Дар шаҳру ноҳияҳои Хатлон корҳои безараргардонӣ бар зидди малах идома доранд
ДУШАНБЕ, 07.04.2026 /АМИТ «Ховар»/. Дар баъзе шаҳру ноҳияҳои вилояти Хатлон пайдоиши малахи марокашӣ ба мушоҳида мерасад. Барои нобуд кардани ин ҳашароти зараррасон чораҳои зарурӣ гузаронида мешаванд.
Тавре аз хадамоти матбуоти Раиси вилояти Хатлон ба АМИТ «Ховар» иттилоъ доданд, дар мавзеи Аспреси ноҳияи Панҷ аз 4 апрел пайдоиши малахи марокашӣ ба қайд гирифта шудааст. Барои нобуд намудани ин ҳашароти зараррасон чораҳои зарурӣ гузаронида шуда, бо ҷалби сокинони маҳаллӣ ва фаъолон техника ва таҷҳизоти махсус сафарбар карда шудаанд.
Иттилоъ дода шуд, ки то имрӯз экспедитсияи мубориза бар зидди малахи ноҳияи Панҷ барои гузаронидани корҳои безараргардонӣ 240 литр заҳрхимикат дастрас намуда, коркардҳои ҳаррӯза ба роҳ монда шудаанд.
Ба хотири пешгирӣ аз хуруҷи малахи марокашӣ дар вилояти Хатлон ва омодагии доимии техникаҳо Ситоди мубориза бар зидди малах таъсис дода шудааст. То имрӯз аз ҷониби Мақомоти иҷроияи ҳокимияти давлатии вилояти Хатлон барои пешгирии паҳншавии малах заҳрхимикатҳо, сӯзишворӣ ва дигар воситаҳои зарурӣ дастрас гардидаанд.
Мутахассисони соҳавӣ таъкид мекунанд, ки паҳншавии галавии малах метавонад боиси зарари ҷиддӣ ба чарогоҳҳо ва зироати кишоварзӣ гардад. Намудҳои галаҳои малах одатан қобилияти зуд ҳаракат кардан дошта, дар муддати кӯтоҳ масофаи зиёдеро тай мекунанд. Агар тадбирҳои саривақтӣ андешида нашаванд, онҳо метавонанд чарогоҳҳо ва зироати кишоварзиро пурра нобуд созанд.
АКС: Хадамоти матбуоти Раиси вилояти Хатлон
«Барномаи рушди иҷтимоию иқтисодии вилояти Хатлон барои солҳои 2026–2030» 31,2 фоиз иҷро гардид
Дар Тоҷикистон 7136 ҳолати вайронкунии қонунгузории замин бартараф карда шуд
Ҳамкории БАТР бо Тоҷикистон дар соҳаи энергетика тақвият меёбад
Дар Нозироти андози шаҳри Ваҳдат 804 субъекти хоҷагидори амалкунанда сабти ном шудааст
Дар Душанбе Фестивали занбӯрпарварон, намоиш ва фурӯши асал баргузор шуд
Дар Тоҷикистон беш аз 800 ҳазор тонна картошка ҷамъоварӣ гардидааст
Дар шаҳри Норак Фестивал-намоишгоҳи байналмилалии «Ганҷинаи хатлон» баргузор гардид
Мутахассисони Тоҷикистон дар Чин бо навовариҳои соҳаи пахтакорӣ шинос шуданд
Натиҷаҳои рушди иқтисодии Тоҷикистон дар Таиланд муаррифӣ гардиданд
Дар Тоҷикистон ҷаласаи 46-уми Шурои ҳамоҳангсозии электроэнергетикии Осиёи Марказӣ доир шуд
Шаҳри Панҷакентро дар нуҳ моҳ беш аз 40 ҳазор сайёҳон тамошо намудаанд
Дар Агентии инноватсия ва технологияҳои рақамӣ масъалаҳои зеҳни сунъӣ ва амнияти рақамӣ баррасӣ шуданд
