Дар Тоҷикистон ва Ӯзбекистон ба интихоботи парлумонӣ омодагӣ мебинанд

Декабрь 5, 2019 12:36

ДУШАНБЕ, 05.12.2019 /АМИТ «Ховар»/. Дар Ӯзбекистон 22 декабри соли равон интихоботи навбатии парлумонӣ доир мегардад, хабар медиҳад АМИТ «Ховар» бо истинод ба АМИӮ «УзА».

Оғози  моҳи ноябр  панҷ ҳизби  ба интихобот роҳёфта дар ҷумҳурӣ — Ҳизби либерал-демократии Ӯзбекистон  (ҲЛДУ), Ҳизби халқии демократии Ӯзбекистон (ҲХДУ), Ҳизби демократии Миллий тикланиш (Эҳёи миллӣ), Ҳизби сотсиал-демократии «Адолат» ва Ҳизби экологии Ӯзбекистон аз рӯи шумораи ҳавзаҳо мутаносибан 150 нафарӣ номзади худро мувофиқ бо миқдори округҳои интихоботӣ  пешбарӣ карданд.

15 ноябр Комиссияи марказии интихоботии Ӯзбекистон ҳамаи  750 нафар номзадро ба қайд гирифт ва 18 ноябр тарғиботи пешазинтихоботӣ  шурӯъ шуд.

Тавре АМИТ «Ховар» қаблан хабар дода буд,  Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон бо фармони худ ҳамчунин санаи баргузории интихоботи парлумониро дар ҷумҳурии мо таъйин намуданд.

Интихоботи даъвати нави вакилон ба Маҷлиси намояндагони Маҷлиси Олӣ ва ба  Маҷлиси вакилони мардумии Вилояти Мухтори Кӯҳистони Бадахшон, вилоятҳо, Душанбе ва шаҳру  ноҳияҳо 1 март соли 2020 доир мегардад.

Ғайр аз ин, дар фармони Президенти мамлакат таъкид шудааст, ки интихоби даъвати нави аъзои Маҷлиси миллии Маҷлиси Олии Ҷумҳурии Тоҷикистон 27 марти соли 2020 ба нақша гирифта шуда,  интихоботи вакилон ба ҷамоатҳо, шаҳракҳо ва деҳот низ тибқи Қонун «Дар бораи мақомоти худидоракунии шаҳракҳо ва деҳот» 1 март доир мегардад.

Ёдовар мешавем, ки интихоботи қаблӣ ба палатаи поёнии Парлумони Тоҷикистон 1 марти соли 2015 доир шуда буд. Он вақт Ҳизби Халқии Демократии Тоҷикистон   65,2%-и овозҳоро соҳиб шуда,  пирӯз гардид.

Декабрь 5, 2019 12:36

Хабарҳои дигари ин бахш

Истиқлолияти давлатӣ ва рушди парламентаризми миллӣ
Файзалӣ Идизода дар ноҳияи Сангвор бо интихобкунандагон вохӯрӣ намуд
Файзалӣ Идизода дар ноҳияи Лахш бо интихобкунандагон вохӯрӣ намуд
Раиси Маҷлиси миллии Маҷлиси Олии Ҷумҳурии Тоҷикистон Рустами Эмомалӣ бо Раиси Маҷлиси Парламенти Ҷумҳурии Қазоқистон Ерлан Кошанов мулоқот намуданд
Рустами Эмомалӣ дар шаҳри Остона бо фаъолияти технопарки байналмилалии Астана Хаб шинос шуданд
Раиси Маҷлиси миллии Маҷлиси Олии Ҷумҳурии Тоҷикистон Рустами Эмомалӣ бо Президенти Ҷумҳурии Қазоқистон Қосим-Жомарт Токаев мулоқот намуданд
Раиси Маҷлиси миллии Маҷлиси Олии Ҷумҳурии Тоҷикистон Рустами Эмомалӣ бо Раиси Сенати Парламенти Ҷумҳурии Қазоқистон Маулен Ашимбаев мулоқот намуданд
Рустами Эмомалӣ дар пояи маҷмааи «Муҳофизони Ватан»дар Остона гулчанбар гузоштанд
Сафари расмии Раиси Маҷлиси миллии Маҷлиси Олии Ҷумҳурии Тоҷикистон Рустами Эмомалӣ дар Қазоқистон оғоз шуд
Раиси Маҷлиси миллии Маҷлиси Олии Ҷумҳурии Тоҷикистон Рустами Эмомалӣ ба Ҷумҳурии Қазоқистон сафар намуданд
Ҳамкории Маҷлиси намояндагон бо Шурои қонунгузории Давлати Фаластин густариш меёбад
Шунавандагони мактаби САҲА оид ба дипломатия бо бинои нави Парлумони Тоҷикистон шинос шуданд