Дар Хатлон ба намояндагони ширкатҳои сайёҳӣ усулҳои ҳифзи шаҳрвандони хориҷӣ аз ҳолатҳои фавқулодаро омӯзониданд

Январь 20, 2020 09:54

ДУШАНБЕ, 20.01.2020 /АМИТ «Ховар»/. Ба кормандони ширкатҳои сайёҳии вилояти Хатлон тарзи банақшагирии чораҳо оид ба ҳифзи сайёҳон аз ҳолатҳои фавқулода ҳангоми сафарҳо, ҳамчунин бақайдгирии онҳо  дар Тоҷикистон омӯзонида шуд.  Дар ин бора ба АМИТ “Ховар” маркази матбуоти Кумитаи ҳолатҳои фавқулода ва мудофиаи граждании мамлакат хабар медиҳад.

Бо мақсади таҳкими ҳамкории дуҷонибаи судманд ва танзими фаъолияти сайёҳӣ  дар Тоҷикистон, ҳамчунин дар доираи чорабиниҳои амалишаванда бахшида ба Солҳои рушди сайёҳӣ ва ҳунарҳои  мардумӣ, дар шуъбаи байниминтақавии Кумитаи ҳолатҳои фавқулода ва мудофиаи гражданӣ оид ба минтақаи Кӯлоб барои намояндагони ширкатҳои сайёҳӣ, ки дар қаламрави вилояти Хатлон амал мекунанд, курсҳои омӯзишӣ ташкил карда шуданд.

«Санадҳои меъёрию ҳуқуқии Ҷумҳурии Тоҷикистон дар соҳаи ҳифзи аҳолӣ ва таъмини бехатарӣ  ҳангоми ҳодисаҳои нохуш ва  ҳолатҳои фавқулода, ҳамчунин масъалаҳои ҳамкории ширкатҳои сайёҳӣ бо Кумитаи мазкур  баррасӣ гардиданд», — иттилоъ доданд аз Кумита.

Дар бобати таҳкими ҳамкории минбаъдаи ширкатҳои сайёҳӣ бо Кумитаи ҳолатҳои фавқулода ва мудофиаи гражданӣ ва тарғиби сайёҳӣ  дар ҷумҳурӣ  ҷонибҳо ба мувофиқа расиданд.

Дар фарҷоми вохӯрӣ ба иштирокчиён техника ва таҷҳизоти махсусе, ки наҷотдиҳандагони Кумитаи ҳолатҳои фавқулода ва мудофиаи гражданӣ ҳамарӯза аз он истифода мебаранд, намоиш дода шуданд.

 

Январь 20, 2020 09:54

Хабарҳои дигари ин бахш

Дар даромадгоҳи дараи Камароб Маркази хизматрасонии сайёҳӣ ба истифода дода шуд
Донишгоҳи байналмилалии сайёҳӣ ва соҳибкории Тоҷикистон ҳамкориро бо ширкатҳои хориҷӣ тақвият мебахшад
Мотосиклронҳои «Ралли Осиёи Марказӣ-2025»-ро дар Тоҷикистон истиқбол гирифтанд
Нишасти муштарак байни роҳбарони ширкатҳои сайёҳии Тоҷикистон ва Эрон баргузор шуд
Ҷаласаи чоруми Гурӯҳи кории ҷумҳуриявӣ дар самти рушди сайёҳӣ доир шуд
Дар Бадахшон Форуми байналмилалии сайёҳӣ баргузор гардид
Рушди ҳамкории дуҷонибаи Тоҷикистон ва Белгия дар соҳаи сайёҳӣ баррасӣ гардид
Дар Конфедератсияи Швейтсария имконоту зарфияти сайёҳии Тоҷикистон муаррифӣ гардид
Ҷаласаи кумитаи тадорукоти «Намоишгоҳи байналмилалии сайёҳии Душанбе» доир гардид
Иқтидори сайёҳию рекреатсионии Тоҷикистон дар доираи таҳқиқи арзишманд муаррифӣ гардид
Дар Душанбе оид ба омодагӣ ба Форуми сармоягузорӣ дар соҳаи сайёҳӣ брифинг доир шуд
Телефони боварии Кумитаи рушди сайёҳӣ мушкили беш аз 30 ҷаҳонгарди хориҷиро бартараф намуд