Театри «Лӯхтак» дар Фестивали байналмилалии «Санъати театрӣ-марҳилаи хушбахтӣ» дар Ашқобод ширкат меварзад
ДУШАНБЕ, 18.11.2019./АМИТ «Ховар»/. Аз 18 то 25 ноябр гурӯҳи эҷодии Театри давлатии «Лӯхтак»-и шаҳри Душанбе дар Фестивали 3-юми байналмилалии «Санъати театрӣ-марҳилаи хушбахтӣ» дар шаҳри Ашқободи Туркманистон ширкат меварзад. Дар ин бора роҳбари бадеии театри мазкур Наргис Розиқова ба АМИТ «Ховар» хабар дод.
Ба гуфтаи мавсуф, дар фестивал гурӯҳи эҷодии театр бо намоиши «Кӣ гунаҳгор?»-и муаллиф Лев Кожевников, коргардон — Ҳунарманди шоистаи Тоҷикистон Изатулло Сафарзода ҳунарнамоӣ мекунад. Мусиқӣ барои намоиш аз ҷониби Ҳунарманди шоистаи Ҷумҳурии Тоҷикистон, оҳангсоз Амирбек Мусоев омода шудааст. Наргис Розиқова дар бораи қисмати намоиш маълумоти мухтасар дода, гуфт, ки ин спектакл барои доираи васеи тамошобинон пешбинӣ шудааст. Аз тамошои он наврасон ғизои маънавӣ мегиранду калонсолон маънои ҳаётро аз нав меомӯзанд. «Намоиш хеле ибратбахш аст. Одамоне, ки гуноҳ ва дигар ҷиноятҳо содир мекунанд, гунаҳкорро дар худ не, балки дар дигарон меҷӯянд. Худро сафед карда, ҳама айбро ба гардани шайтон меовезанд, вайро гунаҳкор мекунанд. Ин фалсафаи абадии ҳаёт аст. Намоиш дар мавзӯи тарс, нопокӣ ва хислати заифи одам асос ёфтааст. Мо аз мардум даъват ба амал меорем, ки бори дигар ба кирдорҳои худ нигоҳ карда, хулоса бароранд».
Мавриди зикр аст, ки театр бо намоиши мазкур соли 2013 дар аввалин Фестивали байналмилалӣ байни театрҳои лӯхтаки «ЭКИЯТ» дар шаҳри Қазони Тотористон иштирок карда буд. Инчунин мусоҳиб баён намуд, ки дар Фестивали 3-юми байналмилалии «Санъати театрӣ-марҳилаи хушбахтӣ» гурӯҳҳои театрӣ, санъатшиносон ва мутахассисони касбӣ аз тамоми ҷаҳон ширкат меварзанд. Дар назар аст, ки дар баробари намоишҳои театрӣ, намоишгоҳҳо, вохӯриҳо, конфронсҳо ва мастер-классҳо баргузор гардида, барои меҳмонон тамошои осорхонаҳо ва сайругашт дар чойҳои диданбоби пойтахти Туркманистон ташкил карда шаванд.
Ёдовар мешавем, ки аз 13 то 15 апрели соли 2012 Фестивали I байналмилалии театрӣ «Санъати театрӣ -марҳилаи хушбахтӣ» дар Ашқобод баргузор гардида буд. Дар Фестивали II байналмилалии «Санъати театрӣ-марҳилаи тавоноӣ ва хушбахтӣ», ки аз 15 то 17 апрели соли 2014 дар Ашқобод баргузор шуда буд, 16 гурӯҳи театрӣ аз 14 давлати ҷаҳон ширкат варзиданд.
Дар Хуҷанд масъалаи эҳё ва рушди ҳунарҳои бадеии халқӣ баррасӣ гардид
«ДИРӮЗ, ИМРӮЗ ВА ФАРДОИ ФАРҲАНГИ ТОҶИК». Таҳти чунин унвон дар Душанбе конференсияи ҷумҳуриявӣ доир гардид
Дар Тоҷикистон Озмуни ҷумҳуриявии «Роҳнамои беҳтарин» баргузор мешавад
Дар Давҳа намоиши ҳунарҳои мардумӣ ва барномаи консертии Рӯзҳои фарҳанги Ҷумҳурии Тоҷикистон доир гардид
Дар Давлати Қатар Рӯзҳои фарҳанги Ҷумҳурии Тоҷикистон идома доранд
Таҳти унвони «Робиаи Балхӣ — нахустбонуи соҳибдевони адабиёти тоҷику форс» конференсияи байналмилалӣ баргузор мешавад
Фаъолияти инноватсионӣ-методии китобхонаҳоро қонунгузории Ҷумҳурии Тоҷикистон чӣ гуна муқаррар намудааст?
«ҶАВОНОН — ЗИДДИ ТЕРРОРИЗМ». Таҳти ин унвон дар Осорхонаи миллӣ намоиши асарҳои рассомони ҷавон оғоз шуд
ПАЁМЕ, КИ НАВИДИ ПИРӮЗИҲОСТ. Иҷрои дастурҳои он роҳнамои миллати тоҷик барои фатҳи қуллаҳои нави армонҳои миллӣ аст
Донишҷӯёни Донишкадаи давлатии санъати тасвирӣ ва дизайни Тоҷикистон дар озмуни «Тоҷикистон-Ватани азизи ман» соҳиби се Шоҳҷоиза шуданд
Чойхонаи тоҷикии «Шоми Ваҳдат» фарҳанги миллати тоҷикро дар шаҳри Краснодар муаррифӣ менамояд
Дар Донишкадаи давлатии фарҳанг ва санъати Тоҷикистон Маркази машваратӣ-равоншиносӣ таъсис дода шуд
