иҷозатнома гардидани аввалин бонки исломӣ дар Тоҷикистон- «Тавҳидбонк»  мебошад, ки минбаъд барои анҷом додани амалиёти бонкии исломӣ бо пули миллӣ ва асъори хориҷӣ дар бозори хизматрасониҳои бонкии мамлакат фаъолияти худро ба роҳ монда, тавсеа мебахшад.

Дар ин росто, имрӯз Раиси Бонки миллии Тоҷикистон Ҷамшед Нурмаҳмадзода ба иҷрокунандаи вазифаи раиси Ҷамъияти саҳомии кушодаи «Тавҳидбонк» Шералӣ Зардов иҷозатнома барои фаъолияти бонкдории исломӣ супорид. Ҷамшед Нурмуҳаммадзода изҳор дошт, ки ба фаъолият шурӯъ кардани аввалин бонки исломӣ дар Тоҷикистон барои низоми бонкии мамлакат рӯйдоди муҳим арзёбӣ

гардида,  саҳифаи наверо дар рушди бонкдории исломӣ дар мамлакат боз намуда инчунин барои ҷалби сармояи хориҷӣ ва кушодани бонкҳои нав бо принсипи бонкдории исломӣ дар Тоҷикистон мусоидат хоҳад кард. Ҳамзамон ҷиҳати фаъолияти пурсамар барои рушди низом бо истифода аз таҷрибаи нави бонкдории исломӣ ба роҳбарияти «Тавҳидбонк» дастуру тавсияҳои мушаххас дода шуд.

Мусаллам аст, ки бо мақсади муҳайё намудани заминаи ҳуқуқӣ барои роҳандозӣ намудани бонкдории исломӣ  дар мамлакат ҳанӯз соли 2014 Парлумони мамлакат Қонуни Ҷумҳурии Тоҷикистон «Дар бораи фаъолияти бонкии исломӣ» қабул намуда буд. Қонуни мазкур асосҳои ҳуқуқӣ ва ташкилии фаъолияти бонкии исломиро дар Ҷумҳурии Тоҷикистон муайян намуда, барои пешбурди фаъолияти бонкии исломӣ шароити мусоид фароҳам месозад.

Бояд тазаккур дод, ки бо ташабусси саҳмиядорони ҶСК «Соҳибкорбонк» бинобар ба бонки исломӣ табдил додани бонк бо қарори Маҷлиси умумии саҳмиядорон аз 12 июни соли 2019  номи он ба ҶСК «Тавҳидбонк» табдил дода шуд.

Сентябрь 17, 2019 15:04

Хабарҳои дигари ин бахш

«БЕХАТАРИИ ОБӢ – АСОСИ РУШДИ УСТУВОР». Таҳти ин унвон дар Душанбе Конференсияи байналмилалии илмӣ-амалӣ доир мегардад
ҚУРБИ АСЪОР: 1 рубли русӣ аз 0.1680 то 0.1700 сомонӣ муқаррар шудааст
ҚУРБИ АСЪОР: 1 доллари ИМА аз 10.2293 то 10.0000 сомонӣ муқаррар шудааст
РОҒУН — МИНТАҚАИ САЙЁҲӢ. Дар ин бора Қарори Ҳукумати Ҷумҳурии Тоҷикистон ба тасвиб расид
Ориф Амирзода: «Маҳз бар асари гармшавии иқлим беш аз 1000 пиряхи Тоҷикистон комилан об шудаанд»
БА ИСТИҚБОЛИ ҶАШНИ 35-СОЛАГИИ ИСТИҚЛОЛИЯТИ ДАВЛАТӢ. Дар ноҳияи Рашт 5 бунгоҳи тиббӣ мавриди истифода қарор гирифт
Имконияти сайёҳии Тоҷикистон дар ЭКСПО-и сайёҳии Ҷопон муаррифӣ мегардад
Ҷаласаи навбатии Шӯро оид ба муайян намудани сатҳи камбизоатӣ ва табақаи миёнаи аҳолӣ баргузор шуд
Дар Душанбе масъалаи ҳамкорӣ бо Маркази минтақавии рушди иқтидори Хазинаи Байналмилалии Асъор баррасӣ гардид
Дар ноҳияи Мурғоб иқтидори истеҳсоли энергияи офтобӣ зиёд мешавад
Дар Душанбе Созишнома оид ба маблағгузорӣ миёни Тоҷикистон ва Ассотсиатсияи Байналмилалии Рушд ба имзо расид
Раиси Шӯрои директорони ҶДММ «Ғаюр Гурӯҳ» Акбар Асадулло: «Имрӯз вақти дар амал собит кардани ватандӯстии мо расидааст»