Дар Чемпионати CAFA-2020 оид ба футзал миёни духтарони то 19-сола дастаи бонувони Эрон ғолиб дониста шуд

ДУШАНБЕ, 30.01.2020 /АМИТ «Ховар»/. Чемпионати Ассотсиатсияи футболи Осиёи Марказӣ-2020 (АФОМ) оид ба футзал миёни духтарони то 19-сола бо пирӯзии дастаи Эрон ба анҷом расид.

Дар ин бора ба АМИТ «Ховар» аз Кумитаи миллии олимпии Тоҷикистон хабар доданд.

Ба иттилои манбаъ, дар доираи чемпионат 15 бозӣ тибқи системаи даврӣ дар як давр доир гашт.

Дастаи  бонувони Эрон дар 5 бозӣ пирӯз гашта, соҳиби медалҳои тилло ва ғолиби чемпионат дониста шуд. Медалҳои нуқра бо гирифтани 12 хол насиби дастаи бонувони Ӯзбекистон шуд ва ҷои сеюмро дастаи Туркманистон бо 9 хол ба даст овард.

Ёдовар мешавем, ки Чемпионати Ассотсиатсияи футболи Осиёи Марказӣ-2020 оид ба футзал миёни духтарони то 19-сола аз 24 то 29 январ дар шаҳри Душанбе доир шуда, дар он дастаҳои мунтахаб аз Тоҷикистон, Эрон, Ӯзбекистон, Қирғизистон, Туркманистон ва Афғонистон иштирок намуданд.

Натиҷаи Чемпионати АФОМ-2020 оид ба футзал миёни духтарони то 19-сола:

Даври 1-ум

Эрон – Тоҷикистон – 15:0
Қирғизистон – Афғонистон – 3:0
Ӯзбекистон – Туркманистон – 4:1

Даври 2-юм

Тоҷикистон – Туркманистон – 2:3
Эрон – Афғонистон – 16:1
Ӯзбекистон – Қирғизистон – 7:4

Даври 3-юм

Тоҷикистон – Қирғизистон – 0:2
Туркманистан – Эрон – 0:12
Афғонистон – Ӯзбекистон – 0:3

Даври 4-ум
Қирғизистон – Туркманистон – 1:2
Афғонистон – Тоҷикистон – 3:3
Ӯзбекистон – Эрон – 1:7

Даври 5-ум

Туркманистон – Афғонистон – 9:0
Тоҷикистон – Ӯзбекистон – 2:7
Эрон – Қирғизистон – 2:0