Қиссаҳои таърихии Шераки Ориён таҳти унвони «Писарак Варғуман ва духтарак Уғдғунчаи ҳунарпанҷа» ба нашр расиданд

Октябрь 2, 2019 15:10

ДУШАНБЕ, 02.10.2019/АМИТ «Ховар»/. «Писарак  Варғуман  ва духтарак Уғдғунчаи ҳунарпанҷа»-таҳти чунин унвон матбааи «Ашӯриён» аз силсилакитобҳои «Саразм ва баъди Саразм» асари   нависандаю пажӯҳишгар  Шераки Ориён (Абдурофеъ Рабизода)-ро  ба табъ расонд.

Китоби мазкур  се қисса – «Ориёндухте, ки  барояш ҳафт шаҳристон сохта шуд», «Деваштич ва пайравони вай» ва «Писарак  Варғуман  ва духтарак Уғдғунчаи ҳунарпанҷа»-ро дар бар мегирад. Дар он инчунин дар бораи Саразм ва  идомаи ин шаҳристони  оҳангудозон қиссаҳо оварда шудаанд.  Китоби нависанда  доир ба ориёдухтари  номвар Аппама  ва роҷеъ ба диловарони миллат  Деваштичу Анаҳита ва дигар забардастону  ҳунармандони суғдзамин, хосса Саразми бостон ҳикоят мекунад.

Шераки  Ориён муаллифи 88 китоб буда, нигоштаҳои ӯ  ба чил забони халқҳои дунё-  англисӣ, франсузӣ,  японӣ, чинӣ, ҳиндӣ, урду, полякӣ, қазоқӣ,  беларусӣ, ӯзбекӣ, чехиву немисӣ,  арманию гурҷӣ,  испаниву арабӣ  ва ғайра тарҷума ва нашр гардидаанд.

Ҳамчунин нависанда муаллифи   43 филми бадеӣ, фалсафӣ ва  ҳунарӣ мебошад. Филмҳои «Дӯстонро намефурӯшанд», «Марди мутааллиқи ду зан», «Вақте болои шаҳр борон мерехт», «Афсонаи зиндагӣ» ва ғайра дар кишварҳои гуногуни дунё муаррифӣ гардида, эҷодиёти нависанда бо ҳафт ҷоизаи байналмилалӣ мушарраф гардидааст.

Бояд тазаккур дод, ки  муаллифи китоб Шераки Ориён  дар ҳафриёти   археологии Саразму  шаҳристонҳои он, хосатан Панҷакенти қадим борҳо иштирок  намуда,  аз рӯи омӯзиш ва натиҷаҳои    бардоштааш 13 асар,  6 филми мустанад эҷод  ва таҳия намудааст, ки  филмҳои маъруфи  «Пампеи Машриқзамин» ва «Эътиқод»  аз ҳамин қабиланд. Инчунин нигоштаҳои нависанда ба китобҳои дарсии мактабҳои  олии Тоҷикистон, Россия  ва кишварҳои аврупоӣ ворид гардидаанд, ки «Этика ва эстетикаи ҳаёти оилавӣ», «Анатомияи  садоқату муҳаббати инсонӣ» ва «Эҷод чист ва эҷодгар кист?» аз ҳамин қабиланд.

 

Октябрь 2, 2019 15:10

Хабарҳои дигари ин бахш

Пешниҳод: «Чойхонаи миллии тоҷикӣ бояд ба феҳристи объектҳои мадании ЮНЕСКО ворид карда шавад»
Дар ноҳияи Шуғнон 6 нафар ба даври вилоятии Озмуни «Тоҷикон»-оинаи таърихи миллат» роҳхат гирифтанд
Моҳи июн Фестивали ҷумҳуриявии атласу адрас ва намоишу фурӯши он баргузор мегардад
Филми ҳунарии «Дов» дар ҷашнвораи байналмилалии Чебоксарияи Русия соҳиби ду ҷоиза гардид
ПЕШВОИ МИЛЛАТ ВА ҲУНАРҲОИ МАРДУМӢ. Ва ё тоҷикон бо ҳунари волои хеш ҷаҳонро тасхир мекунанд
«ШАБЕ ДАР ОСОРХОНА-2023». Аз он беш аз 15 ҳазор тамошобин боздид намуд
«РАССОМИ БЕҲТАРИН». Озмуни ҷумҳуриявии донишҷӯёни муассисаҳои таҳсилоти миёнаи касбӣ баргузор гардид
БО «ХОВАР» ВА БОХАБАР! Имрӯз аз таъсиси Радиои «Ховар» 12 сол сипарӣ гардид
АРМУҒОНИ ПРЕЗИДЕНТИ ҶУМҲУРИИ ТОҶИКИСТОН. Китобҳои нависанда, рӯзноманигор ва коргардони тоҷик Сайф Раҳимзоди Афардӣ бознашр гардид
Бахшида ба 30-солагии барқароршавии муносибатҳои дипломатӣ байни Тоҷикистон ва Қазоқистон консерти тантанавӣ доир гардид
Дар Осорхонаи миллии Тоҷикистон бахшида ба 100-солагии пешвои миллии Озарбойҷон Ҳайдар Алиев намоиши аксҳо ташкил шуд
Моҳи июн Фестивали ҷумҳуриявии атласу адрас ва намоишу фурӯши он баргузор мегардад