ҲИФЗ ВА РУШДИ ФАРҲАНГИ МИЛЛӢ ДАР ШАРОИТИ ҶАҲОНИШАВӢ – ВАЗИФАИ МУҲИМИ ДОРОИ АҲАМИЯТИ ДАВЛАТӢ. Дар Пажӯҳишгоҳи илмӣ-тадқиқотии фарҳанг ва иттилоот бахшида ба Паёми навбатии Президенти мамлакат ҳамоиш доир гардид
ДУШАНБЕ, 28.12.2019 /АМИТ «Ховар»/. 27 декабр дар Пажӯҳишгоҳи илмӣ-тадқиқотии фарҳанг ва иттилоот таҳти унвони «Ҳифз ва рушди фарҳанги миллӣ дар шароити ҷаҳонишавӣ» ҳамоиши илмӣ баргузор гардид.
Тавре дар Пажӯҳишгоҳи илмӣ-тадқиқотии фарҳанг ва иттилоот (ПИТФИ) ба хабарнигори АМИТ «Ховар» иттилоъ доданд, ҳамоиши мазкур ба Паёми Президенти Ҷумҳурии Тоҷикистон ба Маҷлиси Олии Ҷумҳурии Тоҷикистон бахшида шуд.
Ҳамоишро директори пажӯҳишгоҳ Шариф Комилзода оғоз намуда, иброз дошт, ки «Асосгузори сулҳу ваҳдати миллӣ, Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар Паёми навбатӣ доир ба рушди фарҳангу маданият дар мамлакат таваҷҷуҳи хосса зоҳир намуданд, ки мояи рӯҳбаланди мо гардид». Ӯ зикр намуд, ки Пешвои миллат ҳифз ва рушди фарҳанги миллиро дар шароити ҷаҳонишавӣ аз вазифаҳои муҳими дорои аҳамияти давлатӣ унвон кардаанд.
Дар ҳамоиш ҳамчунин доир ба дастовардҳои Пажӯҳишгоҳ дар соли 2019 ва нақшаҳои илмӣ барои соли оянда, ки ба Паём иртиботи бевосита доранд, маълумот манзур гардид.
«Ҳадафи асосии Пажӯҳишгоҳи илмӣ-тадқиқотии фарҳанг ва иттилоот низ амалӣ намудани сиёсати хирадмандонаи Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар самти фарҳанг мебошад. Аз ин рӯ, мо бояд ҳамаи он бандҳоеро, ки ба фаъолият дар соҳаи мо алоқаманд мебошанд, сармашқи кори худ қарор бидиҳем»,- таъкид намуд Шариф Комилзода.
Муовини директори Пажӯҳишгоҳи мазкур Дилшод Раҳимӣ дар мавзӯи «Муҳимияти масъалаҳои илму фарҳанг дар Паёми навбатии Президенти Ҷумҳурии Тоҷикистон ба Маҷлиси Олии мамлакат», мудири шуъбаи илмӣ-методии ПИТФИ Абдулфаттоҳ Аминов дар мавзӯи «Омӯзиш ва пажӯҳиши касбу ҳунарҳои мардумӣ аз ҷониби олимони ПИТФИ дар соли 2019» ва маърӯзаи ходими калони илмии Маркази мероси фарҳангии тоҷикони ПИТФИ Гулзира Каримова дар мавзӯи «Вазъи ҳуҷҷатҳои инвентаризатсионӣ дар бойгонии мероси фарҳанги ғайримоддии ПИТФИ» пешниҳод гардид.
Дар ҳамоиш муаррифии китоби тозанашри «Рушди ҳунарҳои мардумӣ дар замони истиқлол» аз ҷониби муаллиф – мудири бахши мероси фарҳанги ғайримоддии Маркази мероси фарҳангии тоҷикони ПИТФИ Зафар Холмуродов сурат гирифт.
Бояд тазаккур дод, ки китоби мазкур дар шакли маҷмӯаи мақолаҳо таҳия гардида, дар асоси натиҷаҳои экспедитсияҳои илмӣ таълиф шудааст. Китоб аз пешгуфтор, се бахш – вижагиҳои касбу ҳунарҳо дар ҷумҳурӣ; касбу ҳунарҳои суннатии тоҷикон; намунаҳои дигари фарҳанги ғайримоддӣ ва хулосаву рӯйхати адабиёт иборат буда, ба ифтихори Солҳои рушди деҳот, сайёҳӣ ва ҳунарҳои мардумӣ эълон гардидани солҳои 2019-2021 нашр гардидааст.
Эмомалӣ Раҳмон: «Масъалаи талафоти неруи барқ ва истифодаи ғайриқонунии он дар ҷумҳурӣ ташвишовар аст»
Дар маҷаллаи «The Diplomatic Insight» мақолаи олимони тоҷик таҳти унвони «Эмомалӣ Раҳмон – Пешвои дипломатияи байналмилалӣ» ба нашр расид
Сарвазири Тоҷикистон бо рафти корҳои бартарафсозии оқибатҳои офати табиӣ дар ноҳияи Тоҷикобод шинос шуд
Президенти Тоҷикистон Эмомалӣ Раҳмон: «Пиряхҳои мо танҳо манбаи об барои минтақа набуда, дар ҳифзи иқлими минтақа низ нақши муҳим мебозанд»
Пиряхҳои Тоҷикистон боигарии бебаҳои табиӣ ва сарчашмаҳои муҳими оби тоза дар Осиёи Марказӣ мебошанд
ҶОИЗАИ «ШАҲРИ СУЛҲ». Онро Душанбе барои саҳми беандоза дар таҳкими сулҳ ва арзишҳои башарӣ бо қарори ЮНЕСКО соҳиб гардид
МАСЪУЛИЯТИ ШАҲРВАНДӢ. Барои ғайриқонунӣ истифода бурдани неруи барқ ҷавобгарии ҷиноятӣ муқаррар гардид
Президенти Комиссияи Иттиҳоди Аврупо Урсула фон дер Ляйен аз иқтидори бузурги Неругоҳи азими барқи обии «Роғун»-и Тоҷикистон ёдовар шуд
Президенти Тоҷикистон тавсеаи ҳамкории давлатҳои Осиёи Марказиро бо Иттиҳоди Аврупо дар соҳаи энергетикаи «сабз» аз самтҳои ояндадор номиданд
Эмомалӣ Раҳмон: «Пиряхҳои Тоҷикистон танҳо манбаи об барои минтақа набуда, дар нигоҳдории иқлими минтақа низ нақши муҳим мебозанд»
Инъикоси густурдаи таҷлили Ҷашни байналмилалии Наврӯз бо иштироки Сарони се давлати Осиёи Марказӣ дар расонаҳои хабарии минтақаю ҷаҳон ва шабакаҳои иҷтимоӣ
