Дар шаҳри Қингдаои Чин Мусобиқаи ситораҳои дзюдо оғоз гардид
ДУШАНБЕ, 13.12.2019 /АМИТ «Ховар»/. Шурӯъ аз 12 декабр дар шаҳри Қингдаои Чин Мусобиқаи ситораҳои дзюдо оғоз гардид. Дар он чор варзишгари тоҷик: Сомон Маҳмадбеков, Беҳрӯз Хоҷазода, Комроншоҳ Устопириён ва Темур Раҳимов иштирок доранд. Дар ин бора аз Кумитаи миллии олимпии Тоҷикистон ба АМИТ «Ховар» хабар доданд.
Бино ба иттилои манбаъ, силсиламусобиқаҳои Федератсияи байналмилалии дзюдо то 14 декабр идома ёфта, тибқи низомнома, дар мусобиқа 32 варзишгари беҳтарини ҳар категорияи вазнӣ аз рӯи раддабандии ҷаҳонии IJF дар асоси даъватнома иштирок мекунанд.
Бори аввал дар таърихи дзюдои мамлакат чор варзишгар ба ин мусобиқа даъват шуда, дар раддабандии ҷаҳонӣ Сомон Маҳмадбеков феълан дар ҷои 17-уми вазни -73 кг мавқеъ дорад. Беҳрӯз Хоҷазода дар зинаи 20-уми ҳамин вазн қарор гирифтааст. Комроншоҳ Устопириён дар ҷои 18-уми вазни -90кг ва Темур Раҳимов дар ҷои 27-уми вазни +100кг мебошанд.
Тибқи иттилои сомонаи расмии IJF, дар Мусобиқаи ситораҳои дзюдои ҷаҳон 448 нафар варзишгарон (230 мард, 218 зан) аз 67 давлат иштирок мекунанд. Қувваозмоиҳо аз рӯи 14 категорияи вазнӣ: 7 вазн миёни мардҳо ва 7 вазн миёни бонувон сурат мегиранд. Варзишгароне, ки ҷойҳои ифтихориро ишғол менамоянд, дар баробари медал бо ҷоизапулӣ қадрдонӣ мешаванд. Барои ҷои аввал 9 ҳазор доллари ИМА, барои ҷои дуюм 6 ҳазор доллар ва барои ду ҷои сеюм 3 ҳазор долларӣ пешбинӣ шудаанд.
Инчунин варзишгарон дар мусобиқаи мазкур соҳиби хол гардида, мавқеашонро дар раддабандии олимпӣ беҳтар менамоянд. Барои ҷои аввал 1800 хол, барои ҷои дуюм 1260 хол, барои ҷои сеюм 900 хол, барои ҷои панҷум 648 хол ва барои ҷои ҳафтум 468 хол пешбинӣ гардидааст.
Самбочиёни Клуби марказии варзиши артиши Вазорати мудофиаи Тоҷикистон дар Москва соҳиби ду медали биринҷӣ шуданд
«ФУТБОЛ ВА РУШДИ ОН ДАР ҶУМҲУРИИ ТОҶИКИСТОН». Таҳти чунин унвон китоби иттилоотӣ-омӯзишӣ нашр гардид
Мунтахаби Тоҷикистон дар Чемпионати ҷаҳон оид ба гӯштини миллӣ (гӯштингирӣ) 12 медал ба даст овард
«Регар-ТадАЗ» ба марҳилаи гурӯҳии Лигаи даъвати КФО-2026/27 роҳ ёфт
ҶОМИ ТОҶИКИСТОН-2026. Дастаҳои «Равшан» – «Хуҷанд» ва «Эсхата» – «Сардор» ба даври нимниҳоии мусобиқа роҳ ёфтанд
Дар Чемпионати ҷаҳон оид ба гӯштини миллӣ (гӯштингирӣ) варзишгарони зиёда аз 70 давлати ҷаҳон иштирок менамоянд
ВАРЗИШ — ПАЙКИ СУЛҲ, ДӮСТӢ ВА СОЗАНДАГӢ. Ҳамоиши фарҳангию фароғатӣ ва варзишию солимгардонӣ доир шуд
НИШАСТИ МАТБУОТӢ. Дар ноҳияи Шаҳритус аз рӯи 13 намуди варзиш машғулият гузаронида мешавад
10 АВГУСТ — РӮЗИ ВАРЗИШГАРОНИ ТОҶИКИСТОН. Теъдоди иншооти соҳаи варзиш беш аз 9 маротиба афзоиш ёфтааст
Дастаи мунтахаби Тоҷикистон дар Чемпионати расмии ҷаҳон оид ба ҷиу-ҷитсу соҳиби 9 медал гардид
Бахшида ба Рӯзи варзишгарони Тоҷикистон дар ноҳияи Фирдавсии пойтахт ҳамоиши тантанавӣ доир шуд
ФУТБОЛ. Доварони Тоҷикистон дар семинари доварони элитаи КФО дар Тошканд иштирок намуданд
