Намояндагони соҳаи фарҳанги Тоҷикистон ва Узбекистон бо орденҳои «Дӯстӣ» ва «Дӯстлик» қадрдонӣ карда шуданд
ДУШАНБЕ, 27.03.2026 /АМИТ «Ховар»/. Барои хизматҳои бузург дар рушди ҳамкории ҳамаҷониба ва муносибатҳои дӯстонаи ҳамсоягӣ, бахусус саҳми арзанда дар рушди муносибатҳои фарҳангӣ байни Ҷумҳурии Тоҷикистон ва Ҷумҳурии Узбекистон намояндагони соҳаи фарҳанги ду давлат бо орденҳои «Дӯстӣ» ва «Дӯстлик» қадрдонӣ карда шуданд. Дар ин хусус ба АМИТ «Ховар» аз Вазорати фарҳанги Ҷумҳурии Тоҷикистон хабар доданд.
Аз ҷумла, барои саҳми арзанда дар рушди муносибатҳои фарҳангӣ байни Ҷумҳурии Тоҷикистон ва Ҷумҳурии Узбекистон роҳбари Маркази миллию фарҳангии тоҷикон дар Ҷумҳурии Узбекистон Гуландом Субҳонова бо ордени «Дӯстӣ» сарфароз гардонида шуд.
Ҳамзамон барои хизматҳои бузург дар рушди ҳамкории ҳамаҷониба ва муносибатҳои дӯстонаи ҳамсоягӣ байни Ҷумҳурии Тоҷикистон ва Ҷумҳурии Узбекистон, густариши дӯстии анъанавӣ, шарикии стратегӣ ва робитаҳои фарҳангиву гуманитарӣ роҳбари ансамбли шашмақоми «Нури Ниёгон»-и вилояти Суғди Ҷумҳурии Тоҷикистон Шуҳратҷон Набиев бо ордени «Дӯстлик»-и Ҷумҳурии Узбекистон мушарраф гардид.
Тақдими мукофотҳо ҷиҳати фаъолияти бисёрсолаи самараноки эҷодӣ, саҳм дар рушд ва тарғиби фарҳанг, иштироки фаъолона дар муаррифии мероси бойи фарҳангӣ ва маънавии халқи тоҷику узбек дар арсаи байналмилалӣ, инчунин фаъолияти намунавӣ дар ҳифз ва ғанӣ гардонидани арзишҳо ва анъанаҳои муштарак мусоидат менамояд.
АКС: Вазорати фарҳанги Ҷумҳурии Тоҷикистон
Дар Душанбе Рӯзи фарҳанги ноҳияи Рӯшон баргузор гардид
Дар Душанбе 49 номгӯй адабиёти тозанашри кӯдакона рӯнамоӣ гардид
Дар пойтахти Тоҷикистон Рӯзи фарҳанги ноҳияи Ванҷ доир шуд
Рӯзи фарҳанги ноҳияи Шуғнон бо шукуҳу шаҳомати хос баргузор шуд
Оид ба бостоншиносӣ ва нақши он дар ҳифзи мероси таърихию фарҳангӣ ҳамоиш доир шуд
15 АВГУСТ–РӮЗИ БАЙНАЛМИЛАЛИИ БОСТОНШИНОСӢ. Зиёда аз 70 фоизи мероси таърихию фарҳангии Тоҷикистонро ёдгориҳои бостонӣ ташкил медиҳанд
Тоҷикистон мизбони Бозиҳои XX Делфии ҷавонони давлатҳои аъзои ИДМ мегардад
Раиси шаҳри Шероз дар Осорхонаи миллии Тоҷикистон бо таъриху тамаддуни тоҷикон шинос гардид
ТАМАДДУНИ ТОҶИКОН. Аз ёдгории таърихии «Сайёд» муҳри шоҳии марбут ба аҳди Кӯшониён дарёфт гардид
Таҳти унвони «Эмомалӣ Раҳмон: абармарди сиёсат, ҳақиқатнигори таърих, ҳувиятофари миллат» конференсияи байналмилалӣ доир шуд
Дар Душанбе рӯзҳои фарҳанги вилояти Суғд, ноҳияҳои Ванҷ, Шуғнон ва Рӯшон баргузор мегарданд
Оид ба вазъ ва дурнамои хизматрасонӣ ба истифодабарандагон дар китобхонаҳо ҳамоиш доир шуд
