Вазъ ва дурнамои рушди тибби оилавӣ дар Ҷумҳурии Тоҷикистон муҳокима гардид
ДУШАНБЕ, 22.11.2019. /АМИТ «Ховар»/. Дар шаҳри Душанбе вазъ ва дурнамои рушди тибби оилавӣ дар Ҷумҳурии Тоҷикистон муҳокима гардид. Дар ин бора мухбири АМИТ «Ховар» хабар медиҳад.
Масъалаи мазкур имрӯз зимни баргузории конфронси илмию амалӣ бо иштироки роҳбарият ва намояндагони Вазорати тандурустӣ ва ҳифзи иҷтимоии аҳолии Ҷумҳурии Тоҷикистон, Маркази аврупоии Ташкилоти умумиҷаҳонии тандурустӣ, доираи васеи олимону мутахасисон ва коршиносони ватаниву байналмилалӣ муҳокима карда шуд.
Конфронси мазкур бахшида ба 20-солагии таъсиси Маркази ҷумҳуриявии таълимию клиникии тибби оилавӣ доир шуда, мақсад аз баргузории он баррасии ҳолати кунунӣ ва дурнамои рушди хизматрасониҳои тибби оилавӣ дар Ҷумҳурии Тоҷикистон мебошад.
Зикр гардид, ки кумаки аввалини тиббию санитарӣ яке аз воситаҳои пешбаранда ва асосӣ ҷиҳати расидан ба ҳадафҳои Стратегияи миллии солимии аҳолии Ҷумҳурии Тоҷикистон барои солҳои 2010-2020 мебошад.
«Зеро кумаки аввалини тиббию санитарӣ яке аз вазифаҳои асосии соҳаи тандурустӣ буда, қисми асосии фаъолияти онро ташкил медиҳад. Он ҷузъи ҷудонашавандаи ҳамаи равандҳои инкишофи иқтисодию иҷтимоии ҷомеа маҳасуб мешавад»,- гуфта шуд дар конфронс.
Муовини директори Маркази ҷумҳуриявии таълимию клиникии тибби оилавӣ Фарида Худойдодова дар суҳбат бо мухбири АМИТ «Ховар» чунин ибрози назар намуд: «Ислоҳоти соҳаи тандурустӣ дар даврони соҳибистиқлолии мамлакат ба тибби оилавӣ замина гузошт, ки барои ҳифзи саломатии аҳолӣ муфид мебошад».
Гуфтан бамаврид аст, ки яке аз роҳҳои афзалиятноки асосии ислоҳоти соҳаи тандурустӣ, ки аз Стратегияи миллии солимии аҳолии мамлакат барои солҳои 2010-2020 бармеояд, ин рушди сифатноки кумаки аввалини тиббию санитарӣ мебошад, ки ба тибби оилавӣ асос ёфтааст.
Ёдовар мешавем, ки иштирокчиёни конфронс масъалаҳои мубрами рушди кумаки аввалини тиббию санитарӣ аз рӯи принсипҳои тибби оилавиро муҳокима ва вазифаҳои минбаъдаро барои солҳои 2020-2030 муайян намуданд.
Дар Хуҷанд даври шаҳрии Озмуни ҷумҳуриявии «Беҳтарин хизматчии давлатӣ аз ҳисоби занон» доир шуд
ИСТИҚЛОЛ ВА ФАРДОИ ДУРАХШОНИ ВАТАН. Доир ба он ҳамоиши ҷумҳуриявӣ баргузор шуд
12 АВГУСТ — РӮЗИ БАЙНАЛМИЛАЛИИ ҶАВОНОН. Беш аз 1700 нафар ҷавонони Тоҷикистон дар вазифаҳои роҳбарӣ фаъолият доранд
ПУРСИДЕД, ҶАВОБ МЕДИҲЕМ. Дар кадом ҳолатҳо муҳоҷирон ба рӯйхати шахсони назоратшаванда ворид мешаванд?
Ҳамкории Маркази тадқиқоти стратегии Тоҷикистон бо Раёсати нашр ва паҳнкунии адабиёт бо забонҳои хориҷии Чин густариш меёбад
Таъсиси маркази касбомӯзӣ ва омӯзиши забонҳои арабӣ ва англисӣ барои муҳоҷирони меҳнатӣ баррасӣ шуд
Истифодаи барномаи «Амина» барои шаҳрвандони хориҷие, ки ба Русия бе раводид ворид мешаванд, ҳатмӣ мегардад
ТАВСИЯҲОИ МУФИД. Доир ба тарзи нави захира кардани меваҷоту сабзавот барои фасли зимистон
«ЭЪЛОМИЯИ ҲУҚУҚИ БАШАР». Таҳти чунин унвон ҳамоиши ҷумҳуриявӣ доир гардид
Китоби Пешвои миллат Эмомалӣ Раҳмон таҳти унвони «Ҳизби Халқии Демократии Тоҷикистон ва марҳилаҳои рушди Тоҷикистони соҳибистиқлол» рӯнамоӣ гардид
Дар Хадамоти иҷро оид ба татбиқи хизматрасониҳои электронӣ машварати омӯзишӣ доир гардид
Тақвияти ҳамкории Тоҷикистон ва Британияи Кабир дар соҳаи муҳоҷирати меҳнатии бехатар баррасӣ шуд
