Дастаи футзали Тоҷикистон дар мусобиқаи байналмилалӣ бо дастаҳои Кувайт ва Эрон бозӣ мекунад

Январь 22, 2020 08:35

ДУШАНБЕ, 22.01.2020. /АМИТ «Ховар»/. Ҳарифони дастаи мунтахаби футзали Тоҷикистон дар Мусобиқаи байналмилалии «SAT International Futsal Championship 2020», ки аз 2 то 8 феврал дар Тайланд баргузор мешавад, муайян гардиданд. Дар асоси қуръакашии мусобиқа  дастаи мунтахаби Тоҷикистон дар гурӯҳи «В» бо дастаи Кувайт (3 феврал) ва Эрон (4 феврал) бозӣ мекунад. Гурӯҳи «А»  аз дастаи Тайланд, Туркманистон ва Малайзия таркиб ёфтааст. Дар ин бора аз Кумитаи миллии олимпии Тоҷикистон ба АМИТ «Ховар» иттилоъ доданд.

Дар натиҷаи бозиҳои гурӯҳӣ ду дастаӣ аз ҳар ду гурӯҳ ба нимфинал роҳ меёбанд. Сипас, бозии финалӣ ва бозӣ барои ҷои сеюм доир мегарданд.

Мусобиқаи мазкур  як марҳилаи омодагии дастаи мунтахаби футзали Тоҷикистон ба Чемпионати Осиё-2020 аст, ки аз 26 феврал то 8 март дар Ашқобод мегузарад. Дар Чемпионати Осиё оид ба футзал дастаи Тоҷикистон дар гурӯҳи «А» бо дастаҳои мунтахаби Туркманистон, Ветнам ва Уммон вохӯрда, 5 дастаи беҳтарини Осиё ба Чемпионати ҷаҳон оид ба футзал роҳхат мегиранд.

Чемпионати ҷаҳон оид ба футзал аз 12 сентябр то 4 октябр дар Литва доир мегардад.

«SAT International Futsal Championship 2020»
Гурӯҳи «А»: Тайланд, Туркманистон, Малайзия.
Гурӯҳи «В»: Эрон, Тоҷикистон, Кувайт.

Тақвими бозиҳо:

Даври 1-ум. 2 феврал (якшанбе)

14:30 – Эрон – Кувайт
17:00 – Тайланд – Малайзия

Даври 2-юм. 3 феврал (душанбе)

14:30 – Кувайт – Тоҷикистон
17:00 – Малайзия – Туркманистон

Даври 3-юм. 4 феврал (сешанбе)
14:30 – Тоҷикистон – Эрон
17:00 – Туркманистон – Тайланд

Нимфинал. 6 феврал (панҷшанбе)
14:00 – 1 «А» – 2 «В»
17:00 – 1 «В» – 2 «А»

8 феврал (шанбе)
14:00 – Бозӣ барои ҷои сеюм
17:00 – Финал

Эзоҳ: Оғози бозиҳо бо вақти Душанбе

Январь 22, 2020 08:35

Хабарҳои дигари ин бахш

Сафири Тоҷикистон бо ҳайати Ассотсиатсияи варзишии ҳамбастагии исломӣ мулоқот намуд
Дастаи мунтахаби Тоҷикистон оид ба футзал ба қисми ниҳоии Ҷоми Осиё-2026 роҳхат гирифт
ҶОМИ ОСИЁ-2026. Имрӯз дастаи мунтахаби Тоҷикистон оид ба футзал бо тими Ҷопон бозӣ мекунад
Тоҷикистонро дар Бозиҳои сеюми кишварҳои ИДМ 142 варзишгар муаррифӣ менамояд
Мусобиқаи байналмилалӣ оид ба теннис барои дарёфти «Ҷоми Президенти Ҷумҳурии Тоҷикистон» ҷамъбаст гардид
ҶОМИ ОСИЁ-2026. Имрӯз дастаи мунтахаби Тоҷикистон оид ба футзал бо Камбоҷа бозӣ мекунад
Дар рӯзи охирини Ҷоми ҷаҳон оид ба самбо варзишгарони тоҷик соҳиби 6 медал шуданд
ҶОМИ ОСИЁ-2026. Дастаи мунтахаби Тоҷикистон оид ба футзал дар оғози марҳилаи интихобӣ тими Макаоро мағлуб намуд
Варзишгарони Тоҷикистон дар Бозиҳои ИДМ-2025 иштирок менамоянд
ҶОМИ ҶАҲОН ОИД БА САМБО. Варзишгарони тоҷик дар рӯзи якуми мусобиқа се медал ба даст оварданд
ҶОМИ ОСИЁ-2026. Имрӯз дастаи мунтахаби Тоҷикистон оид ба футзал бо дастаи Макао бозӣ мекунад
Мусобиқаи 15-уми байналмилалӣ оид ба теннис дар Душанбе идома дорад