40 нафар ҷавонони сарбаланди ноҳияи Тоҷикобод унвони пуршарафи сарбози Ватанро соҳиб гардиданд
ТОҶИКОБОД, 04.10.2019. /АМИТ «Ховар»/. Дар майдони Парчам ва Нишони давлатии ноҳияи Тоҷикобод маъракаи гусели наваскарон ба сафи қувваҳои мусаллаҳи Ҷумҳурии Тоҷикистон баргузор гардид. Дар ин маросим 40 нафар наваскарон дар комиссариати ҳарбии ноҳия аз ташхиси тиббӣ гузашта, бо либосҳои ягонаи варзишӣ саф оростанд.
Дар ҷамъомади гусели наваскарон ба сафи Қувваҳои мусаллаҳи ҷумҳурӣ раиси ноҳияи Тоҷикобод Ҳамидулло Маҳмадшозода зикр намуд, ки бо “Фармони Сарфармондеҳи Қувваҳои мусаллаҳи Ҷумҳурии Тоҷикистон, Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон оид ба даъвати тирамоҳии ҷавонон ба сафи Қувваҳои мусаллаҳи Ҷумҳурии Тоҷикистон ҷавонони шуҷою ғаюри ноҳияи Тоҷикобод ба комиссариати ҳарбии ноҳия ихтиёран ҳозир шуда, аз омодагӣ барои адои қарзи шаҳрвандии худ дарак доданд.
Мутобиқи Конститутсияи Ҷумҳурии Тоҷикистон ҳифзи Ватан -вазифаи муқаддаси ҳар шаҳрванд мебошад. Аз ин рӯ ҳар як ҷавони ба синни даъват расида бояд бо ифтихор ва сарафрозӣ, бо иродаи қавӣ ва ҳисси баланди миллӣ ба дифои марзу буми Ватан омодагӣ гирифта, қарзи шаҳрвандии хешро дар назди Модар-Ватан иҷро намояд. Зеро хизмат ба Ватан мактаби шарафу номус, мардонагию шуҷоатмандист”.
Дар ҳамоиш собиқадорони ҷангу меҳнат ва падару модарони наваскарон ба сухан баромада, аз меҳру муҳаббат ва садоқат нисбат ба Ватан суханронӣ намуданд.
Ҳунармандони бахши фарҳанги ноҳия бо рақсу сурудҳои дилнишин хотири наваскаронро шод намуда, онҳоро ба сафи Қувваҳои мусаллаҳи Ҷумҳурии Тоҷикистон гусел намуданд.
Дар Душанбе доир ба саҳми шоистаи Абуалӣ ибни Сино дар илми тиб конференсия баргузор гардид
Муовини Сарвазири Тоҷикистон бо ҷараёни сохтмони иншооти соҳаи маорифу тандурустӣ дар шаҳри Ҳисор шинос шуд
Дар вилояти Суғд бахшида ба Рӯзи кормандони соҳаи тиб ҳамоиш доир гардид
Дар Хуҷанд даври шаҳрии Озмуни ҷумҳуриявии «Беҳтарин хизматчии давлатӣ аз ҳисоби занон» доир шуд
ИСТИҚЛОЛ ВА ФАРДОИ ДУРАХШОНИ ВАТАН. Доир ба он ҳамоиши ҷумҳуриявӣ баргузор шуд
12 АВГУСТ — РӮЗИ БАЙНАЛМИЛАЛИИ ҶАВОНОН. Беш аз 1700 нафар ҷавонони Тоҷикистон дар вазифаҳои роҳбарӣ фаъолият доранд
ПУРСИДЕД, ҶАВОБ МЕДИҲЕМ. Дар кадом ҳолатҳо муҳоҷирон ба рӯйхати шахсони назоратшаванда ворид мешаванд?
Ҳамкории Маркази тадқиқоти стратегии Тоҷикистон бо Раёсати нашр ва паҳнкунии адабиёт бо забонҳои хориҷии Чин густариш меёбад
Таъсиси маркази касбомӯзӣ ва омӯзиши забонҳои арабӣ ва англисӣ барои муҳоҷирони меҳнатӣ баррасӣ шуд
Истифодаи барномаи «Амина» барои шаҳрвандони хориҷие, ки ба Русия бе раводид ворид мешаванд, ҳатмӣ мегардад
ТАВСИЯҲОИ МУФИД. Доир ба тарзи нави захира кардани меваҷоту сабзавот барои фасли зимистон
«ЭЪЛОМИЯИ ҲУҚУҚИ БАШАР». Таҳти чунин унвон ҳамоиши ҷумҳуриявӣ доир гардид
