Президенти «Юнистрим» Маркази миллии протсессингии интиқоли маблағҳоро навоварӣ дар самти бонкдории Тоҷикистон номид
ДУШАНБЕ, 06.12.2019. /АМИТ «Ховар»/. Президенти низоми пардохтии байналмилалии «Юнистрим» Кирилл Палчун Маркази миллии протсессингии интиқоли маблағҳоро навоварӣ дар соҳаи бонкдории Тоҷикистон номид. Дар ин бора АМИТ «Ховар» бо истинод ба маркази матбуоти Бонки миллии Тоҷикистон хабар медиҳад.
Ба иттилои манбаъ, мавсуф 5 декабр зимни мулоқот бо муовини якуми Раиси Бонки миллии Тоҷикистон Ҷамолиддин Нуралиев бо ибрози чунин баҳогузорӣ маркази мазкурро барои рушди бозори хизматрасониҳои интиқолӣ, ки таъминнокии молиявии ҳар як амалиёти фаромарзии интиқоли маблағҳоро кафолат медиҳад, муҳим арзёбӣ намуд.
Ҷонибҳо масъалаи тақвият бахшидани ҳамкориву васеъ намудани доираи хизматрасонӣ, арзону осон кардани хизматрасонии интиқоли маблағ ва дигар хизматрасониҳо тавассути низоми пардохтии «Юнистрим» дар ҳамкорӣ бо низоми бонкии Тоҷикистонро баррасӣ намуданд.
Гуфта мешавад, ки то ба фаъолият оғоз намудани Маркази миллии протсессингии интиқоли маблағҳо ҳаққи хизматрасонии «Юнистрим» ба ҳисоби миёна ба Тоҷикистон 1,5 фоизро ташкил медод. Баъд аз пайваст шудан ба маркази мазкур ҷиҳати дастгирӣ намудани пешниҳоди Бонки миллии Тоҷикистон аз ҷониби роҳбарияти ин низом ҳаққи хизматрасонӣ барои интиқоли маблағҳо аз 6 декабри соли 2019 то ба 0,99 фоиз поён фароварда шуд.
Ёдовар мешавем, ки шурӯъ аз 3 декабри соли равон интиқоли тамоми маблағҳо бе кушодани суратҳисобҳои бонкӣ тавассути низомҳои пардохтие, ки ба Маркази миллии протсессингии интиқоли маблағҳо пайваст гардидаанд, амалӣ мешаванд.
Айни замон низомҳои пардохтии «Юнистрим» ва «Контакт» ба Маркази мазкур пурра пайваст шудаанд. Мақсади асосии таъсиси Маркази миллии протсессингӣ аз баланд бардоштани самаранокии фаъолияти низоми интиқоли маблағҳо, таъмин намудани шаффофияти амалиёт ва коҳиш додани хавфҳои транзаксионӣ бо мақсади таъмин намудани устувории низоми бонкию молиявӣ дар мамлакат ва ба амал овардани заминаи мусоид барои амалиёти бехавф иборат мебошад.
Лоиҳаҳои Фонди байналмилалии рушди кишоварзӣ баррасӣ гардиданд
ПЕШСАФИ ПАХТАЧИНӢ. Дар Мастчоҳ зиёда аз 7 ҳазор тонна пахта ҷамъоварӣ карда шудааст
Лоиҳаҳои сохтмони НБО-и «Роғун» ва таҷдиди НБО-и «Норак» бо ҳайати Бонки ҷаҳонӣ баррасӣ гардид
Вазири нақлиёти Тоҷикистон дар Сеул аз татбиқи тарҳҳои гуногун дар соҳаи нақлиёт бо Корея ёдовар шуд
Форуми тиҷоратии Тоҷикистон ва Швейтсария баргузор гардид
Ҷаласаи махсуси ҳамоҳангсозии гурӯҳи ИКАО оид ба такмили хатҳои ҳавоии минтақаи шарқ – «RDGE – SСМ/2025» доир шуд
ҲИСОБАРОБАРКУНИИ ҒАЙРИНАҚДӢ. Байни «Амонатбонк» ва Агентии суғуртаи иҷтимоӣ ва нафақа санади ҳамкорӣ ба имзо расид
Парвозҳои мустақим дар масири Сиан-Душанбе-Сиан оғоз гардиданд
Дар Душанбе конфронси байналмилалӣ оид ба роҳнамои стратегии рушди иқтисоди миллӣ доир мегардад
Ҷаласаи Гурӯҳи коршиносони миллӣ барои омодагӣ ба даври сеюми баҳодиҳии мутақобили низоми муайян доир шуд
Тақвияти ҳамкории Тоҷикистон ва Чин дар соҳаҳои технологияҳои иттилоотию рақамӣ баррасӣ гардид
ИСТИФОДАИ САМАРАНОКИ ЗАМИН. Фаъолияти Абдурауф Зиёев дар шаҳри Панҷакент барои ҳамдеҳагонаш намунаи ибрат аст
