Мунтахаби Тоҷикистон оид ба футзал ба чемпионати Осиё-2020 роҳхат гирифт

ДУШАНБЕ, 24.10.2019 /АМИТ «Ховар»/. Дастаи мунтахаби Тоҷикистон оид ба футзал баъд аз ғалабаи навбатӣ дар марҳилаи интихобии чемпионати Осиё-2020 пеш аз муҳлат ба даври ниҳоӣ роҳхат гирифт. Дар ин бора АМИТ «Ховар» бо истинод ба Федератсияи футболи Тоҷикистон хабар медиҳад.

Дар бозии даври дуюми марҳилаи интихобӣ дар минтақаи якҷояи Марказӣ ва Ҷанубӣ шогирдони сармураббии мунтахаби Тоҷикистон оид ба футзал Деян Дедович бар дастаи Афғонистон бо ҳисоби 5:2 пирӯз шуда, ба марҳилаи ниҳоӣ, ки соли оянда дар Туркманистон баргузор мегардад, роҳ ёфтанд.

Марҳилаи интихобии чемпионати Осиё-2020 оид ба футзал

Минтақаи якҷояи Марказӣ ва Ҷанубӣ

Гурӯҳи А

Даври 1-ум

ТОҶИКИСТОН – Непал 6:0

Даври 2-ум

Афғонистон – ТОҶИКИСТОН 2:5

Дар АКС: Дастаи мунтахаби Тоҷикистон оид ба футзал/ АКС ФФТ