Бонкҳои Тоҷикистон ба соҳаҳои сайёҳӣ ва ҳунарҳои мардумӣ беш аз 35 миллион сомонӣ қарз додаанд

Октябрь 23, 2019 09:41

ДУШАНБЕ, 23.10.2019 /АМИТ «Ховар»/. Бонкҳои Тоҷикистон ба соҳаҳои сайёҳӣ ва ҳунарҳои мардумӣ дар зарфи нуҳ моҳи соли  равон беш аз 35 миллион сомонӣ қарз додаанд. Дар ин хусус Бонки миллии Тоҷикистон иттилоъ медиҳад.

Гуфта мешавад, ки аз ин омор 8,1 миллион сомонӣ ба соҳаи сайёҳӣ ва 27,2 миллион сомонӣ ба рушди ҳунарҳои мардумӣ рост меояд.

Ин дар ҳолест, ки  Асосгузори сулҳу ваҳдати миллӣ, Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон солҳои 2019-2021-ро Солҳои рушди деҳот, сайёҳӣ ва ҳунарҳои мардумӣ эълон намудаанд, ки ҳадафаш рушди деҳот, сайёҳӣ ва эҳёи ҳунарҳои мардумӣ дар малакат мебошад.

Бо назардошти  рушди сайёҳӣ дар мамлакат мақомоти салоҳиятдор –Кумитаи рушди сайёҳии назди Ҳукумати Ҷумҳурии Тоҷикистон таъсис дода шуда, алҳол дар бозори хизматрасониҳои сайёҳии Тоҷикистон беш аз 170 ширкати сайёҳӣ фаъол мебошанд. Инчунин «Стратегияи  рушди сайёҳӣ  дар Ҷумҳурии Тоҷикистон  барои давраи  то соли 2030»  ва Қонуни Ҷумҳурии Тоҷикистон «Дар бораи ҳунармандӣ»  аз ҷониби Парлумони мамлакат қабул гардиданд, ки  заминаи устувор ва кафолатдиҳандаи  рушди ҳунармандӣ  буда, имкон медиҳад, ки  тадбирҳо ва  барномаҳои нави соҳавӣ барои рушди ҳунармандӣ дар ҷумҳурӣ  роҳандозӣ гарданд.

Ҳамзамон бо мақсади рушду тавсеаи бахши сайёҳӣ аз ҷониби Бонки давлатии  амонатгузории «Амонатбонк» бо мақсади дастрасии ҳамаҷонибаи мизоҷону сайёҳон ба хизматрасониҳои бонкӣ 150 адад ё 27 фоизи марказҳои хизматрасонии бонкӣ ба шафати роҳҳои байналмилалӣ, дохили маркази савдову бозорҳо ва чорроҳаҳо кӯчонида шудаанд.

Ҳамзамон фаъолияти 11 адад хазинаҳои шабонарӯзӣ дар шаҳрҳои Душанбе, Ҳисор, Исфара, Хуҷанд, Бохтар, Кӯлоб ва Хоруғ, ки 24 соат ба аҳолӣ ва сайёҳон хизматрасониҳои гуногуни бонкӣ пешниҳод менамоянд, тақвият дода шуд.

Октябрь 23, 2019 09:41

Хабарҳои дигари ин бахш

Ҳамкорӣ дар раванди таҳияи «Барномаи нави кишварӣ барои солҳои 2026-2030» баррасӣ карда шуд
Исломиддин Раҳмон дар ҳамоиши Кумитаи байналмилалии вазну ченак дар Тошканд иштирок намуд
Дар Душанбе ҷаласаи 81-уми Шурои роҳбарони хадамоти гумруки кишварҳои аъзои ИДМ доир гардид
Дар кишварҳои аъзои Иттиҳоди Давлатҳои Мустақил барӯйхатгирии аҳолӣ гузаронида мешавад
Парки саноатии муштараки Тоҷикистону Русия таъсис дода мешавад
Таҳкими ҳамкории «Амонатбонк» бо Бонки давлатии рушди Чин дар Сиан баррасӣ гардид
Ҳайати Тоҷикистон дар муҳокимаи масъалаҳои муҳими иқтисодию молиявӣ дар доираи ИДМ иштирок намуд
ҚУРБИ АСЪОР: 1 доллари ИМА аз 9.4037 то 9.4500 сомонӣ муқаррар шудааст
Ҷаласаи 21-уми Шурои ҳамоҳангсози байнидавлатии роҳбарони мақомоти назорати суғуртавии ИДМ доир шуд
Озмуни «Маҳсулот ва хизматрасонии беҳтарин дар Ҷумҳурии Тоҷикистон» ҷамъбаст мегардад
Таҳкими ҳамкории гумрукӣ дар ҷаласаи коршиносони Шурои роҳбарони хадамоти гумруки ИДМ баррасӣ гардид
Намояндаи Тоҷикистон дар Форуми иқтисодии Авруосиё 2025 иштирок намуд