Ҳайати Кумитаи рушди маҳал аз чандин иншооте, ки бахшида ба 30-солагии Истиқлолияти давлатӣ дар ноҳияи Шуғнон бунёд меёбанд, дидан намуд

Октябрь 15, 2019 16:10

ДУШАНБЕ, 15.10.2019 /АМИТ «Ховар»/. Тавре қаблан хабар додем, Раиси Кумитаи рушди маҳали назди Президенти Ҷумҳурии Тоҷикистон Қосим Роҳбар бо ҳайати ҳамроҳонаш барои иштирок дар  ҷаласаи сайёри ин кумита ба ноҳияи Шуғнони Вилояти Мухтори Кӯҳистони Бадахшон сафар намуд.

Дар  чаҳорчӯбаи сафар ҳайати Кумитаи рушди маҳал  аз чандин иншооте, ки бахшида ба ҷашни миллӣ-30-солагии Истиқлолияти давлатии Ҷумҳурии Тоҷикистон давоми солҳои 2018-2019 дар ин ноҳия бино ёфта истодаанд, дидан намуд.

Аз ҷумла, аъзои ҳайат бо ҷараёни корҳои сохтмонӣ дар мактаби таҳсилоти миёнаи умумии №17-и деҳаи Сипинз, ки  аз ҷониби Донишгоҳи Осиёи Марказӣ маблағгузорӣ гардида, сохтмони онро ҶДММ «Бозиқалъа» бо сифати баланд анҷом дода истодааст, шинос гардиданд.

Аъзои ҳайати Кумитаи рушди маҳал ҳамчунин ба «Маркази инкишофи барвақтии кӯдак», ки дар деҳаи Манеми Ҷамоати деҳоти Сучон воқеъ аст, рафта, бо кормандони он суҳбат намуданд. Ҳамзамон аз терминали мусофиркашонии деҳаи Бидурди Ҷамоати деҳоти Сучон, муассисаи таҳсилоти миёнаи умумии№28, ки дар он ҷо сохтмони толори варзишӣ идома дорад  ва чандин иншооти дигар дидан намуданд.

Сипас Раиси Кумитаи рушди маҳал Қосим Роҳбар аз натиҷаи корҳои ободонию  созандагӣ дар ноҳия изҳори қаноатмандӣ намуда, барои пешрафти минбаъдаи корҳо маслиҳатҳои муфид дод.

Дар ҷамъбаст дар ноҳияи Шуғнон дар мавзӯи «Ташаккули худидоракунии маҳаллӣ ҷиҳати таъмини рушди иҷтимоию иқтисодии шаҳраку деҳот» бо иштироки воҳидҳои сохтории мақомоти иҷроияи ҳокимияти давлатии ноҳия,  раисони ҷамоатҳои деҳоти ноҳия ва раисони маҳаллаҳо машварати омӯзишӣ баргузор гардид.

Дар машварати омӯзишӣ масъалаҳои «Роҳнамо барои таъсисдиҳӣ ва рушди мақомоти худфаъолияти ҷамъиятӣ», «Дар бораи мақомоти худидоракунии шаҳрак ва деҳот» ва «Роҳҳои амалигардонии нақшаи чорабиниҳо бахшида ба Солҳои рушди деҳот, сайёҳӣ ва ҳунарҳои мардумӣ» мавриди таҳлилу баррасӣ  қарор гирифтанд.

Октябрь 15, 2019 16:10

Хабарҳои дигари ин бахш

Дар ноҳияи Ҷалолиддини Балхӣ вобаста ба содироти маҳсулоти кишоварзӣ ҷаласа доир шуд
Дар Душанбе рушди ҳамкории мутақобилан судманди Тоҷикистон ва Дафтари Швейтсария оид ба ҳамкории иқтисодӣ баррасӣ гардид
НАМОИШГОҲИ «ИННОПРОМ.Осиёи Марказӣ». Дар он маҳсулот ва хизматрасонии 28 корхонаи Тоҷикистон ба намоиш гузошта шудааст
Дар шаҳри Бохтар ярмарка-фурӯши маҳсулоти мавриди ниёзи аввал бо нархҳои нисбатан арзон фаъолият дорад
Дар Тоҷикистон дар зиёда аз 152 ҳазор гектар зироати баҳорӣ кишт шудааст
ПАНҶСОЛАИ РУШДИ САНОАТ. Дар ноҳияи Бобоҷон Ғафуров бунёди 20 корхонаи саноатӣ ба нақша гирифта шудааст
МАСЛИҲАТИ МУТАХАССИС. Барои рӯёнидани ҳосили хуби пахта интихоби дурусти навъи чигит аз шартҳои асосӣ мебошад
Муовини Сарвазири Тоҷикистон бо вазъи соҳаи кишоварзии ноҳияҳои Носири Хисрав, Қубодиён ва Шаҳритус шинос шуд
«Амонатбонк» ба буҷети давлатӣ 17 миллион сомонӣ андозу пардохтҳои ҳатмӣ супорид
САЙЁҲИИ МОҲИДОРӢ-САМТИ АФЗАЛИЯТНОК. Дар Тоҷикистон туризми шикори моҳӣ тавассути хатсайрҳо ба роҳ монда мешавад
Дар Намоишгоҳи байналмилалии «ИНОПРОМ» дар Тошканд Тоҷикистонро 28 корхонаи саноатӣ намояндагӣ менамоянд
Раиси вилояти Хатлон аз коргоҳҳои саноатии ноҳияи Восеъ боздид намуд