Мутахассисони Донишгоҳи миллии таҳқиқотии Самара ба номи академик С.Королёв ба Тоҷикистон меоянд
ДУШАНБЕ, 19.11.2019 /АМИТ «Ховар»/. 23 ноябр ҳайати Донишгоҳи миллии таҳқиқотии Самара ба номи академик С.Королёв барои гузаронидани гуфтушунидҳои корӣ ба Пажӯҳишгоҳи физика ва техникаи ба номи С. Умарови Академияи илмҳои Ҷумҳурии Тоҷикистон меояд. Дар ин бора ба АМИТ «Ховар» аз ин муассисаи илмии Тоҷикистон хабар доданд.
Тибқи иттилои манбаъ, ҳангоми вохӯрии ҳайатҳо иқтидори илмию техникии Пажӯҳишгоҳи физикаю техникаи ба номи С. Умарови Академияи илмҳои Ҷумҳурии Тоҷикистон муаррифӣ карда мешавад. Ҳамзамон масъалаҳои амалии ташкили нақшаи мушаххаси кори муштарак ва татбиқи марҳилавии он баррасӣ мегарданд.
«Дар соҳаи илми муосир яке аз масъалаҳои мубрам- ин татбиқи самарабахши натиҷаҳои илмӣ дар амалия ва истеҳсолот мебошад. Бо ин мақсад Пажӯҳишгоҳи физика ва техникаи ба номи С. Умарови Академияи илмҳои Ҷумҳурии Тоҷикистон пайваста ҳамкориро бо ҳамкасбони хориҷӣ тавсеа медиҳад», — иттилоъ доданд аз Пажӯҳишгоҳ.
Мавриди зикр аст, ки қаблан, 14-20 сентябри соли 2019 роҳбари озмоишгоҳи электроникаи квантии Пажӯҳишгоҳи физика ва техника А.Тоиров аз Донишгоҳи миллии таҳқиқотии Самара ба номи академик С.Королёв (Донишгоҳи Самара) -и Россия дидан намуд. Баъди боздиди моҳи октябри соли равон байни Пажӯҳишгоҳи физика ва техникаи ба номи С. Умарови Академияи илмҳои ҶТ ва донишгоҳи номбурда Созишномаи ҳамкорӣ ба имзо расид. Мояи хушнудист, ки чунин ҳамкорӣ доираи васеи мавзӯъҳоро фаро гирифта, аз ҷумла дар соҳаи тарроҳӣ ва технологияи ҳавопаймо, физикаи рентгении кайҳонӣ, физикаи атмосфера ва ғайра муваффақиятҳоро пешбинӣ менамояд.
Соли 2022 беш аз 138 ҳазор нафар сайёҳон аз мавзеъҳои таърихию фарҳангии вилояти Суғд дидан карданд
АРҶ МЕГУЗОРЕМ. Дар Бохтар Осорхонаи Ҳунарпешаи халқии Тоҷикистон Аловуддин Абдуллозода таъсис меёбад
«КУРУШИ КАБИР»-ЛОИҲАИ НАВИ БАЛЕТ. Ба наздикӣ он дар Душанбе рӯнамоӣ мегардад
Тоҷикистон ҳуҷҷатҳои дахлдорро барои ба номинаи объектҳои мадании ЮНЕСКО ворид шудани Мамнуъгоҳи «Бешаи палангон» пешниҳод намуд
Дар Тоҷикистон Озмоишгоҳи таҳқиқотӣ-сотсиологии фарҳанг ва воситаҳои ахбори омма ифтитоҳ ёфт
Пагоҳ Вазорати нақлиёт, Агентии авиатсияи гражданӣ, Хадамоти назорати давлатии бехатарии корҳо дар саноат ва соҳаи кӯҳкорӣ ва Саридораи геология нишасти матбуотӣ баргузор менамоянд
Вазорати фарҳанг: «Аз ҳисоби Фонди захиравии Президенти Ҷумҳурии Тоҷикистон 21 номгӯй китоб ба нашр расид»
Номинаи муштараки «Санъати зарҳалкорӣ» барои қабул ба рӯйхати Феҳристи мероси фарҳанги ғайримоддии ЮНЕСКО пешниҳод карда шуд
«Соли 2022 бори аввал дар Тоҷикистон Бозиҳои Делфӣ баргузор гардид»,- бардошт аз нишасти матбуотии Вазорати фарҳанг
ДАСТОВАРДИ ФАРҲАНГӢ. Хонандагони шаҳри Душанбе дар Олмон сазовори Гран-при ва ҷойи якум шуданд
