Ҷоми Пешвои миллат оид ба шоҳмот: баъд аз 4 давр дастаи вилояти Суғд пешсаф аст

Октябрь 4, 2019 15:32

ДУШАНБЕ, 04.10.2019 /АМИТ «Ховар»/. Тавре қаблан хабар дода будем,  имрӯзҳо дар маҷмааи варзишии «Борбад»-и шаҳри Душанбе марҳилаи ниҳоии Мусобиқаи ҷумҳуриявӣ оид ба шоҳмот барои дарёфти Ҷоми Пешвои миллат дар сатҳи баланд  идома дорад. Дар ин бора котиби генералии Федератсияи шоҳмоти Тоҷикистон Илҳом Юнусов ба шореҳи варзиши АМИТ «Ховар» Меҳрони Қурбон  хабар дод.

Тибқи иттилои манбаъ, дар мусобиқаи мазкур 8 даста – дудастаӣ аз Душанбе, Хатлон, шаҳру навоҳии тобеи марказ ва якдастаӣ аз Суғду Бадахшон ширкат доранд. Иштирокчиёни ин мусобиқаи варзишӣ дар 7 давр бозӣ мекунанд. Пас аз натиҷагирии 4 даври мусобиқа дастаи вилояти Суғд бо 21 хол пешсаф аст. Душанбе-1 бо 19,5 хол дар ҷои дуюм, ВМКБ бо 17,5 хол дар мақоми сеюм мавқеъ доранд.

Ёдовар мешавем, ки маблағи умумии ҷоизаи Ҷоми Пешвои миллат оид ба шоҳмот 100 (сад) ҳазор сомониро ташкил медиҳад, ки аз ҷониби Кумитаи миллии олимпии Тоҷикистон пардохт мешавад. Барои ҷойи якуми даставӣ 30000 сомонӣ, ҷойи дуюми даставӣ 25000 сомонӣ, ҷойи сеюми даставӣ 20000 сомонӣ ва барои намудҳои инфиродӣ аз рӯи се синн 25000 сомонӣ пешбинӣ шудааст.

Мусобиқаи ҷумҳуриявӣ оид ба шоҳмот барои дарёфти Ҷоми Пешвои миллат-2019
Марҳилаи ниҳоӣ

Даври 1-ум
Суғд – Ҳисор – 6:0
Душанбе-1 – Рашт – 6:0
Душанбе-2 – Хатлон – 4,5:1,5
ВМКБ – Хатлон-2 – 5:1

Даври  2-ум
Суғд – Душанбе-1 – 3:3
ВМКБ – Ҳисор – 5:1
Хатлон-1 – Рашт – 5:1
Душанбе-2 – Хатлон-2 – 5:1

Даври  3-ум
Суғд – Хатлон-1 – 6:0
Душанбе-1 – Ҳисор – 6:0
Хатлон-2 – Рашт – 5,5:0,5
Душанбе-2 – ВМКБ – 4,5:1,5

Даври  4-ум
Суғд – Хатлон-2 – 6:0
Душанбе-1 – Хатлон-1 – 4,5:1,5
ВМКБ – Рашт – 6:0
Ҳисор – Душанбе-2 – 4:2

Октябрь 4, 2019 15:32

Хабарҳои дигари ин бахш

ШОҲҶОИЗА- ЭЛЕКТРОМОБИЛ. Дар Вилояти Мухтори Кӯҳистони Бадахшон мусобиқаҳои варзишӣ ҷамъбаст шуданд
ҶОМИ ҶАҲОН-2026. Бозии дастаҳои мунтахаби Тоҷикистон ва Арабистони Саудӣ мусовӣ анҷом ёфт
ҶОМИ ҶАҲОН-2026. Имрӯз дастаи мунтахаби Тоҷикистон дар Душанбе дар марҳилаи интихобӣ бо тими Арабистони Саудӣ бозӣ менамояд
ФУТБОЛ. Имрӯз бозии дуюми дӯстонаи дастаи олимпии Тоҷикистон (U-23) бо тими Ветнам баргузор мегардад
ҶОМИ ҶАҲОН-2026. Дастаи мунтахаби Тоҷикистон дар марҳилаи интихобӣ аз тими Арабистони Саудӣ мағлуб шуд
ҶОМИ ҶАҲОН-2026. Дастаи мунтахаби Тоҷикистон ба муқобили дастаи Арабистони Саудӣ бо либосҳои сурх бозӣ менамояд
26 март дар вилояти Суғд мусобиқаҳои миллии пойга ва бузкашӣ доир мешаванд
Гела Шекиладзе: «Моро бо дастаи Арабистони Саудӣ бозии душвор интизор аст»
ҶОМИ ҶАҲОН-2026. Имрӯз дастаи мунтахаби Тоҷикистон дар марҳилаи интихобӣ бо тими Арабистони Саудӣ бозӣ менамояд
ҶОМИ ҶАҲОН-2026. Дастаи мунтахаби Тоҷикистон оид ба футбол дар шаҳри Риёз нахустин тамринҳоро анҷом дод
ФУТБОЛ. Имрӯз дастаи олимпии Тоҷикистон (U-23) дар Душанбе бо дастаи мунтахаби Ветнам бозӣ менамояд
Тоҷикистонро дар мусобиқаи «Antalya Grand Slam-2024» оид ба ҷудо 11 варзишгар муаррифӣ менамоянд