Дар Тоҷикистон «Маркази воридкунии маълумот ба махзани ягонаи электронии маъюбон» таъсис дода шуд
ДУШАНБЕ, 16.01.2020 /АМИТ «Ховар»/. Дар ҳошияи Паёми навбатии Асосгузори сулҳу ваҳдати миллӣ, Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ба Маҷлиси Олӣ, Агентии давлатии ҳифзи иҷтимоии аҳолии Вазорати тандурустӣ ва ҳифзи иҷтимоии аҳолии Ҷумҳурии Тоҷикистон дар якҷоягӣ бо мусоидати техникию молиявии Лоиҳаи «Таҳкими низоми ҳифзи иҷтимоӣ», «Маркази воридкунии маълумот ба махзани ягонаи электронии маъюбон»-ро таъсис дод. Дар ин бора аз Вазорати тандурустӣ ва ҳифзи иҷтимоии аҳолӣ ба АМИТ «Ховар» хабар доданд.
Вазири тандурустӣ ва ҳифзи иҷтимоии аҳолии Ҷумҳурии Тоҷикистон Насим Олимзода аз фаъолияти «Маркази воридкунии маълумот ба махзани ягонаи электронии маъюбон» шинос шуд.
Дар маркази мазкур 20 нафар кормандони дорои касбияти гуногун дар самти технологияи иттиллотӣ, омори тиббӣ ва кори иҷтимоӣ тариқи шартнома ба кор ҷалб карда шуданд. Онҳо дар давоми 4 рӯзи аввали фаъолият ба махзани ягонаи электронӣ маълумоти зиёда аз 8 ҳазор маъюбро ворид намуданд. Дар назар аст, ки ҳар моҳ на кам аз 25 ҳазор варақаҳои аз нав бақайдгирифташудаи шахсони маъюб ба махзани ягонаи электронӣ ворид карда шаванд.
Бояд гуфт, ки тибқи қарори ҳайати мушовараи Вазорати тандурустӣ ва ҳифзи иҷтимоии аҳолии Ҷумҳурии Тоҷикистон бақайдгирии пурраи маъюбон дар шаҳру ноҳияҳои ҷумҳурӣ аз ҷониби гурӯҳҳои корӣ, ки дар ҳайати он асосан зерсохторҳои Хадамоти давлатии ташхиси тиббию иҷтимоӣ ва муассисаҳои кӯмаки аввалияи тиббии шаҳру ноҳияҳо шомиланд, дар муддати 4 моҳ анҷом дода мешавад.
Ёдовар мешавем, ки Пешвои миллат муҳтарам Эмомалӣ Раҳмон дар Паёми навбатии худ ба Маҷлиси Олӣ зикр намуданд, ки бо мақсади танзими раванди таъини нафақаи маъюбӣ ва пешгирӣ кардани пардохти нафақаҳои маъюбии беасос ҳоло дар ҳамкорӣ бо шарикони рушд лоиҳаи «Таҳкими низоми ҳифзи иҷтимоӣ» амалӣ шуда истодааст. «Тибқи он махзани ягонаи иттилоотӣ ва тартиби муосири баҳисобгирии шахсони маъюб таҳия гардида, то 6 моҳи минбаъда маълумоти дахлдор ба шабакаи ягонаи электронӣ гузаронида мешавад. Ин тадбир имкон фарҳам меорад, ки маблағҳои аз ҳисоби буҷети давлатӣ ҷудошаванда самараноку суроғавӣ истифода гардида, шахсони воқеан маъюб аз онҳо бархурдор бошанд», — тазаккур доданд Сарвари давлат.
ПУРСИДЕД, ҶАВОБ МЕДИҲЕМ. Дар кадом ҳолатҳо муҳоҷирон ба рӯйхати шахсони назоратшаванда ворид мешаванд?
Ҳамкории Маркази тадқиқоти стратегии Тоҷикистон бо Раёсати нашр ва паҳнкунии адабиёт бо забонҳои хориҷии Чин густариш меёбад
Таъсиси маркази касбомӯзӣ ва омӯзиши забонҳои арабӣ ва англисӣ барои муҳоҷирони меҳнатӣ баррасӣ шуд
Истифодаи барномаи «Амина» барои шаҳрвандони хориҷие, ки ба Русия бе раводид ворид мешаванд, ҳатмӣ мегардад
ТАВСИЯҲОИ МУФИД. Доир ба тарзи нави захира кардани меваҷоту сабзавот барои фасли зимистон
«ЭЪЛОМИЯИ ҲУҚУҚИ БАШАР». Таҳти чунин унвон ҳамоиши ҷумҳуриявӣ доир гардид
Китоби Пешвои миллат Эмомалӣ Раҳмон таҳти унвони «Ҳизби Халқии Демократии Тоҷикистон ва марҳилаҳои рушди Тоҷикистони соҳибистиқлол» рӯнамоӣ гардид
Дар Хадамоти иҷро оид ба татбиқи хизматрасониҳои электронӣ машварати омӯзишӣ доир гардид
Тақвияти ҳамкории Тоҷикистон ва Британияи Кабир дар соҳаи муҳоҷирати меҳнатии бехатар баррасӣ шуд
Дар фурудгоҳҳои байналмилалии Тоҷикистон оид ба муҳоҷирати меҳнатии қонунӣ ва бехатар корҳои фаҳмондадиҳӣ гузаронида шуданд
Дар Тоҷикистон Даҳаи дастгирии шири модар оғоз гардидааст
«ҲУҚУҚ БА САЛОМАТӢ». Таҳти чунин унвон озмуни байналмилалӣ доир мегардад
