Чемпионати ҷаҳон-2022: санаи бозиҳои Тоҷикистон бо дастаҳои мунтахаби Мянма ва Қирғизистон маълум гардид

Октябрь 31, 2019 13:40

ДУШАНБЕ, 31.10.2019. /АМИТ «Ховар»/. Дастаи мунтахаби футболи Тоҷикистон дар доираи омодагӣ ба марҳилаи интихобии Чемпионати ҷаҳон-2022 нақша дорад, ки бо дастаи миллии Малайзия бозии дӯстона баргузор намояд. Дар ин бора шореҳи варзиши АМИТ «Ховар» Меҳрони Қурбон бо истинод ба Федератсияи  футболи Тоҷикистон иттилоъ  медиҳад.  

Тибқи иттилои манбаъ, вохӯрии мазкур 9  ноябр, соати 20:45 бо вақти Малайзия ва соати 17:45 бо вақти Душанбе дар Варзишгоҳи марказии Букит Ҷалили шаҳри Куала-Лумпур доир мешавад. Баъди анҷом додани дидори рафиқона дастаи мунтахаби Тоҷикистон ба шаҳри Янгони Мянма сафар мекунад. 14 ноябр дастаи мунтахаби Тоҷикистон дар доираи рақобатҳои даври 5-уми марҳилаи интихобии Чемпионати ҷаҳон-2022 ба муқобили дастаи мунтахаби  Мянма қувва месанҷад.   Баъдан шогирдони Усмон Тошев аз шаҳри Янгони ба шаҳри Бишкек барои анҷом додани бозии навбатии марҳилаи интихобии Ҷоми ҷаҳон-2022 ба муқобили дастаи мунтахаби Қирғизистон сафар мекунанд. Ин вохӯрӣ 19  ноябр, соати 19:00 бо вақти Душанбе дар назар аст.

Ёдовар мешавем, ки 15 октябр  дар Варзишгоҳи марказии шаҳри Душанбе бозии даври 4-уми марҳилаи дуюми интихобии Чемпионати ҷаҳон – 2022 дар гурӯҳи «F» байни дастаҳои мунтахаби футболи Тоҷикистон ва Япония бо ҳузури 19100 сад нафар мухлисон ва дӯстдорони футболи тоҷик дар сатҳи баланду хотирмон  баргузор гардида, бо ҳисоби 0:3 ба фоидаи меҳмонон ба анҷом расид.

Дар ин дидори ҷолиб дар ҳайати дастаи мунтахаби  Япония ду голро ҳамлагар Такуми Минамино дар дақиқаҳои  (53,56) ва як голи дигарро ба дарвозаи дастаи мунтахаби Тоҷикистон Асано Такума дар дақиқаи 82 вохӯрӣ ворид намуданд. Дар бозии дигари даври мазкур дастаи мунтахаби  Қирғизистон  дастаи мунтахаби футболи   Муғулистонро бо ҳисоби 2:1 мағлуб намуд. Ҳамин тавр, пас аз даври чаҳоруми марҳилаи интихобии Чемпионати ҷаҳон-2022 дар гурӯҳи «F» дастаи мунтахаби  Тоҷикистон  бо 6 имтиёз ҷои сеюмро ишғол мекунад.

Қаблан дастаи мунтахаби Тоҷикистон  дар марҳилаи интихобии Чемпионати ҷаҳон-2022 дар гурӯҳи «F» дастаҳои мунтахаби  Қирғизистон ва Муғулистонро бо ҳисоби якхелаи 1:0 мағлуб намуда буд. Дастаи мунтахаби футболи  Тоҷикистон 14 ноябр дар даври навбатӣ бо дастаи  мунтахаби Мянма рақобат мекунад.

Тақвими бозиҳои боқимонда:

Даври 3-юм

10 октябр (панҷшанбе)

Япония 6:0 Муғулистон

Қирғизистон 7:0  Мянмар

Даври 4-ум

15 октябр (сешанбе)

Тоҷикистон 0:3 Япония

Муғулистон 1:2 Қирғизистон

Даври 5-ум

14 ноябр (панҷшанбе)

Мянмар – Тоҷикистон

Қирғизистон – Япония

Даври 6-ум

19 ноябр (сешанбе)

Қирғизистон – Тоҷикистон

Мянмар – Муғулистон

Даври 7-ум

26 марти соли 2020 (панҷшанбе)

Тоҷикистон – Муғулистон

Япония – Мянмар

Даври 8-ум

31 марти соли 2020 (сешанбе)

Муғулистон – Япония

Мянмар – Қирғизистон

Даври 9-ум

4 июни соли 2020 (панҷшанбе)

Япония – Тоҷикистон

Қирғизистон – Муғулистон

Даври 10-ум

9 июни соли 2020 (сешанбе)

Тоҷикистон – Мянмар

Япония – Қирғизистон

Марҳилаи интихобӣ, ки 5 сентябри имсол шурӯъ шуд, 9  июни соли 2020 ба поён мерасад. 8 ғолиби гурӯҳ ва 4 дастаи нишондодҳояш хубтари ҷойҳои дуюм ба марҳилаи сеюми интихобии Чемпионати  ҷаҳон-2022 роҳ пайдо намуда, соҳиби роҳхатҳо ба Ҷоми Осиё-2023 мешаванд.

Октябрь 31, 2019 13:40

Хабарҳои дигари ин бахш

ҶОМИ ОСИЁ-2024. Имрӯз дастаи мунтахаби Тоҷикистон оид ба футзал бо дастаи Кореяи Ҷанубӣ бозӣ менамояд
Дар ноҳияи Ёвони вилояти Хатлон мусобиқаи гӯштини миллӣ баргузор мегардад
Саидҷамол Алимардонов сазовори Шоҳҷоизаи Мусобиқаи гӯштини миллӣ дар ноҳияи Темурмалик гардид
ҶОМИ ОСИЁ-2024. Дастаи олимпии Тоҷикистон (U-23) нахустин бозиашро анҷом дод
Кормандони Кумитаи кор бо ҷавонон ва варзиши Тоҷикистон ҷашни байналмилалии Наврӯзро бо шаҳомати хосса таҷлил намуданд
Тоҷикистонро дар Чемпионати инфиродии Осиё – 2024 9 паҳлавон муаррифӣ менамоянд
ҶОМИ ОСИЁ-2024. Имрӯз дастаи мунтахаби олимпии Тоҷикистон (U-23) бо дастаи Арабистони Саудӣ бозӣ менамояд
Байни Кумитаи миллии олимпии Тоҷикистон ва ширкати «361»-и Чин созишнома ба имзо расид
Дастаи мунтахаби Тоҷикистон оид ба футзал дар бозии санҷишӣ тими миллии Чинро бо ҳисоби калон мағлуб намуд
ҶУДО. Чемпионати ҷаҳон-2024 дар Абузабӣ баргузор мешавад
ҶОМИ ОСИЁ-2024. Дастаи мунтахаби олимпии Тоҷикистон (U-23) оид ба футбол бо дастаҳои Арабистони Саудӣ, Ироқ ва Тайиланд бозӣ менамояд
Дар Душанбе мусобиқаи байналмилалии Гран – Слам оид ба гӯштини ҷудо баргузор мегардад